''ਗੁੜੀਆ'' ਬਣ ਕੇ ਚੀਖਦੀ ਰਹੀ ਸੀ.ਬੀ.ਆਈ. ਟੀਮ
Friday, Jul 28, 2017 - 01:59 PM (IST)
ਸ਼ਿਮਲਾ— ਗੁੜੀਆ ਮਰਡਰ ਮਾਮਲੇ 'ਚ ਜਾਂਚ ਕਰ ਰਹੀ ਸੀ.ਬੀ.ਆਈ. ਟੀਮ ਨੇ ਵੀਰਵਾਰ ਨੂੰ ਕੋਟਖਾਈ ਦਾਦੀ ਜੰਗਲ 'ਚ ਖੁਦ ਗੁੜੀਆ ਬਣ ਕੇ ਕ੍ਰਾਈਮ ਸੀਨ ਨੂੰ ਰੀ ਕ੍ਰਿਏਟ ਕੀਤਾ। ਅਸਲ 'ਚ ਮਰਡਰ ਵਾਲੇ ਸਥਾਨ 'ਤੇ ਇਕ ਅਫਸਰ ਨੂੰ ਖੜ੍ਹਾ ਕੀਤਾ ਗਿਆ, ਜਿੱਥੇ ਗੁੜੀਆ ਦੀ ਲਾਸ਼ ਮਿਲੀ ਸੀ ਅਤੇ ਹੋਰ ਨੂੰ 100 ਮੀਟਰ ਦੂਰ ਸੜਕ ਦੇ ਨੇੜੇ-ਤੇੜੇ, ਰਾਜੂ ਦੇ ਡੇਰੇ ਨਿਪਾਲੀ ਬਸਤੀ ਦੇ ਖੇਤਰਾਂ 'ਚ ਖੜ੍ਹਾ ਕੀਤਾ ਗਿਆ। ਜਾਣਕਾਰੀ ਮੁਤਾਬਕ ਸਾਰੇ ਇਹ ਜਾਣਨ ਦੀ ਕੋਸ਼ਿਸ਼ ਕਰ ਰਹੇ ਸੀ ਕਿ ਵਾਰਦਾਤ ਦੇ ਸਮੇਂ ਜੇਕਰ ਗੁੜੀਆ ਚੀਖੀ ਹੋਵੇਗੀ ਤਾਂ ਉਸ ਦੀ ਆਵਾਜ਼ ਕਿੱਥੋਂ ਤੱਕ ਗਈ ਹੋਵੇਗੀ। ਪੁਲਸ ਇੰਸਪੈਕਟਰ ਐਸ.ਐਸ ਗੁਰਮ ਅਤੇ ਡੀ.ਆਈ.ਜੀ ਪੱਧਰ ਦੇ ਇਕ ਅਧਿਕਾਰੀ ਵੀ ਮੌਕੇ 'ਤੇ ਮੌਜੂਦ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਸਾਰਾ ਸੀਨ ਡੀ.ਐਸ.ਪੀ. ਦੀ ਨਿਗਰਾਨੀ 'ਚ ਕੀਤਾ ਗਿਆ। ਪੁਲਸ ਇੰਸਪੈਕਟਰ ਐਸ.ਐਸ. ਗੁਰਮ ਅਤੇ ਡੀ.ਆਈ. ਜੀ ਪੱਧਰ ਦੇ ਇਕ ਅਧਿਕਾਰੀ ਵੀ ਮੌਕੇ 'ਤੇ ਮੌਜੂਦ ਸੀ। ਸੀ.ਬੀ.ਆਈ. ਪੁਲਸ ਦੀ ਇਸ ਗੱਲ ਨੂੰ ਪੁਸ਼ਟੀ ਕਰਨਾ ਚਾਹ ਰਹੀ ਸੀ ਕੀ ਵਿਦਿਆਰਥਣ ਨਾਲ ਗੈਂਗਰੇਪ ਅਸਲ 'ਚ ਇਸ ਸਪਾਟ ਦੇ ਨਾਲ ਹੋਇਆ ਹੈ।
