ਸੋਨੇ ’ਚ ਤੂਫਾਨੀ ਤੇਜ਼ੀ, ਤਿਉਹਾਰਾਂ ਦਰਮਿਆਨ ਸਿਰਫ਼ ਇਕ ਹਫ਼ਤੇ ’ਚ 8 ਫ਼ੀਸਦੀ ਵਧ ਗਈਆਂ ਕੀਮਤਾਂ

ਨਵੀਂ ਦਿੱਲੀ  - ਸੋਨੇ ਦੀਆਂ ਕੀਮਤਾਂ ’ਚ ਪੂਰੀ ਦੁਨੀਆ ’ਚ ਤੂਫਾਨੀ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਤੇਜ਼ੀ ਦਾ ਆਲਮ ਇਹ ਹੈ ਕਿ ਪਿਛਲੇ ਇਕ ਹਫ਼ਤੇ ’ਚ ਸੋਨੇ ਦੀਆਂ ਕੀਮਤਾਂ 8 ਫ਼ੀਸਦੀ ਤੋਂ ਜ਼ਿਆਦਾ ਵਧ ਗਈਆਂ ਹਨ। ਨਿਊਯਾਰਕ ਕਮੋਡਿਟੀ ਐਕਸਚੇਂਜ (ਕਾਮੈਕਸ) ’ਤੇ ਸ਼ੁੱਕਰਵਾਰ ਨੂੰ ਸੋਨੇ ਦੀਆਂ ਕੀਮਤਾਂ ਵਧ ਕੇ 4390 ਡਾਲਰ ਦੇ ਪੱਧਰ ’ਤੇ ਪਹੁੰਚ ਗਈਆਂ। ਇਹ ਸਤੰਬਰ 2008 ਤੋਂ ਬਾਅਦ ਸੋਨੇ ਦੀਆਂ ਕੀਮਤਾਂ ’ਚ ਸਭ ਤੋਂ ਵੱਡੀ ਹਫ਼ਤਾਵਾਰੀ ਤੇਜ਼ੀ ਹੈ। ਸੋਨੇ ਦੀਆਂ ਕੀਮਤਾਂ ’ਚ ਪਿਛਲੇ 9 ਹਫ਼ਤਿਆਂ ਤੋਂ ਲਗਾਤਾਰ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਇਸ ਤੋਂ ਪਹਿਲਾਂ ਇਸ ਸਾਲ 6 ਤੋਂ 13 ਅਪ੍ਰੈਲ ਦੇ ਹਫ਼ਤੇ ’ਚ ਸੋਨੇ ਦੀਆਂ ਕੀਮਤਾਂ ’ਚ 6.41 ਫ਼ੀਸਦੀ ਦੀ ਤੇਜ਼ੀ ਵੇਖੀ ਗਈ ਸੀ।

ਇਹ ਵੀ ਪੜ੍ਹੋ :     ਗਹਿਣੇ ਛੱਡੋ... ਧਨਤੇਰਸ 'ਤੇ ਚਾਂਦੀ ਦੀਆਂ ਇਹ ਚੀਜ਼ਾਂ ਖਰੀਦਣ ਦੇ ਹੋਣਗੇ ਬਹੁਤ ਸਾਰੇ ਫ਼ਾਇਦੇ, ਜਾਣੋ ਕਿਵੇਂ

