ਲਸਣ ਨੇ ਕੱਢੇ ਮਹਿੰਗਾਈ ਦੇ ਵੱਟ, 200 ਰੁਪਏ ਕਿਲੋ ਹੋਈ ਕੀਮਤ, ਕਿਸਾਨ ਮਾਲਾਮਾਲ

ਨੈਸ਼ਨਲ ਡੈਸਕ : ਲਸਣ ਦੀਆਂ ਅਸਮਾਨ ਛੂੰਹਦੀਆਂ ਕੀਮਤਾਂ ਭਾਵੇ ਤੁਹਾਡੇ ਰਸੋਈ ਦਾ ਬਜਟ ਵਿਗਾੜ ਰਹੀਆਂ ਹਨ ਪਰ ਇਸ ਨੂੰ ਉਗਾਉਣ ਵਾਲੇ ਕਿਸਾਨ ਇਸ ਸਾਲ ਮਾਲਾਮਾਲ ਹੋ ਗਏ ਹਨ। ਪਿਛਲੇ ਸਾਲ ਲਸਣ ਦੇ ਭਾਅ ਇੰਨੇ ਡਿੱਗ ਗਏ ਸਨ ਕਿ ਨਿਰਾਸ਼ ਕਿਸਾਨਾਂ ਨੂੰ ਫ਼ਸਲ ਸੜਕਾਂ 'ਤੇ ਸੁੱਟਣੀ ਪਈ ਸੀ ਪਰ ਇਸ ਵਾਰ 200 ਰੁਪਏ ਪ੍ਰਤੀ ਕਿਲੋ ਤੱਕ ਭਾਅ ਮਿਲਣ ਨਾਲ ਉਨ੍ਹਾਂ ਦੀਆਂ ਸਾਰੀਆਂ ਸ਼ਿਕਾਇਤਾਂ ਦੂਰ ਹੋ ਗਈਆਂ ਹਨ। ਇਸ ਵਾਰ ਮੰਡੀਆਂ ਵਿੱਚ ਲਸਣ ਦੀ ਆਮਦ ਘੱਟ ਹੋਣ ਕਾਰਨ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ ਅਤੇ ਬਰਾਮਦ ਮੰਗ ਵਧਣ ਕਾਰਨ ਵੀ ਕੀਮਤ ਵਧੀ ਹੈ।

ਇਹ ਵੀ ਪੜ੍ਹੋ - ਵਿਗਿਆਨੀਆਂ ਦਾ ਖ਼ਾਸ ਉਪਰਾਲਾ, ਫ਼ਸਲ ਦੀ ਪੈਦਾਵਾਰ ਵਧਾਉਣ ਲਈ ਤਿਆਰ ਕੀਤੀ ‘ਇਲੈਕਟ੍ਰਾਨਿਕ ਮਿੱਟੀ’

ਲਸਣ ਦਾ ਸਭ ਤੋਂ ਵੱਧ ਉਤਪਾਦਨ ਮੱਧ ਪ੍ਰਦੇਸ਼ 'ਚ ਹੁੰਦਾ ਹੈ 
ਸਭ ਤੋਂ ਜ਼ਿਆਦਾ ਲਸਣ ਦਾ ਉਤਪਾਦਨ ਮੱਧ ਪ੍ਰਦੇਸ਼ ਵਿੱਚ ਹੁੰਦਾ ਹੈ ਅਤੇ ਦੇਸ਼ ਦੇ ਕੁੱਲ ਲਸਣ ਉਤਪਾਦਨ ਵਿੱਚ ਅੱਧਾ ਯੋਗਦਾਨ ਇਸੇ ਰਾਜ ਦਾ ਹੈ। ਉੱਥੋਂ ਦੇ ਇਕ ਲਸਣ ਕਿਸਾਨ ਅਨੁਸਾਰ ਪਿਛਲੇ ਸਾਲ ਜ਼ਿਆਦਾਤਰ ਕਿਸਾਨਾਂ ਨੂੰ 20 ਤੋਂ 30 ਰੁਪਏ ਪ੍ਰਤੀ ਕਿਲੋ ਲਸਣ ਵੇਚਣਾ ਪਿਆ ਸੀ। ਉਪਜ ਦਾ ਕੁਝ ਹਿੱਸਾ 5 ਰੁਪਏ ਪ੍ਰਤੀ ਕਿਲੋ ਤੱਕ ਵਿਕ ਗਿਆ, ਜਿਸ ਕਾਰਨ ਕਿਸਾਨਾਂ ਦਾ ਭਾਰੀ ਨੁਕਸਾਨ ਹੋਇਆ। ਪਰ ਇਸ ਵਾਰ ਕਿਸਾਨਾਂ ਨੂੰ ਲਸਣ ਦੀ ਖੇਤੀ ਤੋਂ ਚੰਗੀ ਆਮਦਨ ਹੋਈ ਹੈ।

