ਡਰਾਈਵਰ ਨੇ ਸ਼ਰਾਬ ਪੀ ਕੇ ਚਲਾਈ ਕਾਰ, ਬੀਮਾ ਕੰਪਨੀ ਦਾ ਦਾਅਵੇ ਤੋਂ ਮੁਕਰਨਾ ਸਹੀ : ਸੁਪਰੀਮ ਕੋਰਟ

ਨਵੀਂ ਦਿੱਲੀ- ਕਰੀਬ 14 ਸਾਲ ਪਹਿਲਾਂ ਇੰਡੀਆ ਗੇਟ 'ਤੇ ਸਵੇਰ ਦੇ ਸਮੇਂ ਇਕ ਪਾਰਸ਼ ਕਾਰ ਬੁਰੀ ਤਰ੍ਹਾਂ ਨਾਲ ਨੁਕਸਾਨੀ ਗਈ ਸੀ। ਇਸ ਮਾਮਲੇ 'ਚ ਹੁਣ ਸੁਪਰੀਮ ਕੋਰਟ ਨੇ ਬੀਮਾ ਦਾਅਵੇ ਨੂੰ ਨਾਮਨਜ਼ੂਰ ਕਰਨ ਦੇ ਬੀਮਾ ਕੰਪਨੀ ਦੇ ਫ਼ੈਸਲੇ ਨੂੰ ਸਹੀ ਠਹਿਰਾਇਆ ਹੈ। ਅਦਾਲਤ ਨੇ ਕਿਹਾ ਕਿ ਕਾਰ ਦੇ ਡਰਾਈਵਰ ਨੇ ਸ਼ਰਾਬ ਪੀਤੀ ਹੋਈ ਸੀ, ਅਜਿਹੇ 'ਚ ਬੀਮਾ ਕੰਪਨੀ ਵਲੋਂ ਦਾਅਵੇ ਤੋਂ ਮੁਕਰਨਾ ਉੱਚਿਤ ਹੈ। ਇਹ ਲਗਜਰੀ ਕਾਰ ਪਰਲ ਬੇਵਰੇਜੇਜ ਲਿਮਟਿਡ ਕੰਪਨੀ ਕੀਤੀ ਸੀ। ਇਸ ਨੂੰ ਅਮਨ ਬਾਂਗੀਆ ਚੱਲਾ ਰਿਹਾ ਸੀ। ਕਥਿਤ ਤੌਰ 'ਤੇ ਉਹ ਕਾਰ ਨੂੰ ਬਿਹਤਰੀਨ ਢੰਗ ਨਾਲ ਚੱਲਾ ਰਿਹਾ ਸੀ। ਉਦੋਂ ਕਾਰ ਇੰਡੀਆ ਗੇਟ 'ਤੇ ਚਿਲਡਰਨ ਪਾਰਕ ਕੋਲ ਫੁਟਪਾਥ ਨਾਲ ਟਕਰਾ ਕੇ ਨੁਕਸਾਨੀ ਗਈ, ਜਿਸ ਤੋਂ ਬਾਅਦ ਉਸ 'ਚ ਅੱਗ ਲੱਗ ਗਈ। 

ਇਹ ਵੀ ਪੜ੍ਹੋ : ਕੁਰਾਨ ਦੀਆਂ ਆਇਤਾਂ ਹਟਾਉਣ ਸੰਬੰਧੀ ਪਟੀਸ਼ਨ ਖਾਰਜ, SC ਨੇ ਲਗਾਇਆ 50 ਹਜ਼ਾਰ ਜੁਰਮਾਨਾ

ਕਾਰ ਚਲਾਉਣ ਵਾਲਾ ਵਿਅਕਤੀ ਸ਼ਰਾਬ ਦੇ ਨਸ਼ੇ 'ਚ ਸੀ
ਜੱਜ ਯੂ.ਯੂ. ਲਲਿਤ, ਜੱਜ ਇੰਦਰਾ ਬੈਨਰਜੀ ਅਤੇ ਜੱਜ ਕੇ. ਐੱਮ. ਜੋਸੇਫ ਦੀ ਬੈਂਚ ਨੇ ਰਾਸ਼ਟਰੀ ਉਪਭੋਗਤਾ ਵਿਵਾਦ ਨਿਪਟਾਰਾ ਕਮਿਸ਼ਨ (ਐੱਨ.ਸੀ.ਡੀ.ਆਰ.ਸੀ.) ਦੇ ਫ਼ੈਸਲੇ ਨੂੰ ਖਾਰਜ ਕਰ ਦਿੱਤਾ। ਐੱਨ.ਸੀ.ਡੀ.ਆਰ.ਸੀ.  ਨੇ ਆਪਣੇ ਫ਼ੈਸਲੇ 'ਚ ਕਿਹਾ ਕਿ ਬੀਮਾ ਕੰਪਨੀ ਵਲੋਂ ਦਾਅਵਾ ਖਾਰਜ ਕਰਨਾ ਗਲਤ ਸੀ। ਇਸ ਤੋਂ ਪਹਿਲਾਂ ਰਾਜ ਉਪਭੋਗਤਾ ਵਿਵਾਦ ਨਿਪਟਾਰਾ ਕਮਿਸ਼ਨ (ਐੱਸ.ਡੀ.ਆਰ.ਸੀ.) ਨੇ ਕਾਰ ਦੇ ਮਾਲਕ ਕੰਪਨੀ ਦੀ ਸ਼ਿਕਾਇਤ ਨੂੰ ਇਸ ਆਧਾਰ 'ਤੇ ਖਾਰਜ ਕਰ ਦਿੱਤਾ ਸੀ ਕਿ ਇਸ ਗੱਲ ਦੇ ਸਬੂਤ ਹਨ ਕਿ ਕਾਰ ਚਲਾਉਣ ਵਾਲਾ ਵਿਅਕਤੀ ਸ਼ਰਾਬ ਦੇ ਨਸ਼ੇ 'ਚ ਸੀ। ਜੱਜ ਜੋਸੇਫ ਨੇ ਬੀਮਾ ਕੰਪਨੀ ਦੇ ਐੱਨ.ਸੀ.ਡੀ.ਆਰ.ਸੀ. ਦੇ ਆਦੇਸ਼ ਵਿਰੁੱਧ 181 ਪੰਨਿਆਂ 'ਤੇ ਫ਼ੈਸਲਾ ਲਿਖਿਆ।