ਹਾਜ਼ਰ ਬਾਜ਼ਾਰ ’ਚ 134500 ਰੁਪਏ ਦੇ ਨਵੇਂ ਉੱਚੇ ਪੱਧਰ ’ਤੇ ਸੋਨਾ

ਇਸ ਦਰਮਿਆਨ ਭਾਰਤ ’ਚ ਸ਼ੁੱਕਰਵਾਰ ਨੂੰ ਮਲਟੀ ਕਮੋਡਿਟੀ ਐਕਸਚੇਂਜ ’ਤੇ ਸੋਨੇ ਦੀਆਂ ਕੀਮਤਾਂ ਨੇ 132294 ਰੁਪਏ ਦਾ ਨਵਾਂ ਉੱਚਾ ਪੱਧਰ ਛੂਹ ਲਿਆ, ਹਾਲਾਂਕਿ ਇਸ ਤੋਂ ਬਾਅਦ ਸੋਨੇ ’ਚ ਹਲਕੀ ਬਿਕਵਾਲੀ ਦੇਖਣ ਨੂੰ ਮਿਲੀ ਅਤੇ ਸ਼ੁੱਕਰਵਾਰ ਸ਼ਾਮ ਨੂੰ ਐੱਮ. ਸੀ. ਐਕਸ ’ਤੇ ਸੋਨਾ 130246 ਰੁਪਏ ’ਤੇ ਕਾਰੋਬਾਰ ਕਰ ਰਿਹਾ ਸੀ। ਹਾਜਰ ਬਾਜ਼ਾਰ ’ਚ ਸ਼ੁੱਕਰਵਾਰ ਨੂੰ ਸੋਨੇ ਦੀਆਂ ਕੀਮਤਾਂ 134500 ਰੁਪਏ ’ਤੇ ਪਹੁੰਚ ਗਈਆਂ, ਜਦੋਂ ਕਿ ਇਸ ਮਹੀਨੇ 1 ਅਕਤੂਬਰ ਨੂੰ ਹਾਜ਼ਰ ਬਾਜ਼ਾਰ ’ਚ ਸੋਨੇ ਦੀ ਕੀਮਤ 120000 ਰੁਪਏ ਸੀ, ਇਸ ਲਿਹਾਜ਼ ਨਾਲ ਹਾਜ਼ਰ ਬਾਜ਼ਾਰ ’ਚ ਵੀ ਸੋਨੇ ਦੀਆਂ ਕੀਮਤਾਂ ’ਚ ਹੁਣ ਤੱਕ 14500 ਰੁਪਏ ਦਾ ਉਛਾਲ ਆ ਚੁੱਕਿਆ ਹੈ।

ਇਹ ਵੀ ਪੜ੍ਹੋ :     ਸੋਨੇ-ਚਾਂਦੀ ਦੀਆਂ ਕੀਮਤਾਂ ਨੇ ਤੋੜੇ ਪਿਛਲੇ ਸਾਰੇ ਰਿਕਾਰਡ, 10g Gold ਦੇ ਭਾਅ ਜਾਣ ਰਹਿ ਜਾਓਗੇ ਹੈਰਾਨ

ਵਰਲਡ ਗੋਲਡ ਕੌਂਸਲ (ਡਬਲਿਊ. ਜੀ. ਸੀ.) ਦੀ ਤਾਜ਼ਾ ਰਿਪੋਰਟ ਮੁਤਾਬਕ ਸੋਨੇ ਦੀਆਂ ਕੀਮਤਾਂ ’ਚ ਹਾਲੀਆ ਤੇਜ਼ੀ ਇਤਿਹਾਸ ਦੀ ਸਭ ਤੋਂ ਤੇਜ਼ ਰਫਤਾਰ ’ਚੋਂ ਇਕ ਹੈ। 9 ਅਕਤੂਬਰ ਨੂੰ ਸੋਨੇ ਦੀ ਕੀਮਤ 4,000 ਡਾਲਰ ਪ੍ਰਤੀ ਔਂਸ ਦੇ ਪੱਧਰ ’ਤੇ ਪਹੁੰਚ ਗਈ। ਇਹ ਵਾਧਾ ਰਿਕਾਰਡ ਸਮੇਂ ’ਚ ਹੋਇਆ ਹੈ। ਰਿਪੋਰਟ ’ਚ ਕਿਹਾ ਗਿਆ ਕਿ 3,500 ਤੋਂ 4,000 ਡਾਲਰ ਪ੍ਰਤੀ ਔਂਸ ਤੱਕ ਦਾ ਸਫਰ ਸਿਰਫ 36 ਦਿਨਾਂ ’ਚ ਪੂਰਾ ਹੋਇਆ, ਜਦੋਂ ਕਿ ਆਮ ਤੌਰ ’ਤੇ ਇਸ ਤਰ੍ਹਾਂ 500 ਡਾਲਰ ਦੇ ਉਛਾਲ ’ਚ ਲੱਗਭਗ 1,036 ਦਿਨ ਲੱਗਦੇ ਹਨ। ਸਿਰਫ ਇਕ ਹਫਤੇ ਬਾਅਦ ਹੀ ਸੋਨਾ 4,200 ਡਾਲਰ ਪ੍ਰਤੀ ਔਂਸ ਦਾ ਨਵਾਂ ਰਿਕਾਰਡ ਛੂਹ ਗਿਆ।

