ਭਾਰਤ ਦਾ ਉਹ ਸ਼ਹਿਰ, ਜਿੱਥੇ ਪੂਰੀ ਤਰ੍ਹਾਂ ਬੈਨ ਹੈ ਪਿਆਜ਼ ਤੇ ਲਸਣ!

ਵੈੱਬ ਡੈਸਕ- ਭਾਰਤ ਆਪਣੀ ਵੱਖ-ਵੱਖ ਸੱਭਿਆਚਾਰ, ਰਸਮਾਂ ਤੇ ਖਾਣ-ਪੀਣ ਲਈ ਦੁਨੀਆ ਭਰ 'ਚ ਪ੍ਰਸਿੱਧ ਹੈ। ਇੱਥੇ ਕੁਝ ਲੋਕ ਸ਼ੁੱਧ ਸ਼ਾਕਾਹਾਰੀ ਹਨ, ਤਾਂ ਕੁਝ ਮਾਸਾਹਾਰੀ। ਪਰ ਇਕ ਚੀਜ਼ ਜੋ ਲਗਭਗ ਹਰ ਭਾਰਤੀ ਰਸੋਈ 'ਚ ਮਿਲਦੀ ਹੈ — ਉਹ ਹੈ ਪਿਆਜ਼। ਦਾਲ ਦਾ ਤੜਕਾ ਹੋਵੇ ਜਾਂ ਸਬਜ਼ੀ ਦਾ ਸੁਆਦ — ਪਿਆਜ਼ ਤੋਂ ਬਿਨਾਂ ਖਾਣਾ ਅਧੂਰਾ ਲੱਗਦਾ ਹੈ।

ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਭਾਰਤ 'ਚ ਇਕ ਅਜਿਹਾ ਸ਼ਹਿਰ ਵੀ ਹੈ ਜਿੱਥੇ ਪਿਆਜ਼ ਤੇ ਲਸਣ ਪੂਰੀ ਤਰ੍ਹਾਂ ਬੈਨ ਹਨ?

ਇਹ ਵੀ ਪੜ੍ਹੋ : ਲੱਡੂ ਗੋਪਾਲ ਨੂੰ ਇਸ਼ਨਾਨ ਕਰਾਉਣ ਤੋਂ ਬਾਅਦ ਉਸ ਜਲ ਦਾ ਕੀ ਕਰੀਏ? ਪ੍ਰੇਮਾਨੰਦ ਜੀ ਨੇ ਦੱਸੇ ਨਿਯਮ 

ਕਟੜਾ: ਮਾਂ ਵੈਸ਼ਨੋ ਦੇਵੀ ਦੀ ਨਗਰੀ, ਜਿੱਥੇ ਪਿਆਜ਼-ਲਸਣ ਵਰਤਣਾ ਮਨਾਹੀ ਹੈ

ਜੰਮੂ-ਕਸ਼ਮੀਰ ਦਾ ਕਟੜਾ ਸ਼ਹਿਰ ਧਾਰਮਿਕ ਮਹੱਤਤਾ ਰੱਖਦਾ ਹੈ। ਇੱਥੋਂ ਹੀ ਮਾਂ ਵੈਸ਼ਨੋ ਦੇਵੀ ਦੀ ਯਾਤਰਾ ਦੀ ਸ਼ੁਰੂਆਤ ਹੁੰਦੀ ਹੈ। ਹਰ ਸਾਲ ਲੱਖਾਂ ਸ਼ਰਧਾਲੂ ਇੱਥੇ ਦਰਸ਼ਨ ਲਈ ਪਹੁੰਚਦੇ ਹਨ। ਸ਼ਹਿਰ ਦੀ ਸਾਤਵਿਕ ਪਵਿੱਤਰਤਾ ਬਰਕਰਾਰ ਰੱਖਣ ਲਈ ਪ੍ਰਸ਼ਾਸਨ ਨੇ ਕਈ ਸਾਲ ਪਹਿਲਾਂ ਹੀ ਪਿਆਜ਼ ਅਤੇ ਲਸਣ ’ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾ ਦਿੱਤੀ ਸੀ।

ਇਹ ਵੀ ਪੜ੍ਹੋ : 5 ਕਰੋੜ ਦੀ ਜਾਇਦਾਦ ਛੱਡ ਸੰਨਿਆਸੀ ਬਣ ਗਿਆ ਪੂਰਾ ਪਰਿਵਾਰ, ਤਿਆਗ ਦਿੱਤਾ ਸੰਸਾਰਿਕ ਮੋਹ

