ਚਾਕਲੇਟ ਲੈਣ ਗਈ ਬੱਚੀ ਨੂੰ ਜ਼ਬਰਦਸਤੀ ਕਮਰੇ 'ਚ ਖਿੱਚ ਕੇ ਕੀਤਾ ਜਬਰ ਜ਼ਿਨਾਹ

ਨੋਇਡਾ - ਦਿੱਲੀ ਨਾਲ ਲੱਗਦੇ ਯੂ.ਪੀ. ਦੇ ਜ਼ਿਲ੍ਹਾ ਗੌਤਮਬੁੱਧ ਨਗਰ 'ਚ ਬੁੱਧਵਾਰ ਨੂੰ ਇੱਕ ਮਾਸੂਮ ਬੱਚੀ ਨਾਲ ਜਬਰ ਜ਼ਿਨਾਹ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ। ਬੱਚੀ ਆਪਣੇ ਘਰ ਤੋਂ ਚਾਕਲੇਟ ਖਰੀਦਣ ਲਈ ਦੁਕਾਨ 'ਤੇ ਗਈ ਸੀ। ਪਰਤਦੇ ਸਮੇਂ ਦੋਸ਼ੀ ਨੇ ਉਸ ਬੱਚੀ ਨਾਲ ਜਬਰ ਜ਼ਿਨਾਹ ਕੀਤਾ।

ਘਟਨਾ ਗ੍ਰੇਟਰ ਨੋਇਡਾ ਦੇ ਥਾਣਾ ਬੀਟਾ- 2 ਖੇਤਰ ਦੀ ਹੈ। ਜਿੱਥੇ ਐੱਛਰ ਬਾਜ਼ਾਰ ਕੋਲ ਰਹਿਣ ਵਾਲੀ ਬੱਚੀ ਆਪਣੇ ਘਰ ਤੋਂ ਪੈਸੇ ਲੈ ਕੇ ਚਾਕਲੇਟ ਖਰੀਦਣ ਲਈ ਇੱਕ ਦੁਕਾਨ 'ਤੇ ਗਈ ਸੀ। ਜਦੋਂ ਉਹ ਪਰਤ ਰਹੀ ਸੀ, ਤਾਂ ਦੋਸ਼ੀ ਨੇ ਜ਼ਬਰਦਸਤੀ ਬੱਚੀ ਨੂੰ ਆਪਣੇ ਕਮਰੇ 'ਚ ਖਿੱਚ ਲਿਆ ਅਤੇ ਉਸਦੇ ਨਾਲ ਜਬਰ ਜਡਿਨਾਹ ਕੀਤਾ। ਬਾਅਦ 'ਚ ਉਸ ਨੇ ਬੱਚੀ ਨੂੰ ਧਮਕੀ ਦਿੰਦੇ ਹੋਏ ਕਿਹਾ ਕਿ ਜੇਕਰ ਇਸ ਬਾਰੇ ਕਿਸੇ ਨੂੰ ਦੱਸਿਆ ਤਾਂ ਉਹ ਉਸਨੂੰ ਜਾਨੋਂ ਮਾਰ ਦੇਵੇਗਾ।

ਬੱਚੀ ਰੋਂਦੇ ਹੋਏ ਕਿਸੇ ਤਰ੍ਹਾਂ ਆਪਣੇ ਘਰ ਪਹੁੰਚੀ ਅਤੇ ਘਰ ਵਾਲਿਆਂ ਨੂੰ ਸਾਰੀ ਘਟਨਾ ਬਾਰੇ ਦੱਸਿਆ। ਬੱਚੀ ਦੀ ਗੱਲ ਸੁਣ ਕੇ ਘਰ ਵਾਲੇ ਤੁਰੰਤ ਬੱਚੀ ਨੂੰ ਲੈ ਕੇ ਪੁਲਸ ਥਾਣੇ ਪੁੱਜੇ ਅਤੇ ਸ਼ਿਕਾਇਤ ਦਰਜ ਕਰਾਈ। ਪਰਿਵਾਰ ਵਾਲਿਆਂ ਦੀ ਤਹਰੀਰ 'ਤੇ ਮਾਮਲਾ ਦਰਜ ਕਰਨ ਤੋਂ ਬਾਅਦ ਪੁਲਸ ਮੌਕੇ 'ਤੇ ਪਹੁੰਚੀ ਅਤੇ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ। ਪੁਲਸ ਨੇ ਪੀੜਤ ਕੁੜੀ ਦਾ ਮੈਡੀਕਲ ਕਰਾਇਆ ਹੈ। ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ।