ਖ਼ਤਮ ਹੋ ਰਹੀ ਡੈੱਡਲਾਈਨ! ਕੱਲ੍ਹ ਤੋਂ ਬੰਦ ਹੋ ਜਾਵੇਗੀ ਇਨ੍ਹਾਂ ਲੋਕਾਂ ਦੀ LPG ਸਿਲੰਡਰ ਸਪਲਾਈ

ਨਵੀਂ ਦਿੱਲੀ : ਦੇਸ਼ 'ਚ ਐੱਲਪੀਜੀ ਗੈਸ ਸਪਲਾਈ ਨੂੰ ਲੈ ਕੇ ਸਰਕਾਰ ਵੱਲੋਂ ਜਾਰੀ ਕੀਤੇ ਗਏ ਨਵੇਂ ਨਿਯਮਾਂ ਦੀ 90 ਦਿਨਾਂ ਦੀ ਡੈੱਡਲਾਈਨ ਕੁਝ ਹੀ ਘੰਟਿਆਂ ਵਿਚ ਖ਼ਤਮ ਹੋ ਰਹੀ ਹੈ। ਜੇਕਰ ਉਪਭੋਗਤਾਵਾਂ ਨੇ ਨਵੀਆਂ ਹਦਾਇਤਾਂ ਦੀ ਪਾਲਣਾ ਨਾ ਕੀਤੀ ਤਾਂ ਕੱਲ੍ਹ ਸਵੇਰ ਤੋਂ ਉਨ੍ਹਾਂ ਦੇ ਸਿਲੰਡਰ ਦੀ ਬੁਕਿੰਗ ਅਤੇ ਸਪਲਾਈ ਪੂਰੀ ਤਰ੍ਹਾਂ ਬੰਦ ਹੋ ਸਕਦੀ ਹੈ।

ਕਿਉਂ ਲਿਆ ਗਿਆ ਇਹ ਫੈਸਲਾ?
ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰਾਲੇ ਨੇ ਭਾਰਤ ਦੇ ਊਰਜਾ ਆਯਾਤ ਬਿੱਲਾਂ ਦੇ ਬੋਝ ਨੂੰ ਘਟਾਉਣ ਲਈ ਪਾਈਪਲਾਈਨ ਕੁਦਰਤੀ ਗੈਸ ਨੈੱਟਵਰਕ ਨੂੰ ਉਤਸ਼ਾਹਿਤ ਕਰਨ ਦਾ ਫੈਸਲਾ ਕੀਤਾ ਹੈ। ਨਵੇਂ ਹੁਕਮਾਂ ਤਹਿਤ ਸਰਕਾਰ ਨਿਰਧਾਰਤ ਖੇਤਰਾਂ 'ਚ ਪੀਐੱਨਜੀ ਦੀ ਵਰਤੋਂ ਨੂੰ ਸਖ਼ਤੀ ਨਾਲ ਲਾਗੂ ਕਰ ਰਹੀ ਹੈ।

ਕਿੰਨ੍ਹਾਂ ਲੋਕਾਂ ਦਾ ਕਨੈਕਸ਼ਨ ਹੋਵੇਗਾ ਬੰਦ?
ਜਿਨ੍ਹਾਂ ਦੇ ਘਰ ਜਾਂ ਨੇੜੇ ਪੀਐੱਨਜੀ ਕਨੈਕਸ਼ਨ ਦੀ ਸਹੂਲਤ ਮੌਜੂਦ ਹੈ, ਉਨ੍ਹਾਂ ਦਾ ਐੱਲਪੀਜੀ ਕਨੈਕਸ਼ਨ ਖ਼ਤਮ ਕਰ ਦਿੱਤਾ ਜਾਵੇਗਾ। ਇੱਕੋ ਪਰਿਵਾਰ 'ਚ ਦੋਹਰੇ ਗੈਸ ਕਨੈਕਸ਼ਨ ਰੱਖਣ ਵਾਲਿਆਂ ਨੂੰ ਇੱਕ ਕਨੈਕਸ਼ਨ ਸਰੈਂਡਰ ਕਰਨਾ ਹੋਵੇਗਾ। ਜਿਨ੍ਹਾਂ ਉਪਭੋਗਤਾਵਾਂ ਨੇ ਅਜੇ ਤੱਕ ਆਪਣੇ ਕਨੈਕਸ਼ਨ ਦੀ ਕੇਵਾਈਸੀ ਪ੍ਰਕਿਰਿਆ ਪੂਰੀ ਨਹੀਂ ਕੀਤੀ ਹੈ।

ਕਨੈਕਸ਼ਨ ਚਾਲੂ ਰੱਖਣ ਲਈ ਮਾਲਕ ਜਾਂ ਕਿਰਾਏਦਾਰ ਵਜੋਂ ਆਪਣਾ ਪਛਾਣ ਪੱਤਰ ਅਤੇ ਪਤੇ ਦਾ ਸਬੂਤ ਤੁਰੰਤ ਗੈਸ ਏਜੰਸੀ ਕੋਲ ਜਮ੍ਹਾਂ ਕਰਵਾਓ। ਜੇਕਰ ਤੁਹਾਡੇ ਇਲਾਕੇ ਵਿੱਚ ਗੈਸ ਪਾਈਪਲਾਈਨ ਉਪਲਬਧ ਹੈ ਤਾਂ ਆਨਲਾਈਨ ਅਰਜ਼ੀ ਦਿਓ। ਜੇਕਰ ਪਾਈਪਲਾਈਨ ਸੰਭਵ ਨਹੀਂ ਹੈ ਤਾਂ ਗੈਸ ਕੰਪਨੀ ਤੋਂ ਤਕਨੀਕੀ NOC ਪ੍ਰਾਪਤ ਕਰੋ। ਯਕੀਨੀ ਬਣਾਓ ਕਿ ਤੁਹਾਡਾ ਰਜਿਸਟਰਡ ਮੋਬਾਈਲ ਨੰਬਰ ਅੱਪਡੇਟ ਹੈ ਤਾਂ ਜੋ ਡਿਲੀਵਰੀ ਪ੍ਰਮਾਣਿਕਤਾ ਕੋਡ ਪ੍ਰਣਾਲੀ ਰਾਹੀਂ ਪੁਸ਼ਟੀ ਹੋ ਸਕੇ।

ਜਿਨ੍ਹਾਂ ਲੋਕਾਂ ਨੂੰ ਰਜਿਸਟਰਡ ਡਾਕ ਰਾਹੀਂ 90 ਦਿਨਾਂ ਦਾ ਨੋਟਿਸ ਮਿਲਿਆ ਸੀ ਅਤੇ ਉਨ੍ਹਾਂ ਨੇ ਅਜੇ ਤੱਕ ਕੋਈ ਕਾਰਵਾਈ ਨਹੀਂ ਕੀਤੀ, ਉਹ ਕੱਲ੍ਹ ਤੋਂ ਗੈਸ ਬੁੱਕ ਨਹੀਂ ਕਰ ਸਕਣਗੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e