ਜਵਾਨ ਕੁੜੀਆਂ ਦੇ ''ਪ੍ਰੇਮ ਜਾਲ'' ''ਚ ਫ਼ਸ ਗਿਆ 67 ਸਾਲ ਦਾ ਬਜ਼ੁਰਗ ! ਹੁਣ ਪੈ ਗਈ ਵੱਡੀ ''ਗੇਮ''

ਨਵੀਂ ਦਿੱਲੀ (ਏਜੰਸੀ)- ਦਿੱਲੀ ਪੁਲਸ ਨੇ 'ਡੇਟਿੰਗ ਐਪ' ਰਾਹੀਂ 67 ਸਾਲਾ ਵਿਅਕਤੀ ਨੂੰ ਆਪਣੀ ਜਾਲ 'ਚ ਫਸਾ ਕੇ ਉਸ ਦਾ ਮੋਬਾਈਲ ਫੋਨ ਚੋਰੀ ਕਰਨ ਅਤੇ 1.30 ਲੱਖ ਰੁਪਏ ਠੱਗਣ ਦੇ ਦੋਸ਼ 'ਚ 2 ਕੁੜੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਸ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਪੁਲਸ ਅਨੁਸਾਰ, ਦੋਸ਼ੀਆਂ ਦੀ ਪਛਾਣ ਦਿੱਲੀ ਵਾਸੀ ਜਯੋਤਸਨਾ (26) ਅਤੇ ਉਸ ਦੀ ਸਹਿਯੋਗੀ ਮਾਨਸੀ (21) ਵਜੋਂ ਹੋਈ ਹੈ। 

ਪੁਲਸ ਨੇ ਦੱਸਿਆ ਕਿ ਜਯੋਤਸਨਾ ਨੇ 'ਡੇਟਿੰਗ ਐਪ' 'ਤੇ ਫਰਜ਼ੀ ਨਾਮ ਨਾਲ ਇਕ ਪ੍ਰੋਫਾਈਲ ਬਣਾਈ ਸੀ, ਜਦੋਂ ਕਿ ਮਾਨਸੀ ਖੁਦ ਨੂੰ ਉਹੀ ਕੁੜੀ ਬਣ ਕੇ ਬਜ਼ੁਰਗ ਨੂੰ ਮਿਲੀ ਸੀ, ਜਿਸ ਦੇ ਨਾਂ ਨਾਲ ਪ੍ਰੋਫਾਈਲ ਬਣਾਈ ਗਈ ਸੀ। ਦੱਖਣ-ਪੱਛਮੀ ਦਿੱਲੀ ਦੇ ਡਿਪਟੀ ਕਮਿਸ਼ਨਰ ਆਫ਼ ਪੁਲਸ (ਡੀਸੀਪੀ) ਅਮਿਤ ਗੋਇਲ ਦੇ ਅਨੁਸਾਰ, ਦੋਸ਼ੀ ਨੇ ਧੋਖਾਧੜੀ ਨੂੰ ਅੰਜਾਮ ਦੇਣ ਲਈ ਯੋਜਨਾਬੱਧ ਤਰੀਕੇ ਨਾਲ ਕੰਮ ਕੀਤਾ। ਉਨ੍ਹਾਂ ਦੱਸਿਆ ਕਿ ਬਜ਼ੁਰਗ ਪੀੜਤ 20 ਅਤੇ 24 ਜੁਲਾਈ 2026 ਨੂੰ 2 ਵਾਰ ਕੁੜੀਆਂ ਨੂੰ ਮਿਲਿਆ ਸੀ। ਦੂਜੀ ਮੁਲਾਕਾਤ ਦੌਰਾਨ, ਉਸ ਨੇ ਡਿਫੈਂਸ ਕਲੋਨੀ ਦੇ ਇਕ ਰੈਸਟੋਰੈਂਟ 'ਚ ਦੋਸ਼ੀ ਕੁੜੀਆਂ ਨਾਲ ਖਾਣਾ ਖਾਧਾ, ਇਸ ਦੌਰਾਨ ਉਸ ਦਾ ਮੋਬਾਈਲ ਫੋਨ ਚੋਰੀ ਕਰ ਲਿਆ ਗਿਆ।

