ਵਰਲਡ ਫੂਡ ਇੰਡੀਆ ''ਚ 100 ਫੁੱਟ ਦੇ ਡੋਸੇ ਦਾ ਪ੍ਰਦਰਸ਼ਨ, 80 ਤੋਂ ਵੱਧ ਦੇਸ਼ ਲੈਣਗੇ ਆਯੋਜਨ ''ਚ ਹਿੱਸਾ

ਨਵੀਂ ਦਿੱਲੀ (ਵਾਰਤਾ)- ਵਰਲਡ ਫੂਡ ਇੰਡੀਆ 2023 ਦੌਰਾਨ ਇਸ ਵਾਰ 100 ਫੁੱਟ ਤੋਂ ਵੱਧ ਲੰਬਾ ਡੋਸਾ ਪ੍ਰਦਰਸ਼ਿਤ ਕੀਤਾ ਜਾਵੇਗਾ ਜੋ ਖਾਣ ਪੀਣ ਦੇ ਸ਼ੌਕੀਨਾਂ ਲਈ ਖਿੱਚ ਦਾ ਕੇਂਦਰ ਹੋਵੇਗਾ। ਫੂਡ ਪ੍ਰੋਸੈਸਿੰਗ ਉਦਯੋਗ ਰਾਜ ਮੰਤਰੀ ਪ੍ਰਹਿਲਾਦ ਸਿੰਘ ਪਟੇਲ ਨੇ ਬੁੱਧਵਾਰ ਨੂੰ ਇੱਥੇ ਇਕ ਪ੍ਰੈਸ ਕਾਨਫਰੰਸ ਵਿਚ ਇਹ ਜਾਣਕਾਰੀ ਦਿੱਤੀ। ਫੂਡ ਪ੍ਰੋਸੈਸਿੰਗ ਉਦਯੋਗ ਮੰਤਰਾਲਾ ਵਿਸ਼ਵ ਫੂਡ ਇੰਡੀਆ ਦਾ ਆਯੋਜਨ ਕਰ ਰਿਹਾ ਹੈ। ਇਹ ਇੱਥੇ ਪ੍ਰਗਤੀ ਮੈਦਾਨ ਵਿਚ 3 ਤੋਂ 5 ਨਵੰਬਰ ਦਰਮਿਆਨ ਆਯੋਜਿਤ ਕੀਤਾ ਜਾਵੇਗਾ। ਸ਼੍ਰੀ ਪਟੇਲ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਇਸ ਸਮਾਰੋਹ ਦਾ ਉਦਘਾਟਨ ਕਰਨ ਲਈ ਬੇਨਤੀ ਕੀਤੀ ਗਈ ਹੈ ਅਤੇ ਸਮਾਪਤੀ ਸਮਾਰੋਹ ਵਿਚ ਰਾਸ਼ਟਰਪਤੀ ਹਿੱਸਾ ਲੈਣਗੇ।

ਇਹ ਵੀ ਪੜ੍ਹੋ : 13 ਸਾਲਾ ਅੰਗਦ ਨੇ ਲੱਦਾਖ ’ਚ 19,024 ਫੁੱਟ ਦੀ ਉੱਚਾਈ ’ਤੇ ਬਣਾਇਆ ਟਰੇਨਿੰਗ ਦਾ ਰਿਕਾਰਡ

ਇਸ ਆਯੋਜਨ ਵਿਚ 80 ਤੋਂ ਵੱਧ ਦੇਸ਼ ਹਿੱਸਾ ਲੈਣਗੇ ਅਤੇ ਨੀਦਰਲੈਂਡ ਭਾਈਵਾਲ ਦੇਸ਼ ਹੈ। ਜਾਪਾਨ ਅਤੇ ਵੀਅਤਨਾਮ ਨੂੰ ਫੋਕਸ ਦੇਸ਼ ਬਣਾਇਆ ਗਿਆ ਹੈ। ਇਸ ਵਿਚ 9 ਦੇਸ਼ਾਂ ਦੇ ਮੰਤਰੀ ਪੱਧਰ ਦੇ ਵਫ਼ਦ ਅਤੇ 6 ਦੇਸ਼ਾਂ ਦੇ ਅਧਿਕਾਰੀ ਪੱਧਰ ਦੇ ਵਫ਼ਦ ਹਿੱਸਾ ਲੈਣਗੇ। ਇਸ ਵਿਚ ਕੁੱਲ 23 ਰਾਜ ਅਤੇ 11 ਮੰਤਰਾਲੇ ਵੀ ਹਿੱਸਾ ਲੈਣਗੇ। ਇਸ ਵਿਚ 950 ਤੋਂ ਵੱਧ ਪ੍ਰਦਰਸ਼ਕ ਹਿੱਸਾ ਲੈਣਗੇ। ਇਸ ਦੌਰਾਨ ਵੱਖ-ਵੱਖ ਵਿਸ਼ਿਆਂ 'ਤੇ 48 ਸੈਸ਼ਨ ਕਰਵਾਏ ਜਾਣਗੇ। ਇਸ ਦੌਰਾਨ ਖਰੀਦ ਅਤੇ ਵਿਕਰੀ ਅਤੇ ਸਮਝੌਤਾ ਪੱਤਰ 'ਤੇ ਵੀ ਹਸਤਾਖਰ ਕੀਤੇ ਜਾਣਗੇ। ਪਿਛਲੀ ਵਾਰ ਸਾਲ 2017 'ਚ ਵਰਲਡ ਫੂਡ ਇੰਡੀਆ ਦਾ ਆਯੋਜਨ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਕੋਵਿਡ ਕਾਰਨ ਇਸ ਦਾ ਆਯੋਜਨ ਨਹੀਂ ਹੋ ਸਕਿਆ ਸੀ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8