ਬਿਨਾਂ ਪਿਆਜ਼-ਲਸਣ ਦੇ ਵੀ ਸੁਆਦਿਸ਼ਟ ਭੋਜਨ

ਜਦੋਂ ਤੁਸੀਂ ਕਟੜਾ ਜਾਓਗੇ, ਤਾਂ ਤੁਹਾਨੂੰ ਕਿਸੇ ਵੀ ਹੋਟਲ ਜਾਂ ਰੈਸਟੋਰੈਂਟ 'ਚ ਪਿਆਜ਼ ਜਾਂ ਲਸਣ ਵਾਲੀ ਡਿਸ਼ ਨਹੀਂ ਮਿਲੇਗੀ। ਇੱਥੋਂ ਤੱਕ ਕਿ ਸਬਜ਼ੀ ਮਾਰਕੀਟਾਂ 'ਚ ਵੀ ਇਹ ਚੀਜ਼ਾਂ ਨਹੀਂ ਵਿਕਦੀਆਂ।
ਇਸ ਦੇ ਬਾਵਜੂਦ, ਕਟੜਾ ਦਾ ਭੋਜਨ ਬਹੁਤ ਹੀ ਸੁਆਦਿਸ਼ਟ, ਸਾਤਵਿਕ ਤੇ ਪੌਸ਼ਟਿਕ ਹੁੰਦਾ ਹੈ — ਜੋ ਸ਼ਰਧਾ ਅਤੇ ਸਿਹਤ ਦੋਵਾਂ ਨੂੰ ਸੰਤੁਲਿਤ ਰੱਖਦਾ ਹੈ।

ਇਹ ਵੀ ਪੜ੍ਹੋ : ਕੀ ਘਰ 'ਚ ਰੱਖ ਸਕਦੇ ਹਾਂ ਇਕ ਤੋਂ ਜ਼ਿਆਦਾ ਲੱਡੂ ਗੋਪਾਲ?

ਸਥਾਨਕ ਲੋਕਾਂ ਦਾ ਵੀ ਪੂਰਾ ਸਹਿਯੋਗ

ਇਸ ਪ੍ਰਥਾ ਨੂੰ ਜ਼ਿੰਦਾ ਰੱਖਣ 'ਚ ਸਥਾਨਕ ਨਿਵਾਸੀ ਵੀ ਵੱਡਾ ਯੋਗਦਾਨ ਪਾ ਰਹੇ ਹਨ। ਉਨ੍ਹਾਂ ਨੇ ਆਪਣੇ ਜੀਵਨ 'ਚ ਪਿਆਜ਼-ਲਸਣ ਤੋਂ ਪੂਰੀ ਤਰ੍ਹਾਂ ਤੌਬਾ ਕਰ ਲਈ ਹੈ। ਦੁਕਾਨਦਾਰਾਂ ਦਾ ਕਹਿਣਾ ਹੈ ਕਿ ਕਈ ਵਾਰ ਬਾਹਰੋਂ ਆਏ ਯਾਤਰੀ ਪਿਆਜ਼ ਮੰਗਦੇ ਹਨ, ਪਰ ਉਹ ਨਿਮਰਤਾ ਨਾਲ ਮਨ੍ਹਾ ਕਰ ਦਿੰਦੇ ਹਾਂ।

ਇਹ ਵੀ ਪੜ੍ਹੋ : ਜਾਣੋ ਇਕ ਲੀਟਰ Petrol-Diesel 'ਤੇ ਕਿੰਨਾ ਕਮਾ ਲੈਂਦਾ ਹੈ ਪੈਟਰੋਲ ਪੰਪ ਦਾ ਮਾਲਕ?

ਭਗਤੀ ਅਤੇ ਅਨੁਸ਼ਾਸਨ ਦੀ ਮਿਸਾਲ

ਕਟੜਾ ਸ਼ਹਿਰ ਨੇ ਪਿਆਜ਼ ਅਤੇ ਲਸਣ ਵਰਗੀ ਰੋਜ਼ਾਨਾ ਦੀ ਚੀਜ਼ ਛੱਡ ਕੇ ਧਾਰਮਿਕ ਅਨੁਸ਼ਾਸਨ ਅਤੇ ਆਸਥਾ ਦੀ ਮਿਸਾਲ ਕਾਇਮ ਕੀਤੀ ਹੈ। ਇੱਥੇ ਦੇ ਲੋਕ ਮੰਨਦੇ ਹਨ ਕਿ ਮਾਂ ਵੈਸ਼ਨੋ ਦੇਵੀ ਦੀ ਨਗਰੀ 'ਚ ਸਾਤਵਿਕਤਾ ਕਾਇਮ ਰੱਖਣਾ ਹੀ ਸਭ ਤੋਂ ਵੱਡੀ ਭਗਤੀ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8