ਇਹ ਵੀ ਪੜ੍ਹੋ :     ਅਜੇ ਨਹੀਂ ਲੱਗੇਗੀ ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਤੇ ਬ੍ਰੇਕ! ਇਸ ਪੱਧਰ 'ਤੇ ਜਾਣਗੀਆਂ ਕੀਮਤਾਂ

ਕੀ ਇਸ ਵਾਰ ਦੀ ਰੈਲੀ ਪਹਿਲਾਂ ਨਾਲੋਂ ਵੱਖ ਹੈ?

ਡਬਲਿਊ. ਜੀ. ਸੀ. ਮੁਤਾਬਕ, ਇਸ ਵਾਰ ਸੋਨੇ ਦੀਆਂ ਕੀਮਤਾਂ ’ਚ ਆਈ ਤੇਜ਼ੀ ਪਹਿਲਾਂ ਦੇ ਮੁਕਾਬਲੇ ਘੱਟ ਸਮੇਂ ’ਚ ਹੋਈ ਹੈ। ਪਹਿਲਾਂ ਦੇ ਦੌਰ ’ਚ ਸੋਨੇ ਨੂੰ ਉੱਚੇ ਪੱਧਰ ਤੱਕ ਪੁੱਜਣ ’ਚ ਕਈ ਸਾਲ ਲੱਗਦੇ ਸਨ। ਜਿਵੇਂ 1976 ਤੋਂ 1980 ਦੇ ਵਿਚਾਲੇ ਇਹ ਸਫਰ 856 ਦਿਨਾਂ ’ਚ ਪੂਰਾ ਹੋਇਆ ਸੀ, 2007 ਤੋਂ 2011 ਦੇ ਵਿਚਾਲੇ 1,168 ਦਿਨ ਲੱਗੇ ਸਨ ਅਤੇ 2015 ਤੋਂ 2020 ਦੇ ਵਿਚਾਲੇ 1,162 ਦਿਨ ਲੱਗੇ। ਇਸ ਦੇ ਮੁਕਾਬਲੇ ਇਸ ਵਾਰ ਸੋਨੇ ਦਾ ਭਾਅ ਬਹੁਤ ਤੇਜ਼ੀ ਨਾਲ ਅਤੇ ਘੱਟ ਸਮੇਂ ’ਚ ਵਧਿਆ ਹੈ।

ਇਹ ਵੀ ਪੜ੍ਹੋ :     ਅਸਮਾਨੇ ਚੜ੍ਹੇ Gold-Silver ਦੇ ਭਾਅ, ਚਾਂਦੀ ਲਈ ਮਿਲ ਰਹੀ ਮੂੰਹ ਮੰਗੀ ਕੀਮਤ, US-China ਤੱਕ ਵਧਿਆ ਤਣਾਅ

1.50 ਲੱਖ ਰੁਪਏ ਪਹੁੰਚੇਗਾ ਸੋਨਾ! ਭਾਰਤੀ ਪਰਿਵਾਰਾਂ ਕੋਲ ਪਹਿਲਾਂ ਤੋਂ 25 ਲੱਖ ਕਰੋੜ ਰੁਪਏ ਦਾ ਭੰਡਾਰ

