ਦਿਵਿਆਂਗ ਕੁੜੀ ਨੂੰ ਵਾਹਨ ਵੇਚਣ ਤੋਂ ਇਨਕਾਰ ਕਰਨ ਦੇ ਮਾਮਲੇ ''ਚ ਟਰਾਂਸਪੋਰਟ ਵਿਭਾਗ ਨੂੰ DCW ਦਾ ਨੋਟਿਸ

ਨਵੀਂ ਦਿੱਲੀ (ਭਾਸ਼ਾ)- ਦਿੱਲੀ ਮਹਿਲਾ ਕਮਿਸ਼ਨ (ਡੀ.ਸੀ.ਡਬਲਿਊ.) ਨੇ ਸਰਕਾਰ ਦੇ ਟਰਾਂਸਪੋਰਟ ਵਿਭਾਗ ਨੂੰ ਨੋਟਿਸ ਜਾਰੀ ਕਰਕੇ, ਉਨ੍ਹਾਂ ਨਿਯਮਾਂ ਦੀ ਜਾਣਕਾਰੀ ਮੰਗੀ ਹੈ, ਜਿਨ੍ਹਾਂ ਦੇ ਤਹਿਤ ਇਕ ਕਾਰ ਵਪਾਰੀ ਨੇ ਦਿਵਿਆਂਗ ਕੁੜੀ ਨੂੰ ਇਕ ਵੱਡਾ ਵਪਾਰਕ ਵਾਹਨ ਵੇਚਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਦਿਵਿਆਂਗ ਕੁੜੀ ਵਪਾਰਕ ਵਾਹਨ 'ਚ ਕੁਝ ਤਬਦੀਲੀ ਇਕ 'ਵ੍ਹੀਲਚੇਅਰ' ਲਗਵਾ ਕੇ ਉਸ ਦਾ ਨਿੱਜੀ ਤੌਰ 'ਤੇ ਇਸਤੇਮਾਲ ਕਰਨਾ ਚਾਹੁੰਦੀ ਸੀ। ਹਾਲਾਂਕਿ ਕਾਰ ਵਪਾਰੀ ਨੇ ਵਾਹਨ ਨੂੰ ਉਸ ਨੂੰ ਵੇਚਣ ਤੋਂ ਇਨਕਾਰ ਕਰ ਦਿੱਤਾ ਸੀ ਕਿ ਉਹ ਬੇਹੱਦ ਵੱਡਾ ਵਾਹਨ ਹੈ ਅਤੇ ਸਰਕਾਰ ਸਿਰਫ਼ ਵਪਾਰਕ ਵਰਤੋਂ ਲਈ ਇਸ ਦੀ ਵਿਕਰੀ ਦੀ ਆਗਿਆ ਦਿੰਦੀ ਹੈ। ਇਸ ਤੋਂ ਬਾਅਦ ਦਿਵਿਆਂਗ ਕੁੜੀ ਨੇ ਮਦਦ ਲਈ ਕਮਿਸ਼ਨ ਨਾਲ ਸੰਪਰਕ ਕੀਤਾ। ਦਿੱਲੀ ਮਹਿਲਾ ਕਮਿਸ਼ਨ (ਡੀ.ਸੀ.ਡਬਲਿਯੂ.) ਦੀ ਮੁਖੀ ਸਵਾਤੀ ਮਾਲੀਵਾਲ ਨੇ ਕੁੜੀ ਦੇ ਘਰ 'ਤੇ ਉਸ ਨਾਲ ਅਤੇ ਉਸ ਦੇ ਪਰਿਵਾਰ ਨਾਲ ਮੁਲਾਕਾਤ ਕੀਤੀ।

काजल से मिलने उसके घर गयी। ज़िंदगी जीना कोई उससे सीखे। वो Tata Winger गाड़ी ख़रीद उसमें लिफ़्ट लगवाके wheelchair के साथ गाड़ी में बैठकर दुनिया घूमना चाहती है। पर ट्रांसपोर्ट विभाग उसे गाड़ी ख़रीदने की अनुमति नहीं दे रहा! आज़ादी से घूमना उसक अधिकार है, हमने नोटिस जारी किया है। pic.twitter.com/pT452KECaJ

