ਸ਼ਲਾਘਾਯੋਗ ਕਦਮ: ਪੰਛੀਆਂ ਲਈ ਬਣਾ ਦਿੱਤੇ 60 ਫਲੈਟਸ (ਤਸਵੀਰਾਂ)
Saturday, Sep 21, 2019 - 06:01 PM (IST)
ਗਾਜ਼ੀਆਬਾਦ—ਲੋਕਾਂ ਨੂੰ ਛੱਤ ਮੁਹੱਈਆ ਕਰਵਾਉਣ ਲਈ ਕੰਮ ਕਰ ਰਹੀ ਉੱਤਰ ਪ੍ਰਦੇਸ਼ ਦੀ ਗਾਜ਼ੀਆਬਾਦ ਵਿਕਾਸ ਅਥਾਰਟੀ ਨੇ ਹੁਣ ਇਕ ਹੋਰ ਕੰਮ ਕਰ ਦਿਖਾਇਆ ਹੈ, ਜਿਸ ਦੀ ਹਰ ਪਾਸੇ ਸ਼ਲਾਘਾ ਹੋ ਰਹੀ ਹੈ। ਅਥਾਰਟੀ ਨੇ ਹੁਣ ਪੰਛੀਆਂ ਲਈ ਅਨੋਖਾ ਆਲ੍ਹਣਾ ਬਣਾਇਆ ਹੈ, ਜਿਸ ਦੀ ਸ਼ੁਰੂਆਤ ਖੁਦ ਗਾਜ਼ੀਆਬਾਦ ਵਿਕਾਸ ਅਥਾਰਟੀ ਦੀ ਵੀ. ਸੀ. ਦੀ ਰਿਹਾਇਸ਼ ਤੋਂ ਕੀਤੀ ਗਈ ਹੈ।
ਗਾਜ਼ੀਆਬਾਦ ਵਿਕਾਸ ਅਥਾਰਟੀ ਵਲੋਂ ਜੀ. ਡੀ. ਏ. ਵੀ. ਸੀ. ਦੀ ਰਿਹਾਇਸ਼ 'ਚ ਪੰਛੀਆਂ ਲਈ 60 ਫਲੈਟਸ ਬਣਾਏ ਗਏ ਹਨ। ਇਨ੍ਹਾਂ ਬਰਡ ਫਲੈਟਸ 'ਚ 60 ਪੰਛੀਆਂ ਦੇ ਰਹਿਣ ਦਾ ਪ੍ਰਬੰਧ ਹੋਵੇਗਾ।
ਇਸ ਦੀ ਖਾਸੀਅਤ ਇਹ ਹੈ ਕਿ ਇਨ੍ਹਾਂ ਫਲੈਟਸ 'ਚ ਪੰਛੀਆਂ ਦੇ ਪਾਣੀ, ਖਾਣ ਅਤੇ ਨਹਾਉਣ ਲਈ ਸਵਿਮਿੰਗ ਪੂਲ ਵੀ ਤਿਆਰ ਕੀਤਾ ਗਿਆ ਹੈ। ਪੰਛੀਆਂ ਲਈ ਫਲੈਟਸ 'ਚ ਸਵੇਰ ਤੇ ਸ਼ਾਮ ਨੂੰ ਦਾਣਾ ਪਾਇਆ ਜਾਏਗਾ।
ਇਨ੍ਹਾਂ ਫਲੈਟਸ ਦੀ ਉਚਾਈ 15 ਫੁੱਟ ਹੈ। ਉਥੇ ਫਲੈਟ ਦੇ ਚਾਰੇ ਪਾਸੇ ਲੋਹੇ ਦੇ ਫਰੇਮ ਲਾਏ ਗਏ ਹਨ ਅਤੇ ਅੰਦਰ ਲੱਕੜੀ ਦਾ ਢਾਂਚਾ ਤਿਆਰ ਕੀਤਾ ਗਿਆ ਹੈ, ਜਿਸ ਵਿਚ 10 ਫੁੱਟ ਦਾ ਪੋਲ ਤੇ 5 ਫੁੱਟ 'ਚ ਫਲੈਟਸ ਬਣਾਏ ਗਏ ਹਨ। ਇਸ ਦੀ ਲਾਗਤ ਦੀ ਗੱਲ ਕਰੀਏ ਤਾਂ ਫਲੈਟ ਬਣਾਉਣ 'ਚ 2 ਲੱਖ ਰੁਪਏ ਦੀ ਲਾਗਤ ਆਈ ਹੈ।
