Fact Check : John Cena, The Rock ਤੇ Undertaker ਨੇ ਮਹਾਕੁੁੰਭ ''ਚ ਲਗਾਈ ਡੁਬਕੀ ! ਇਹ ਹੈ ਸੱਚ
Sunday, Jan 26, 2025 - 03:29 AM (IST)
Fact Check By Boom
ਨਵੀਂ ਦਿੱਲੀ- WWE ਦੇ ਮਸ਼ਹੂਰ ਪਹਿਲਵਾਨਾਂ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਇਨ੍ਹਾਂ ਤਸਵੀਰਾਂ ਨੂੰ ਮਹਾਕੁੰਭ ਨਾਲ ਜੋੜ ਕੇ ਵਾਇਰਲ ਕੀਤਾ ਜਾ ਰਿਹਾ ਹੈ। ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਇਹ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਪਹਿਲਵਾਨ ਪ੍ਰਯਾਗਰਾਜ ਪਹੁੰਚੇ ਹਨ ਅਤੇ ਇਨ੍ਹਾਂ ਨੇ 2025 ਦੇ ਮਹਾਕੁੰਭ ਮੇਲੇ ਵਿੱਚ ਹਿੱਸਾ ਲਿਆ ਹੈ।
ਬੂਮ ਨੇ ਜਾਂਚ ਕੀਤੀ ਅਤੇ ਪਾਇਆ ਕਿ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈਆਂ ਤਸਵੀਰਾਂ AI ਦੀ ਵਰਤੋਂ ਕਰ ਕੇ ਬਣਾਈਆਂ ਗਈਆਂ ਸਨ। WWE ਨਾਲ ਜੁੜੇ ਕਿਸੇ ਵੀ ਪਹਿਲਵਾਨ ਨੇ ਕੁੰਭ ਵਿੱਚ ਹਿੱਸਾ ਨਹੀਂ ਲਿਆ ਹੈ। ਇਨ੍ਹਾਂ ਤਸਵੀਰਾਂ ਨੂੰ ਝੂਠੇ ਦਾਅਵਿਆਂ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ।
ਜੌਨ ਸੀਨਾ ਅਤੇ ਬ੍ਰੌਕ ਲੈਸਨਰ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਸਾਂਝਾ ਕਰਦੇ ਹੋਏ, ਫੇਸਬੁੱਕ ਯੂਜ਼ਰ ਨੇ ਲਿਖਿਆ, 'ਜੈ ਸ਼੍ਰੀ ਰਾਮ! ਜੌਨ ਸੀਨਾ ਅਤੇ ਬ੍ਰੌਕ ਲੈਸਨਰ ਪ੍ਰਯਾਗਰਾਜ ਵਿੱਚ ਮਹਾਕੁੰਭ ਮੇਲੇ 2025 ਵਿੱਚ।' ਆਰਕਾਈਵ ਲਿੰਕ