— Swati Maliwal (@SwatiJaiHind) October 18, 2022

ਇਸ ਮੁਲਾਕਾਤ ਦੌਰਾਨ ਮਾਲੀਵਾਲ ਨੇ ਦੱਸਿਆ ਕਿ ਉਨ੍ਹਾਂ ਨੇ ਸਮਾਜਿਕ ਨਿਆਂ ਅਤੇ ਅਧਿਕਾਰਿਤਾ ਮੰਤਰਾਲਾ ਨੂੰ ਪਹਿਲੇ ਹੀ ਇਸ ਸੰਬੰਧ 'ਚ ਇਕ ਬੇਨਤੀ ਭੇਜ ਦਿੱਤੀ ਸੀ ਅਤੇ ਉਸ ਦੀ ਇਹ ਅਪੀਲ ਦਿੱਲੀ ਦੇ ਟਰਾਂਸਪੋਰਟ ਵਿਭਾਗ ਨੂੰ ਭੇਜ ਦਿੱਤੀ ਗਈ ਹੈ। ਮਾਲੀਵਾਲ ਨੇ ਟਰਾਂਸਪੋਰਟ ਵਿਭਾਗ ਤੋਂ ਸਿਫ਼ਾਰਿਸ਼ ਕੀਤੀ ਹੈ ਕਿ ਕੁੜੀ ਦੀ ਅਪੀਲ 'ਤੇ ਪਹਿਲ ਦੇ ਆਧਾਰ 'ਤੇ ਗੌਰ ਕੀਤਾ ਜਾਵੇ ਅਤੇ ਤੁਰੰਤ ਇਸ ਲਈ ਮਨਜ਼ੂਰੀ ਦਿੱਤੀ ਜਾਵੇ। ਕਮਿਸ਼ਨ ਨੇ ਟਰਾਂਸਪੋਰਟ ਵਿਭਾਗ ਨੂੰ ਉਸ ਨੂੰ ਲੋੜੀਂਦੀ ਮਨਜ਼ੂਰੀ ਦੇਣ ਲਈ ਇਕ ਸਮੇਂ-ਹੱਦ ਤੈਅ ਕਰਨ ਲਈ ਵੀ ਕਿਹਾ ਹੈ। ਕਮਿਸ਼ਨ ਨੇ ਪੁੱਛਿਆ ਕਿ ਅਜਿਹੇ ਹੋਰ ਬਿਨੈਕਾਰਾਂ ਲਈ ਪ੍ਰਕਿਰਿਆ ਨੂੰ ਸਰਲ ਅਤੇ ਸੌਖਾ ਬਣਾਉਣ ਲਈ ਵਿਭਾਗ ਵਲੋਂ ਕੀ ਕਦਮ ਚੁੱਕੇ ਗਏ ਹਨ? ਵਿਭਾਗ ਵਲੋਂ ਕਾਰ ਵਪਾਰੀਆਂ ਨੂੰ ਇਸ ਸੰਬੰਧ 'ਚ ਜਾਰੀ ਦਿਸ਼ਾ-ਨਿਰਦੇਸ਼ਾਂ ਦਾ ਵੇਰਵਾ ਵੀ ਮੰਗਿਆ ਗਿਆ ਹੈ। ਵਿਭਾਗ ਤੋਂ ਮਾਮਲੇ 'ਤੇ ਕੀਤੀ ਗਈ ਕਾਰਵਾਈ ਦੇ ਸੰਬੰਧ 'ਚ 26 ਅਕਤੂਬਰ ਤੱਕ ਇਕ ਰਿਪੋਰਟ ਦੇਣ ਨੂੰ ਵੀ ਕਿਹਾ ਗਿਆ ਹੈ।

ਨੋਟ : ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ 'ਚ ਦਿਓ ਜਵਾਬ