ਐਕਸਿਸ ਸਕਿਓਰਿਟੀਜ਼ ਨੇ ਆਪਣੀ ‘ਧਨਤੇਰਸ 2025 ਗੋਲਡ ਰਿਪੋਰਟ’ ’ਚ ਕਿਹਾ ਹੈ ਕਿ ਨਿਵੇਸ਼ਕਾਂ ਨੂੰ ਸੋਨੇ ’ਚ ਹਰ ਗਿਰਾਵਟ ਨੂੰ ਖਰੀਦ ਦਾ ਮੌਕਾ ਮੰਨਣਾ ਚਾਹੀਦਾ ਹੈ। ਰਿਪੋਰਟ ਅਨੁਸਾਰ ਜੇਕਰ ਸੋਨੇ ਦੀ ਕੀਮਤ 1.05 ਲੱਖ ਤੋਂ 1.15 ਲੱਖ ਰੁਪਏ ਪ੍ਰਤੀ 10 ਗ੍ਰਾਮ ਦੇ ਘੇਰੇ ’ਚ ਆਉਂਦੀ ਹੈ, ਤਾਂ ਇਹ ਨਿਵੇਸ਼ ਦਾ ਸਹੀ ਸਮਾਂ ਹੋਵੇਗਾ। ਬ੍ਰੋਕਰੇਜ ਹਾਊਸ ਦਾ ਅੰਦਾਜ਼ਾ ਹੈ ਕਿ ਅਗਲੇ ਸਾਲ ਦੀਵਾਲੀ ਤੱਕ ਸੋਨੇ ਦੀ ਕੀਮਤ 1.45 ਲੱਖ ਤੋਂ 1.50 ਲੱਖ ਰੁਪਏ ਪ੍ਰਤੀ 10 ਗ੍ਰਾਮ ਤੱਕ ਜਾ ਸਕਦੀ ਹੈ।

ਰਿਪੋਰਟ ’ਚ ਇਹ ਵੀ ਕਿਹਾ ਗਿਆ ਹੈ ਕਿ ਭਾਰਤ ’ਚ ਸੋਨਾ ਸਿਰਫ ਇਕ ਨਿਵੇਸ਼ ਨਹੀਂ, ਸਗੋਂ ਸਾਡੀ ਪ੍ਰੰਪਰਾ ਅਤੇ ਸੱਭਿਆਚਾਰ ਦਾ ਹਿੱਸਾ ਹੈ। ਭਾਰਤੀ ਪਰਿਵਾਰਾਂ ਕੋਲ ਲੱਗਭਗ 3 ਟ੍ਰਿਲੀਅਨ ਡਾਲਰ (ਲੱਗਭਗ 250 ਲੱਖ ਕਰੋਡ਼ ਰੁਪਏ) ਮੁੱਲ ਦਾ ਸੋਨਾ ਹੈ, ਜੋ ਦੁਨੀਆ ’ਚ ਸਭ ਤੋਂ ਜ਼ਿਆਦਾ ਹੈ। ਇਹ ਸੋਨੇ ’ਤੇ ਭਾਰਤੀਆਂ ਦਾ ਪੁਰਾਣਾ ਭਰੋਸਾ ਅੱਜ ਦੇ ਅਨਿਸ਼ਚਿਤਤਾ ਵਾਲੇ ਸਮੇਂ ’ਚ ਉਨ੍ਹਾਂ ਲਈ ਬਹੁਤ ਫਾਇਦੇਮੰਦ ਸਾਬਤ ਹੋ ਰਿਹਾ ਹੈ।