ਇੱਕ ਇੰਸਟਾਗ੍ਰਾਮ ਯੂਜ਼ਰ ਨੇ ਦ ਗ੍ਰੇਟ ਖਲੀ, ਡਵੇਨ ਜੌਹਨਸਨ (ਦ ਰੌਕ), ਦਿ ਅੰਡਰਟੇਕਰ, ਜੌਨ ਸੀਨਾ, ਰੋਮਨ ਰੀਨਜ਼ ਦੀ ਇੱਕ AI ਦੁਆਰਾ ਤਿਆਰ ਕੀਤੀ ਫੋਟੋ ਕੰਨੜ ਭਾਸ਼ਾ ਵਿੱਚ ਲਿਖੇ ਹੋਏ ਟੈਕਸਟ ਨਾਲ ਵਾਇਰਲ ਕੀਤੀ ਹੈ, ਜਿਸ ਦਾ ਅਨੁਵਾਦ ਹੈ 'ਅਜਿਹਾ ਕੋਈ ਧਰਮ ਨਹੀਂ, ਜੋ ਸਨਾਤਨ ਧਰਮ 'ਚ ਪਰਿਵਰਤਿਤ ਨਾ ਹੋਵੇ।, ਓਮ ਨਮਹ ਸ਼ਿਵਾਏ। ਆਰਕਾਈਵ ਲਿੰਕ
ਪੜਤਾਲ
ਵਾਇਰਲ ਤਸਵੀਰਾਂ ਦੀ ਪੁਸ਼ਟੀ ਕਰਨ ਲਈ BOOM ਨੇ ਸਬੰਧਿਤ ਕੀਵਰਡਸ ਨਾਲ ਗੂਗਲ ਸਰਚ ਕੀਤੀ ਅਤੇ ਸਾਨੂੰ ਕੋਈ ਵੀ ਮੀਡੀਆ ਰਿਪੋਰਟ ਨਹੀਂ ਮਿਲੀ ਜੋ WWE ਪਹਿਲਵਾਨਾਂ ਦੇ ਮਹਾਕੁੰਭ 2025 ਵਿੱਚ ਸ਼ਾਮਲ ਹੋਣ ਦੇ ਦਾਅਵੇ ਦੀ ਪੁਸ਼ਟੀ ਕਰ ਸਕੇ।
ਅਜਿਹੀ ਸਥਿਤੀ ਵਿੱਚ, ਸਾਨੂੰ ਸ਼ੱਕ ਸੀ ਕਿ ਫੋਟੋਆਂ AI ਦੁਆਰਾ ਤਿਆਰ ਕੀਤੀਆਂ ਗਈਆਂ ਸਨ। ਸਾਂਝੀਆਂ ਕੀਤੀਆਂ ਜਾ ਰਹੀਆਂ ਤਸਵੀਰਾਂ ਦੀ ਸੱਚਾਈ ਜਾਣਨ ਲਈ ਅਸੀਂ AI ਡਿਟੈਕਟਰ ਟੂਲਸ Hive Moderation ਅਤੇ Wasitai ਦੀ ਵਰਤੋਂ ਕੀਤੀ, ਜਿਸ ਦੇ ਨਤੀਜੇ ਹੇਠਾਂ ਦਰਸਾਏ ਗਏ ਹਨ।
ਦ ਗ੍ਰੇਟ ਖਲੀ ਦੀ ਫੋਟੋ ਦਾ ਨਤੀਜਾ
ਡਵੇਨ ਜੌਨਸਨ (ਦ ਰੌਕ) ਦੀ ਫੋਟੋ ਦਾ ਨਤੀਜਾ
ਜੌਨ ਸੀਨਾ ਦੀ ਫੋਟੋ ਦਾ ਨਤੀਜਾ
ਅੰਡਰਟੇਕਰ ਦੀ ਫੋਟੋ ਦਾ ਨਤੀਜਾ
ਜੌਨ ਸੀਨਾ ਅਤੇ ਬ੍ਰੌਕ ਲੈਸਨਰ ਦੀ ਫੋਟੋ ਦਾ ਨਤੀਜਾ
ਇਨ੍ਹਾਂ ਨਤੀਜਿਆਂ ਤੋਂ ਇਹ ਸਪੱਸ਼ਟ ਹੈ ਕਿ ਪਹਿਲਵਾਨਾਂ ਦੀਆਂ ਇਹ ਸਾਰੀਆਂ ਤਸਵੀਰਾਂ ਏ.ਆਈ. ਦੁਆਰਾ ਬਣਾਈਆਂ ਗਈਆਂ ਹਨ।
(Disclaimer: ਇਹ ਫੈਕਟ ਚੈੱਕ ਮੂਲ ਤੌਰ 'ਤੇ Boom ਵੱਲੋਂ ਕੀਤਾ ਗਿਆ ਹੈ, ਜਿਸ ਨੂੰ Shakti Collective ਦੀ ਮਦਦ ਨਾਲ ‘ਜਗ ਬਾਣੀ’ ਨੇ ਪ੍ਰਕਾਸ਼ਿਤ ਕੀਤਾ ਹੈ।
