5 ਸਾਲਾਂ ''ਚ 2,264 ਵਾਰ ਹੋਈ ਚੀਨੀ ਘੁਸਪੈਠ ''ਤੇ PM ਤੋਂ ਪੁੱਛਣ ਦੀ ਹਿੰਮਤ ਨਹੀਂ ਕਰਨਗੇ ਨੱਢਾ : ਚਿਦਾਂਬਰਮ

06/23/2020 4:32:14 PM

ਨਵੀਂ ਦਿੱਲੀ- ਕਾਂਗਰਸ ਦੇ ਸੀਨੀਅਰ ਨੇਤਾ ਪੀ. ਚਿਦਾਂਬਰਮ ਨੇ ਯੂ.ਪੀ.ਏ. ਸਰਕਾਰ ਦੇ ਸਮੇਂ 600 ਵਾਰ ਹੋਈ ਚੀਨੀ ਘੁਸਪੈਠ ਦਾ ਮੁੱਦਾ ਚੁੱਕਣ ਨੂੰ ਲੈ ਕੇ ਮੰਗਲਵਾਰ ਨੂੰ ਭਾਜਪਾ ਪ੍ਰਧਾਨ ਜਗਤ ਪ੍ਰਕਾਸ਼ (ਜੇ.ਪੀ.) ਨੱਢਾ 'ਤੇ ਪਲਟਵਾਰ ਕੀਤਾ ਅਤੇ ਕਿਹਾ ਕਿ ਨੱਢਾ 2015 ਤੋਂ ਹੁਣ ਤੱਕ ਚੀਨ ਵਲੋਂ 2,264 ਵਾਰ ਕੀਤੀ ਗਈ ਘੁਸਪੈਠ 'ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੋਂ ਜਵਾਬ ਮੰਗਣ ਦੀ ਹਿੰਮਤ ਨਹੀਂ ਕਰਨਗੇ। ਉਨ੍ਹਾਂ ਨੇ ਟਵੀਟ ਕੀਤਾ,''ਹਾਂ ਘੁਸਪੈਠ ਹੋਈ ਸੀ ਪਰ ਚੀਨ ਨੇ ਕਿਸੇ ਭਾਰਤੀ ਖੇਤਰ 'ਚ ਕਬਜ਼ਾ ਨਹੀਂ ਕੀਤਾ ਅਤੇ ਹਿੰਸਕ ਝੜਪ 'ਚ ਕਿਸੇ ਭਾਰਤੀ ਜਵਾਨ ਦੀ ਜਾਨ ਨਹੀਂ ਗਈ।''

PunjabKesariਸਾਬਕਾ ਗ੍ਰਹਿ ਮੰਤਰੀ ਨੇ ਕਿਹਾ,''ਕੀ ਜੇ.ਪੀ. ਨੱਢਾ 2015 ਤੋਂ 2,264 ਵਾਰ ਹੋਈ ਚੀਨੀ ਘੁਸਪੈਠ 'ਤੇ ਪ੍ਰਧਾਨ ਮੰਤਰੀ ਤੋਂ ਜਵਾਬ ਮੰਗਣਗੇ? ਮੈਂ ਸ਼ਰਤ ਲਗਾ ਸਕਦਾ ਹੈ ਕਿਉਹ ਸਵਾਲ ਪੁੱਛਣ ਦੀ ਹਿੰਮਤ ਨਹੀਂ ਕਰਨਗੇ।'' ਭਾਜਪਾ ਪ੍ਰਧਾਨ ਨੱਢਾ ਨੇ ਲੱਦਾਖ 'ਚ ਗਤੀਰੋਧ ਦੇ ਸੰਦਰਭ 'ਚ ਸਾਬਕਾ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਵਲੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਆਲੋਚਨਾ ਕੀਤੇ ਜਾਣ ਨੂੰ ਲੈ ਕੇ ਸੋਮਵਾਰ ਨੂੰ ਉਨ੍ਹਾਂ ਤੇ ਪਲਟਵਾਰ ਕਰਦੇ ਹੋਏ ਦੋਸ਼ ਲਗਾਇਆ ਸੀ ਕਿ ਸਿੰਘ ਨੇ ਪ੍ਰਧਾਨ ਮੰਤਰੀ ਦੇ ਤੌਰ 'ਤੇ ਭਾਰਤ ਦੀ ਸੈਕੜੇਂ ਵਰਗ ਕਿਲੋਮੀਟਰ ਜ਼ਮੀਨ ਚੀਨ ਨੂੰ ਸੌਂਪ ਦਿੱਤੀ। ਨਾਲ ਹੀ, ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਸਿੰਘ ਦੇ ਕਾਰਜਕਾਲ 'ਚ 2010 ਤੋਂ 2013 ਦਰਮਿਆਨ ਗੁਆਂਢੀ ਜੇ ਨੇ 600 ਤੋਂ ਵੱਧ ਵਾਰ ਘੁਸਪੈਠ ਕੀਤੀ।


DIsha

Content Editor

Related News