ਚਾਂਦੀ ਦੀ ਕੀਮਤ 75 ਡਾਲਰ ਪ੍ਰਤੀ ਔਂਸ ਤੱਕ ਪੁੱਜਣ ਦਾ ਅੰਦਾਜ਼ਾ

ਮੋਤੀਲਾਲ ਓਸਵਾਲ ਫਾਈਨਾਂਸ਼ੀਅਲ ਸਰਵਿਸਿਜ਼ ਲਿਮਟਿਡ ਦੀ ਤਾਜ਼ਾ ਰਿਪੋਰਟ ’ਚ ਕਿਹਾ ਗਿਆ ਹੈ ਕਿ ਗਲੋਬਲ ਕੇਂਦਰੀ ਬੈਂਕਾਂ ਦੀ ਲਗਾਤਾਰ ਖਰੀਦਦਾਰੀ, ਲਗਾਤਾਰ ਭੂ-ਸਿਆਸੀ ਤਣਾਅ ਅਤੇ ਮਜ਼ਬੂਤ ਏਸ਼ੀਆਈ ਮੰਗ ਕਾਰਨ ਸੋਨੇ ਦੀਆਂ ਕੀਮਤਾਂ ’ਚ ਤੇਜ਼ੀ ਦਾ ਰੁਖ਼ ਜਾਰੀ ਰਹਿਣ ਦੀ ਉਮੀਦ ਹੈ। ਰਿਪੋਰਟ ’ਚ ਕਿਹਾ ਗਿਆ ਹੈ ਕਿ ਸੋਨੇ ਦੀਆਂ ਕੀਮਤਾਂ ਛੇਤੀ ਹੀ 4,500 ਡਾਲਰ ਪ੍ਰਤੀ ਔਂਸ ਦੇ ਪੱਧਰ ਤੱਕ ਪਹੁੰਚ ਸਕਦੀਆਂ ਹਨ।

ਰਿਪੋਰਟ ’ਚ ਇਹ ਵੀ ਜ਼ਿਕਰ ਕੀਤਾ ਗਿਆ ਹੈ ਕਿ ਇਸ ਸਾਲ ਹੁਣ ਤੱਕ ਚਾਂਦੀ ਨੇ ਸੋਨੇ ਨਾਲੋਂ ਬਿਹਤਰ ਪ੍ਰਦਰਸ਼ਨ ਕੀਤਾ ਹੈ। ਮਜ਼ਬੂਤ ਉਦਯੋਗਕ ਮੰਗ ਅਤੇ ਵਧਦੇ ਸਪਲਾਈ ਘਾਟੇ ਕਾਰਨ ਚਾਂਦੀ ਦੀਆਂ ਕੀਮਤਾਂ ਲੱਗਭਗ 75 ਡਾਲਰ ਪ੍ਰਤੀ ਔਂਸ ਤੱਕ ਪਹੁੰਚਣ ਦਾ ਅੰਦਾਜ਼ਾ ਹੈ। 2025 ’ਚ ਸੋਨੇ ਦੀਆਂ ਕੀਮਤਾਂ ’ਚ ਲੱਗਭਗ 50 ਫ਼ੀਸਦੀ ਤੋਂ ਵੱਧ ਦਾ ਵਾਧਾ ਹੋਇਆ ਹੈ, ਜਿਸ ਨਾਲ ਸੋਨੇ ਦਾ ਭਾਅ 4,000 ਡਾਲਰ ਪ੍ਰਤੀ ਔਂਸ ਦੇ ਮਹੱਤਵਪੂਰਨ ਪੱਧਰ ਨੂੰ ਪਾਰ ਕਰ ਗਿਆ ਹੈ। ਇਸ ਸਾਲ ਸੋਨੇ ਨੇ 35 ਤੋਂ ਜ਼ਿਆਦਾ ਵਾਰ ਰਿਕਾਰਡ ਊਚਾਈਆਂ ਨੂੰ ਛੂਹਿਆ ਹੈ, ਜੋ ਇਸ ਦੀ ਮਜ਼ਬੂਤੀ ਦਾ ਸੰਕੇਤ ਹੈ।