ਇਹ ਵੀ ਪੜ੍ਹੋ - Pakistan Election 2024: ਪਾਕਿਸਤਾਨ ’ਚ ਪਹਿਲੀ ਵਾਰ ਚੋਣ ਦੇ ਮੈਦਾਨ 'ਚ ਉਤਰੇਗੀ ਇਹ 'ਹਿੰਦੂ ਮਹਿਲਾ'

ਸ਼ੁਰੂਆਤੀ ਸੀਜ਼ਨ 'ਚ ਲਸਣ ਦੇ ਭਾਅ
ਸੀਜ਼ਨ ਦੇ ਸ਼ੁਰੂਆਤੀ ਮਹੀਨਿਆਂ ਵਿੱਚ ਕਿਸਾਨਾਂ ਦਾ ਲਸਣ 70 ਰੁਪਏ ਪ੍ਰਤੀ ਕਿਲੋ ਵਿਕਿਆ ਸੀ। ਇਸ ਮਹੀਨੇ ਭਾਅ 150 ਤੋਂ 200 ਰੁਪਏ ਪ੍ਰਤੀ ਕਿਲੋ ਹੈ। ਮੱਧ ਪ੍ਰਦੇਸ਼ ਦੀ ਮੰਦਸੌਰ ਮੰਡੀ ਵਿੱਚ ਇਸ ਮਹੀਨੇ ਲਸਣ ਦੀ ਵੱਧ ਤੋਂ ਵੱਧ ਕੀਮਤ 260 ਰੁਪਏ ਅਤੇ ਘੱਟੋ-ਘੱਟ ਕੀਮਤ 50 ਰੁਪਏ ਪ੍ਰਤੀ ਕਿਲੋ ਦਰਜ ਕੀਤੀ ਗਈ। ਪਿਛਲੇ ਸਾਲ ਦਸੰਬਰ ਵਿੱਚ ਲਸਣ ਦੀ ਵੱਧ ਤੋਂ ਵੱਧ ਥੋਕ ਕੀਮਤ 95 ਰੁਪਏ ਸੀ ਅਤੇ ਇਹ ਡਿੱਗ ਕੇ 3 ਰੁਪਏ ਪ੍ਰਤੀ ਕਿਲੋ ਰਹਿ ਗਈ ਸੀ। ਉਸ ਸਮੇਂ ਲਸਣ ਦੀ ਮਾਡਲ ਕੀਮਤ (ਜ਼ਿਆਦਾਤਰ ਇਸ ਕੀਮਤ 'ਤੇ ਵਿਕਦੀ ਹੈ) 12 ਤੋਂ 15 ਰੁਪਏ ਪ੍ਰਤੀ ਕਿਲੋ ਸੀ। ਇਸ ਸਾਲ ਦਸੰਬਰ 'ਚ ਜ਼ਿਆਦਾਤਰ ਸਮਾਂ ਮਾਡਲ ਦੀ ਕੀਮਤ 150 ਤੋਂ 200 ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਹੀ।

ਇਹ ਵੀ ਪੜ੍ਹੋ - ਨਵੇਂ ਸਾਲ ਤੋਂ ਪਹਿਲਾਂ Paytm ਨੇ ਦਿੱਤਾ ਵੱਡਾ ਝਟਕਾ, 1000 ਤੋਂ ਵੱਧ ਕਰਮਚਾਰੀ ਕੱਢੇ ਨੌਕਰੀ ਤੋਂ ਬਾਹਰ

ਦਿੱਲੀ ਦੀ ਇਕ ਮੰਡੀ ਦੇ ਲਸਣ ਵਪਾਰੀ ਅਨੁਸਾਰ ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਸਾਲ ਲਸਣ 3 ਗੁਣਾ ਵੱਧ ਭਾਅ 'ਤੇ ਵਿਕ ਰਿਹਾ ਹੈ। ਇਸ ਦਾ ਅਸਲ ਕਾਰਨ ਆਮਦ ਵਿੱਚ ਭਾਰੀ ਕਮੀ ਹੈ। ਆਮ ਤੌਰ 'ਤੇ ਇਸ ਸਮੇਂ ਮੰਡੀਆਂ 'ਚ 20,000 ਤੋਂ 25,000 ਕੱਤੇ (40 ਕਿਲੋਗ੍ਰਾਮ) ਲਸਣ ਦੀ ਆਮਦ ਹੁੰਦੀ ਹੈ ਪਰ ਮੌਜੂਦਾ ਸਮੇਂ 'ਚ ਇਸ ਦਾ ਸਟਾਕ ਸਿਰਫ 8,000 ਤੋਂ 10,000 ਕੱਟਾ ਹੀ ਹੈ।

ਇਹ ਵੀ ਪੜ੍ਹੋ - ਵਿਦੇਸ਼ੀ ਦੌਰੇ ਤੋਂ ਪਰਤੇ ਮੁਸਾਫ਼ਰ ਦਾ ਚੈੱਕ-ਇਨ ਸਾਮਾਨ ਹੋਇਆ ਗੁੰਮ, ਏਅਰਲਾਈਨ ਨੂੰ ਲੱਗਾ ਇੰਨਾ ਜੁਰਮਾਨਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8