17 ਸਤੰਬਰ ਨੂੰ ਇਸ ਸ਼ਹਿਰ ਦੇ ਸਾਰੇ ਸਕੂਲਾਂ-ਕਾਲਜਾਂ ''ਚ ਰਹੇਗੀ ਛੁੱਟੀ, ਜਾਣੋ ਕਾਰਨ
Sunday, Sep 15, 2024 - 05:20 AM (IST)
ਭੁਵਨੇਸ਼ਵਰ— ਓਡੀਸ਼ਾ ਸਰਕਾਰ ਨੇ ਸ਼ਨੀਵਾਰ ਨੂੰ ਐਲਾਨ ਕੀਤਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਰਾਜ ਦੌਰੇ ਦੇ ਦਿਨ 17 ਸਤੰਬਰ ਨੂੰ ਭੁਵਨੇਸ਼ਵਰ 'ਚ ਸਾਰੇ ਸਕੂਲ ਅਤੇ ਕਾਲਜ ਬੰਦ ਰਹਿਣਗੇ। ਇੱਕ ਅਧਿਕਾਰਤ ਰੀਲੀਜ਼ ਦੇ ਅਨੁਸਾਰ, ਰਾਜ ਦੀ ਰਾਜਧਾਨੀ ਵਿੱਚ ਮਾਲ ਅਤੇ ਮੈਜਿਸਟਰੇਟ ਅਦਾਲਤਾਂ ਸਮੇਤ ਸਾਰੇ ਸਰਕਾਰੀ ਦਫਤਰ ਵੀ 17 ਸਤੰਬਰ ਨੂੰ ਸ਼ੁਰੂਆਤੀ ਅੱਧੀ ਸ਼ਿਫਟ ਵਿੱਚ ਬੰਦ ਰਹਿਣਗੇ। ਆਪਣੇ ਦੌਰੇ ਦੌਰਾਨ ਪ੍ਰਧਾਨ ਮੰਤਰੀ ਸੂਬਾ ਸਰਕਾਰ ਦੀ ਮਹਿਲਾ ਕੇਂਦਰਿਤ ਯੋਜਨਾ 'ਸੁਭਦਰਾ' ਦੀ ਸ਼ੁਰੂਆਤ ਕਰਨਗੇ।
ਇਕ ਅਧਿਕਾਰੀ ਨੇ ਦੱਸਿਆ ਕਿ ਪ੍ਰਧਾਨ ਮੰਤਰੀ ਦੇ ਪ੍ਰੋਗਰਾਮਾਂ ਲਈ ਸਪੈਸ਼ਲ ਪ੍ਰੋਟੈਕਸ਼ਨ ਗਰੁੱਪ (ਐੱਸਪੀਜੀ) ਦੇ ਕਰਮਚਾਰੀ ਪਹਿਲਾਂ ਹੀ ਓਡੀਸ਼ਾ ਦੀ ਰਾਜਧਾਨੀ ਪਹੁੰਚ ਚੁੱਕੇ ਹਨ। ਸੂਬਾ ਸਰਕਾਰ ਨੇ ਪ੍ਰਧਾਨ ਮੰਤਰੀ ਦੇ ਦੌਰੇ ਦੇ ਮੱਦੇਨਜ਼ਰ ਭੁਵਨੇਸ਼ਵਰ ਦੇ ਜਨਤਾ ਮੈਦਾਨ ਨੂੰ ‘ਨੋ ਫਲਾਇੰਗ ਜ਼ੋਨ’ ਅਤੇ ‘ਨੋ ਡਰੋਨ ਜ਼ੋਨ’ ਐਲਾਨ ਦਿੱਤਾ ਹੈ। ਪ੍ਰਧਾਨ ਮੰਤਰੀ ਦੇ ਦੌਰੇ ਤੋਂ ਪਹਿਲਾਂ ਇੱਥੇ ਮੁੱਖ ਸਕੱਤਰ ਮਨੋਜ ਆਹੂਜਾ ਦੀ ਪ੍ਰਧਾਨਗੀ ਹੇਠ ਇੱਕ ਉੱਚ ਪੱਧਰੀ ਮੀਟਿੰਗ ਹੋਈ ਜਿਸ ਵਿੱਚ ਪੁਲਿਸ ਡਾਇਰੈਕਟਰ ਜਨਰਲ ਅਤੇ ਪੁਲਿਸ ਇੰਸਪੈਕਟਰ ਜਨਰਲ ਵੀ ਮੌਜੂਦ ਸਨ।