ਧਨਤੇਰਸ ’ਤੇ 50,000 ਕਰੋੜ ਦੇ ਸੋਨੇ-ਚਾਂਦੀ ਦੇ ਵਪਾਰ ਦੀ ਉਮੀਦ : ਕੈਟ

ਕਿੰਨਾ ਸੋਨਾ-ਚਾਂਦੀ ਵਿਕੇਗਾ

ਖੰਡੇਲਵਾਲ ਦੇ ਅਨੁਸਾਰ, ਧਨਤੇਰਸ ਤੋਂ ਦਿਵਾਲੀ ਤੱਕ ਤਿਉਹਾਰੀ ਸੀਜ਼ਨ ’ਚ ਸਭ ਤੋਂ ਜ਼ਿਆਦਾ ਮੰਗ ਬੁਲੀਅਨ ਅਤੇ ਸਿੱਕਿਆਂ ਦੀ ਰਹਿਣ ਦੀ ਸੰਭਾਵਨਾ ਹੈ। ਅਰੋੜਾ ਅਨੁਸਾਰ ਪੂਰੇ ਦੇਸ਼ ’ਚ ਲੱਗਭਗ 5 ਲੱਖ ਛੋਟੇ-ਵੱਡੇ ਜਿਊਲਰਜ਼ ਸਰਗਰਮ ਹਨ। ਜੇਕਰ ਹਰ ਇਕ ਜਿਊਲਰ ਔਸਤਨ 50 ਗ੍ਰਾਮ ਸੋਨਾ ਵੇਚਦਾ ਹੈ, ਤਾਂ ਕੁਲ ਮਿਲਾ ਕੇ ਲੱਗਭਗ 25 ਟਨ ਸੋਨੇ ਦੀ ਵਿਕਰੀ ਹੋਵੇਗੀ, ਜਿਸ ਦੀ ਮੌਜੂਦਾ ਭਾਅ ਨਾਲ ਅੰਦਾਜ਼ਨ ਕੀਮਤ 32,500 ਕਰੋਡ਼ ਰੁਪਏ ਹੈ। ਇਸੇ ਤਰ੍ਹਾਂ, ਹਰ ਇਕ ਜਿਊਲਰ ਜੇਕਰ ਔਸਤਨ 2 ਕਿੱਲੋ ਚਾਂਦੀ ਵੇਚਦਾ ਹੈ ਤਾਂ ਲੱਗਭਗ 1,000 ਟਨ ਚਾਂਦੀ ਦੀ ਵਿਕਰੀ ਹੋਵੇਗੀ, ਜਿਸ ਦੀ ਮੌਜੂਦਾ ਕੀਮਤ 18,000 ਕਰੋਡ਼ ਰੁਪਏ ਦੇ ਆਸਪਾਸ ਹੈ। ਇਸੇ ਤਰ੍ਹਾਂ, ਪੂਰੇ ਦੇਸ਼ ਦੇ ਸਰਾਫਾ ਬਾਜ਼ਾਰਾਂ ’ਚ ਕੁੱਲ ਮਿਲਾ ਕੇ ਲੱਗਭਗ 50,000 ਕਰੋਡ਼ ਤੋਂ ਜ਼ਿਆਦਾ ਦੇ ਵਪਾਰ ਦਾ ਅੰਦਾਜ਼ਾ ਹੈ।

ਬ੍ਰੇਕਆਊਟ ਤਰੀਕ        ਸੋਨੇ ਦੀ ਕੀਮਤ (ਡਾਲਰ ਪ੍ਰਤੀ ਔਂਸ)

1 ਦਸੰਬਰ 2005        500

14 ਮਾਰਚ 2008        1,000

20 ਅਪ੍ਰੈਲ 2011        1,500

4 ਅਗਸਤ 2020        2,000

16 ਅਗਸਤ 2024        2,500

17 ਮਾਰਚ 2025        3,000

9 ਸਤੰਬਰ 2025        3,500

8 ਅਕਤੂਬਰ 2025        4,000

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8