ਇਹ ਵੀ ਪੜ੍ਹੋ : ਜੱਜਾਂ ਦੀ ਰਿਟਾਇਰਮੈਂਟ ਦੀ ਉਮਰ ਇਕ ਬਰਾਬਰ ਕਰਨ ਦੀ ਮੰਗ ਵਾਲੀ ਪਟੀਸ਼ਨ ਖਾਰਜ

ਇਹ ਹਾਦਸਾ 22 ਦਸੰਬਰ 2007 ਨੂੰ ਹੋਇਆ ਸੀ
ਅਦਾਲਤ ਨੇ ਆਪਣੇ ਫ਼ੈਸਲੇ 'ਚ ਬ੍ਰਿਟੇਨ, ਸਕਾਟਲੈਂਡ ਅਤੇ ਅਮਰੀਕਾ ਵਰਗੇ ਦੇਸ਼ਾਂ 'ਚ ਕਾਨੂੰਨ, ਮੈਡੀਕਲ ਪ੍ਰਮਾਣ ਅਤੇ ਰਵੱਈਏ ਦਾ ਜ਼ਿਕਰ ਕੀਤਾ। ਇਹ ਹਾਦਸਾ 22 ਦਸੰਬਰ 2007 ਨੂੰ ਸਵੇਰੇ-ਸਵੇਰੇ ਹੋਇਆ ਸੀ। ਅਦਾਲਤ ਨੇ ਕਿਹਾ ਕਿ ਕਾਰ ਚਲਾਉਣ ਵਾਲੇ ਵਿਅਕਤੀ ਨੇ ਕਿੰਨੀ ਸ਼ਰਾਬ ਪੀਤੀ ਸੀ, ਉਸ ਦੀ ਜਾਣਕਾਰੀ ਨਹੀਂ ਹੈ ਪਰ ਇਹ ਤੱਥ ਹੈ ਕਿ ਉਸ ਤੋਂ ਸ਼ਰਾਬ ਦੀ ਬੱਦਬੂ ਆ ਰਹੀ ਸੀ। ਇਸ 'ਤੇ ਕੋਈ ਵਿਵਾਦ ਨਹੀਂ ਹੈ। ਇਸ ਸੰਬੰਧ 'ਚ ਐੱਫ.ਆਈ.ਆਰ. ਅਤੇ ਐੱਮ.ਐੱਲ.ਸੀ. ਦੇ ਤੱਖਾਂ 'ਚ ਇਹ ਕਿਹਾ ਗਿਆ ਹੈ ਕਿ ਘਟਨਾ 22 ਦਸੰਬਰ 2007 ਦੀ ਸਵੇਰ ਹੋਈ। ਇਹ ਵੀ ਇਸ 'ਚ ਸਪੱਸ਼ਟ ਹੈ ਕਿ ਘਟਨਾ ਇੰਡੀਆ ਗੇਟ ਦੇ ਨੇੜੇ-ਤੇੜੇ ਹੋਈ ਹੈ। ਪਾਰਸ਼ ਕਾਰ 'ਚ ਬਹੁਤ ਸ਼ਕਤੀਸ਼ਾਲੀ ਇੰਜਣ ਹੈ, ਉਹ ਵੱਡੀ ਤਾਕਤ ਨਾਲ ਫੁਟਪਾਥ ਨਾਲ ਟਕਰਾਇਆ, ਉਸ ਤੋਂ ਬਾਅਦ ਕਾਰ ਪਲਟ ਗਈ ਅਤੇ ਬਾਅਦ 'ਚ ਉਸ 'ਚ ਅੱਗ ਲੱਗ ਗਈ। ਸੁਪਰੀਮ ਕੋਰਟ ਨੇ ਮੰਨਿਆ ਕਿ ਕਾਰ ਚਾਲਕ ਅਤੇ ਉਸ ਦੇ ਸਾਥੀ ਨੇ ਸੱਚੀ ਸ਼ਰਾਬ ਪੀਤੀ ਹੋਈ ਸੀ।