ਦਿੱਲੀ ਚੋਣਾਂ: ਭਾਜਪਾ ਨੇ ਮਨੋਜ ਤਿਵਾੜੀ ਦੀ ਆਵਾਜ਼ ''ਚ ਨਵਾਂ ਗੀਤ ਕੀਤਾ ਰਿਲੀਜ਼

ਨਵੀਂ ਦਿੱਲੀ- ਦਿੱਲੀ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਪ੍ਰਦੇਸ਼ ਭਾਜਪਾ ਨੇ ਮੰਗਲਵਾਰ ਨੂੰ ਆਪਣਾ ਨਵਾਂ ਗੀਤ ਰਿਲੀਜ਼ ਕੀਤਾ, ਜਿਸ ਨੂੰ ਪਾਰਟੀ ਦੇ ਸੰਸਦ ਮੈਂਬਰ ਮਨੋਜ ਤਿਵਾੜੀ ਨੇ ਗਾਇਆ ਹੈ। ਉੱਤਰ-ਪੂਰਬੀ ਦਿੱਲੀ ਤੋਂ ਭਾਜਪਾ ਦੇ ਸੰਸਦ ਮੈਂਬਰ ਤਿਵਾੜੀ ਨੇ ਕਿਹਾ ਕਿ ਕੁਝ ਗੀਤ ਇਸ ਤਰ੍ਹਾਂ ਬਣਦੇ ਹਨ ਕਿ ਉਨ੍ਹਾਂ ਨੂੰ ਰੀਮਿਕਸ ਕਰਨ ਦੀ ਲੋੜ ਪੈਂਦੀ ਹੈ।

ਮੇਰੀ ਟੀਮ ਨੇ ਮੈਨੂੰ 2017 ਵਿਚ ਰਿਲੀਜ਼ ਹੋਏ ਇਕ ਗੀਤ 'ਬੀਜੇਪੀਦਿਲ ਮੇਂ, ਬੀਜੇਪੀ ਦਿੱਲੀ ਮੇਂ' ਨੂੰ ਰੀਮਿਕਸ ਕਰਨ ਲਈ ਕਿਹਾ ਸੀ। ਅੱਜ ਅਸੀਂ ਇਸ ਦਾ ਇਕ ਰੀਮਿਕਸ ਆਡੀਸ਼ਨ ਜਾਰੀ ਕਰ ਰਹੇ ਹਾਂ, ਜਿਸ ਵਿਚ ਸਾਡੀ ਚੋਣ ਗਾਰੰਟੀ ਵੀ ਸ਼ਾਮਲ ਹੈ। ਦੱਸ ਦੇਈਏ ਕਿ ਦਿੱਲੀ ਦੀਆਂ ਸਾਰੀਆਂ 70 ਵਿਧਾਨ ਸਭਾ ਸੀਟਾਂ 'ਤੇ 5 ਫਰਵਰੀ ਨੂੰ ਵੋਟਿੰਗ ਹੋਵੇਗੀ ਅਤੇ 8 ਫਰਵਰੀ ਨੂੰ ਵੋਟਾਂ ਦੀ ਗਿਣਤੀ ਹੋਵੇਗੀ।