ਗੁੜੀਆ ਮਰਡਰ ਮਾਮਲੇ 'ਚ ਜਾਂਚ ਦੌਰਾਨ ਜਿੰਨੀਆਂ ਵੀ ਅਫਵਾਹਾਂ ਸਾਹਮਣੇ ਆਈਆਂ, ਜਿਨ੍ਹਾਂ 'ਤੇ ਸੀ.ਬੀ.ਆਈ. ਦੀ ਨਜ਼ਰ ਹੈ। ਚਾਹੇ ਗੁੜੀਆ ਦੇ ਕੋਲ ਫੋਨ ਹੋਣ ਦੀ ਗੱਲ ਹੋਵੇ ਜਾਂ ਫਿਰ ਉਸ ਦੇ ਫੇਸਬੁੱਕ ਪ੍ਰੋਫਾਈਲ ਦੀ ਗੱਲ। ਸੀ.ਬੀ.ਆਈ. ਇਨ੍ਹਾਂ ਸਾਰੇ ਪਹਿਲੂਆਂ 'ਤੇ ਸਥਾਨਕ ਲੋਕਾਂ ਤੋਂ ਲੈ ਕੇ ਤਕਨੀਕੀ ਉਪਕਰਨਾਂ ਦੀ ਮਦਦ ਲੈ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਗੁੜੀਆ ਦੀ ਮਾਂ ਦੇ ਫੋਨ ਨੂੰ ਵੀ ਜਾਂਚ ਦੇ ਲਈ ਕਬਜ਼ੇ 'ਚ ਲਿਆ ਹੈ। ਇਸ 'ਚ ਕਾਲ ਡਿਟੇਲ ਦੇ ਇਲਾਵਾ ਉਸ ਫੋਨ ਨਾਲ ਉਪਯੋਗ ਕੀਤੇ ਜਾਣ ਵਾਲੇ ਹਰ ਤਰ੍ਹਾਂ ਦੇ ਐਪ ਅਤੇ ਉਨ੍ਹਾਂ 'ਚ ਦਰਜ ਮੈਸੇਜ ਅਤੇ ਹੋਰ ਚੀਜ਼ਾਂ ਨੂੰ ਰਿਕਵਰ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਪੁਲਸ ਜਾਂਚ ਦੌਰਾਨ ਕਈ ਤਰ੍ਹਾਂ ਦੇ ਇਸ ਤਰ੍ਹਾਂ ਦੇ ਲੂਪ ਹੋਲ ਸੀ, ਜਿਨ੍ਹਾਂ 'ਤੇ ਉਸ ਨੇ ਗੰਭੀਰਤਾ ਨਾਲ ਕੰਮ ਨਹੀਂ ਕੀਤਾ। ਇਹ ਹੀ ਕਾਰਨ ਰਿਹਾ ਹੈ ਕਿ ਉਨ੍ਹਾਂ ਦੀ ਜਾਂਚ ਛੇ ਗ੍ਰਿਫਤਾਰੀ ਦੇ ਬਾਅਦ ਸਵਾਲਾਂ 'ਚ ਘਿਰੀ ਰਹੀ। ਉੱਥੇ ਦੂਜੇ ਪਾਸੇ ਸੀ.ਬੀ.ਆਈ. ਆਉਣ ਵਾਲੇ ਸਮੇਂ 'ਚ ਕਥਿਤ ਦੋਸ਼ੀਆਂ ਅਤੇ ਉਨ੍ਹਾਂ ਦੇ ਫੋਟੋ ਮੁੱਖ ਮੰਤਰੀ ਦੇ ਫੇਸਬੁੱਕ ਪੇਜ 'ਤੇ ਪਾਏ ਜਾਣ ਅਤੇ ਹਟਾਏ ਜਾਣ ਨੂੰ ਵੀ ਜਾਂਚ 'ਚ ਸ਼ਾਮਲ ਕੀਤਾ ਤਾਂ ਮੁੱਖ ਮੰਤਰੀ ਦੀ ਆਈ.ਟੀ. ਟੀਮ ਦੀਆਂ ਮੁਸ਼ਕਲਾਂ ਵਧ ਸਕਦੀਆਂ ਹਨ।
