ਫਰੀਦਾਬਾਦ ''ਚ ਲਿਫਟ ਦੇ ਬਹਾਨੇ ਚੱਲਦੀ ਕਾਰ ''ਚ ਔਰਤ ਨਾਲ ਜਬਰ ਜ਼ਿਨਾਹ

ਫਰੀਦਾਬਾਦ- ਹਰਿਆਣਾ ਦੇ ਫਰੀਦਾਬਾਦ 'ਚ ਇਕ 28 ਸਾਲਾ ਵਿਆਹੁਤਾ ਔਰਤ ਨਾਲ ਹੈਵਾਨੀਅਤ ਦੀ ਸਨਸਨੀਖੇਜ਼ ਵਾਰਦਾਤ ਸਾਹਮਣੇ ਆਈ ਹੈ। ਦੋਸ਼ ਹੈ ਕਿ 2 ਨੌਜਵਾਨਾਂ ਨੇ ਲਿਫਟ ਦੇਣ ਦੇ ਬਹਾਨੇ ਔਰਤ ਨੂੰ ਈਕੋ ਵੈਨ 'ਚ ਬਿਠਾਇਆ ਅਤੇ ਕਰੀਬ 3 ਘੰਟਿਆਂ ਤੱਕ ਸ਼ਹਿਰ ਦੀਆਂ ਸੜਕਾਂ 'ਤੇ ਘੁੰਮਾਉਂਦੇ ਹੋਏ ਉਸ ਨਾਲ ਜਬਰ ਜ਼ਿਨਾਹ ਕੀਤਾ। ਘਟਨਾ ਤੋਂ ਬਾਅਦ ਦੋਸ਼ੀ ਔਰਤ ਨੂੰ ਚੱਲਦੀ ਗੱਡੀ ਤੋਂ ਸੜਕ 'ਤੇ ਸੁੱਟ ਕੇ ਫਰਾਰ ਹੋ ਗਏ, ਜਿਸ ਕਾਰਨ ਔਰਤ ਦੇ ਚਿਹਰੇ ਅਤੇ ਸਿਰ 'ਤੇ ਗੰਭੀਰ ਸੱਟਾਂ ਲੱਗੀਆਂ ਹਨ। ਔਰਤ ਨੂੰ ਉਸ ਦੀ ਭੈਣ ਨੇ ਸੜਕ ਕਿਨਾਰੇ ਜ਼ਖ਼ਮੀ ਹਾਲਤ 'ਚ ਦੇਖਿਆ, ਜਿਸ ਤੋਂ ਬਾਅਦ ਉਸ ਨੂੰ ਤੁਰੰਤ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ। ਮਾਮਲੇ ਦੀ ਸੂਚਨਾ ਪੁਲਸ ਨੂੰ ਦਿੱਤੀ ਗਈ। ਪੀੜਤਾ ਦੀ ਭੈਣ ਨੇ ਕਿਹਾ ਕਿ ਸੋਮਵਾਰ ਰਾਤ ਕਰੀਬ 8.30 ਵਜੇ ਉਸ ਦੀ ਛੋਟੀ ਭੈਣ ਦਾ ਫੋਨ ਆਇਆ ਸੀ। 

ਉਸ ਨੇ ਕਿਹਾ ਸੀ ਕਿ ਘਰ 'ਚ ਮਾਂ ਨਾਲ ਕਹਾਸੁਣੀ ਹੋ ਗਈ ਹੈ, ਇਸ ਲਈ ਉਹ ਦੋਸਤ ਦੇ ਘਰ ਜਾ ਰਹੀ ਹੈ ਅਤੇ 2-3 ਘੰਟਿਆਂ ਬਾਅਦ ਘਰ ਆਏਗੀ। ਪਰਿਵਾਰ ਅਨੁਸਾਰ ਦੋਸਤ ਦੇ ਘਰੋਂ ਨਿਕਲਣ 'ਚ ਦੇਰ ਹੋ ਗਈ। ਰਾਤ ਕਰੀਬ 12 ਵਜੇ ਔਰਤ 2 ਨੰਬਰ ਚੌਕ ਤੋਂ ਕਲਿਆਣਪੁਰੀ ਤਿੰਨ ਨੰਬਰ ਚੌਕ ਜਾਣ ਲਈ ਸਵਾਰੀ ਤਲਾਸ਼ ਰਹੀ ਸੀ। ਇਸੇ ਦੌਰਾਨ ਇਕ ਈਕੋ ਵੈਨ 'ਚ ਸਵਾਰ 2 ਨੌਜਵਾਨਾਂ ਨੇ ਉਸ ਨੂੰ ਲਿਫਟ ਦਿੱਤੀ। ਦੋਸ਼ ਹੈ ਕਿ ਦੋਵੇਂ ਨੌਜਵਾਨ ਔਰਤ ਨੂੰ ਕਲਿਆਣਪੁਰੀ ਚੌਕ ਦੀ ਬਜਾਏ ਗੁਰੂਗ੍ਰਾਮ ਰੋਡ ਵੱਲ ਲੈ ਗਏ। ਗੁਰੂਗ੍ਰਾਮ ਦੇ ਹਨੂੰਮਾਨ ਮੰਦਰ ਅੱਗੇ ਸੁੰਨਸਾਨ ਇਲਾਕੇ ਚ ਕਰੀਬ 3 ਘੰਟਿਆਂ ਤੱਕ ਵੈਨ 'ਚ ਉਸ ਨੂੰ ਬੰਧਕ ਬਣਾਈ ਰੱਖਿਆ ਅਤੇ ਇਸ ਦੌਰਾਨ ਉਸ ਨਾਲ ਜਬਰ ਜ਼ਿਨਾਹ ਕੀਤਾ। ਔਰਤ ਨੇ ਵਿਰੋਧ ਕੀਤਾ ਪਰ ਚੱਲਦੀ ਗੱਡੀ ਅਤੇ ਸੁੰਨਸਾਨ ਸੜਕ ਹੋਣ ਕਾਰਨ ਉਸ ਦੀ ਆਵਾਜ਼ ਬਾਹਰ ਤੱਕ ਨਹੀਂ ਪਹੁੰਚ ਸਕੀ। ਪੁਲਸ ਨੇ ਮਾਮਲਾ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਦੋਸ਼ੀਆਂ ਦੀ ਭਾਲ ਜਾਰੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e