ਪੁਲਸ ਨੇ ਦੱਸਿਆ ਕਿ ਇਸ ਤੋਂ ਬਾਅਦ ਦੋਸ਼ੀ ਕੁੜੀਆਂ ਨੇ ਪੀੜਤ ਦੇ ਬੈਂਕ ਖਾਤਿਆਂ ਤੋਂ ਯੂਪੀਆਈ ਰਾਹੀਂ 1.30 ਲੱਖ ਰੁਪਏ ਆਪਣੇ ਖਾਤਿਆਂ 'ਚ ਟਰਾਂਸਫਰ ਕਰ ਲਏ, ਜਿਨ੍ਹਾਂ 'ਚੋਂ 90 ਹਜ਼ਾਰ ਰੁਪਏ ਏਟੀਐੱਮ ਰਾਹੀਂ ਕੱਢੇ ਗਏ ਸਨ। ਅਧਿਕਾਰੀ ਨੇ ਦੱਸਿਆ ਕਿ ਸਬੂਤ ਨਸ਼ਟ ਕਰਨ ਦੇ ਮਕਸਦ ਨਾਲ ਮੁਲਜ਼ਮ ਕੁੜੀਆਂ ਨੇ ਚੋਰੀ ਕੀਤੇ ਮੋਬਾਈਲ ਫੋਨ ਨੂੰ ਨਸ਼ਟ ਕਰ ਦਿੱਤਾ। ਪੁਲਸ ਨੇ ਦੱਸਿਆ ਕਿ ਪੀੜਤ ਬਜ਼ੁਰਗ ਦੀ ਸ਼ਿਕਾਇਤ ਦੇ ਆਧਾਰ 'ਤੇ 25 ਜੁਲਾਈ ਨੂੰ ਇਕ ਈ-ਐੱਫਆਈਆਰ ਦਰਜ ਕੀਤੀ ਗਈ ਸੀ। ਇਸ ਤੋਂ ਬਾਅਦ, ਜ਼ਿਲ੍ਹਾ ਸਾਈਬਰ ਪੁਲਸ ਸਟੇਸ਼ਨ ਦੀ ਟੀਮ ਨੇ ਬੈਂਕ ਖਾਤੇ ਦੇ ਲੈਣ-ਦੇਣ, ਸੀਸੀਟੀਵੀ ਫੁਟੇਜ ਅਤੇ ਤਕਨੀਕੀ ਨਿਗਰਾਨੀ ਦੇ ਆਧਾਰ 'ਤੇ ਮਾਮਲੇ ਦੀ ਜਾਂਚ ਕੀਤੀ। ਸੀਸੀਟੀਵੀ ਫੁਟੇਜ 'ਚ ਦੋ ਕੁੜੀਆਂ ਨੂੰ ਏਟੀਐੱਮ ਤੋਂ ਪੈਸੇ ਕਢਵਾਉਂਦੇ ਦਿਖਾਇਆ ਗਿਆ। ਪੁਲਸ ਦੇ ਅਨੁਸਾਰ, ਤਕਨੀਕੀ ਵਿਸ਼ਲੇਸ਼ਣ ਦੇ ਆਧਾਰ 'ਤੇ, ਦੋਵਾਂ ਮੁਲਜ਼ਮਾਂ ਦੀ ਪਛਾਣ ਕੀਤੀ ਗਈ ਅਤੇ ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਮੁਲਜ਼ਮ ਕੁੜੀਆਂ ਤੋਂ ਦੋ ਮੋਬਾਈਲ ਫੋਨ ਬਰਾਮਦ ਕੀਤੇ ਗਏ ਹਨ। ਮਾਮਲੇ 'ਚ ਅੱਗੇ ਦੀ ਕਾਨੂੰਨੀ ਕਾਰਵਾਈ ਅਤੇ ਜਾਂਚ ਜਾਰੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e