IFFJK 2026 ਦੀ ਹੋਈ ਸ਼ਾਨਦਾਰ ਸ਼ੁਰੂਆਤ, 10 ਸਤੰਬਰ ਤੱਕ ਚੱਲੇਗਾ ਸਿਨੇਮਾ ਦਾ ਜਸ਼ਨ

ਜੰਮੂ-ਕਸ਼ਮੀਰ : ਜੰਮੂ-ਕਸ਼ਮੀਰ ਵਿੱਚ 7 ਸਤੰਬਰ ਤੋਂ 'ਅੰਤਰਰਾਸ਼ਟਰੀ ਫਿਲਮ ਫੈਸਟੀਵਲ ਜੰਮੂ ਅਤੇ ਕਸ਼ਮੀਰ' (IFFJK 2026) ਦਾ ਸ਼ਾਨਦਾਰ ਆਗਾਜ਼ ਹੋ ਗਿਆ ਹੈ। 7 ਸਤੰਬਰ ਤੋਂ 10 ਸਤੰਬਰ 2026 ਤੱਕ ਚੱਲਣ ਵਾਲੇ ਇਸ ਚਾਰ ਦਿਨਾਂ ਫਿਲਮ ਫੈਸਟੀਵਲ ਦਾ ਮੁੱਖ ਮਕਸਦ ਦੁਨੀਆ ਭਰ ਦੇ ਫਿਲਮ ਨਿਰਮਾਤਾਵਾਂ ਅਤੇ ਦਰਸ਼ਕਾਂ ਨੂੰ ਆਪਸ ਵਿੱਚ ਜੋੜਨਾ ਹੈ। ਇਸ ਮੇਲੇ ਰਾਹੀਂ ਸਿਨੇਮਾ, ਕਹਾਣੀਆਂ ਅਤੇ ਸੱਭਿਆਚਾਰ ਨੂੰ ਇੱਕ ਮੰਚ 'ਤੇ ਲਿਆਂਦਾ ਜਾ ਰਿਹਾ ਹੈ।

ਫੈਸਟੀਵਲ ਦੇ ਪਹਿਲੇ ਦਿਨ ਦੀ ਸ਼ੁਰੂਆਤ ਬਹੁਤ ਹੀ ਸ਼ਾਨਦਾਰ ਊਰਜਾ, ਖ਼ੂਬਸੂਰਤ ਮੁਸਕਰਾਹਟਾਂ, ਫਿਲਮੀ ਸਿਤਾਰਿਆਂ ਅਤੇ ਪ੍ਰੇਰਨਾਦਾਇਕ ਕਹਾਣੀਆਂ ਨਾਲ ਹੋਈ। ਆਯੋਜਕਾਂ ਵੱਲੋਂ ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਕੀਤੀਆਂ ਗਈਆਂ ਪਹਿਲੇ ਦਿਨ ਦੀਆਂ ਕੁਝ ਨਾ-ਭੁੱਲਣਯੋਗ ਝਲਕੀਆਂ ਵਿੱਚ ਕਲਾਕਾਰਾਂ ਅਤੇ ਸਿਨੇਮਾ ਪ੍ਰੇਮੀਆਂ ਦਾ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲਿਆ। ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਹ ਤਾਂ ਸਿਰਫ਼ ਇੱਕ ਸ਼ੁਰੂਆਤ ਹੈ ਅਤੇ ਆਉਣ ਵਾਲੇ ਦਿਨਾਂ ਵਿੱਚ ਦਰਸ਼ਕਾਂ ਲਈ ਹੋਰ ਵੀ ਬਹੁਤ ਕੁਝ ਖ਼ਾਸ ਦੇਖਣ ਨੂੰ ਮਿਲੇਗਾ।

ਇਸ ਵੱਕਾਰੀ ਸਮਾਗਮ ਦੇ ਸਫਲ ਆਯੋਜਨ ਵਿੱਚ ਕਈ ਪ੍ਰਮੁੱਖ ਸਰਕਾਰੀ ਵਿਭਾਗ ਅਤੇ ਸੰਸਥਾਵਾਂ ਆਪਣਾ ਅਹਿਮ ਯੋਗਦਾਨ ਪਾ ਰਹੀਆਂ ਹਨ। ਇਨ੍ਹਾਂ ਵਿੱਚ ਜੰਮੂ-ਕਸ਼ਮੀਰ ਦੇ ਉਪਰਾਜਪਾਲ ਦਫ਼ਤਰ, ਸੂਚਨਾ ਅਤੇ ਲੋਕ ਸੰਪਰਕ ਵਿਭਾਗ ਜੰਮੂ-ਕਸ਼ਮੀਰ, ਨੈਸ਼ਨਲ ਫਿਲਮ ਡਿਵੈਲਪਮੈਂਟ ਕਾਰਪੋਰੇਸ਼ਨ ਇੰਡੀਆ, ਜੰਮੂ-ਕਸ਼ਮੀਰ ਸੈਰ-ਸਪਾਟਾ ਵਿਭਾਗ, ਮੁੱਖ ਮੰਤਰੀ ਦਫ਼ਤਰ, ਕੇਂਦਰੀ ਸੂਚਨਾ ਤੇ ਪ੍ਰਸਾਰਣ ਮੰਤਰਾਲਾ, ਡੀਡੀ ਨਿਊਜ਼ ਜੰਮੂ, ਯੁਵਾ ਜੇ.ਕੇ. ਅਤੇ ਸ੍ਰੀਨਗਰ ਏਅਰਪੋਰਟ ਸ਼ਾਮਲ ਹਨ। 
 

Moments That Made the Day! 🎬

The energy, the smiles, the stars and the stories a glimpse into the unforgettable moments from IFFJK 2026.

And this is just the beginning. @OfficeOfLGJandK @diprjk @nfdcindia @TourismJK @CM_JnK @ddnews_jammu @MIB_India @mygovindia @tourismgoi… pic.twitter.com/vMvXWVrSHb

— IFFJK (@iffjk26) September 7, 2026