ਪ੍ਰਧਾਨ ਮੰਤਰੀ ਮੋਦੀ ਨੂੰ ਲੈ ਕੇ ਕਾਂਗਰਸ ਨੇਤਾ ਦਾ ਵਿਵਾਦਪੂਰਨ ਬਿਆਨ

ਪਟਨਾ—ਰਾਜਦ ਪ੍ਰਮੁੱਖ ਲਾਲੂ ਪ੍ਰਸਾਦ ਯਾਦਵ ਦੇ ਖਿਲਾਫ ਪਏ ਸੀ.ਬੀ.ਆਈ. ਦੇ ਛਾਪਿਆਂ ਦੇ ਬਾਅਦ ਬਿਹਾਰ ਕਾਂਗਰਸ ਦੇ ਸੂਬਾ ਪ੍ਰਧਾਨ ਆਸ਼ੋਕ ਚੌਧਰੀ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਭਾਜਪਾ 'ਤੇ ਨਿਸ਼ਾਨਾ ਸਾਧਿਆ ਹੈ। ਆਪਣੇ ਵਿਵਾਦਪੂਰਨ ਬਿਆਨ ਵਿਚ ਚੌਧਰੀ ਨੇ ਕਿਹਾ ਕਿ ਮੋਦੀ ਹਜ਼ਾਰਾਂ ਲੋਕਾਂ ਦੀ ਜਾਨ ਲੈ ਕੇ ਪ੍ਰਧਾਨ ਮੰਤਰੀ ਬਣੇ ਹਨ ਅਤੇ ਹੁਣ ਉਹ ਸਾਨੂੰ ਤੰਗ ਕਰ ਰਹੇ ਹਨ, ਜਦਕਿ ਅਮਿਤ ਸ਼ਾਹ ਤਾਂ ਗੁਜਰਾਤ ਦੇ ਤੜੀਪਾਰ ਸੀ। ਉਨ੍ਹਾਂ ਨੇ ਭਾਜਪਾ 'ਤੇ ਧਰਮ ਨਿਰਪੱਖ ਤਾਕਤਾਂ ਨੂੰ ਕੰਮਜ਼ੋਰ ਕਰਨ ਦਾ ਵੀ ਦੋਸ਼ ਲਗਾਇਆ।
ਚੌਧਰੀ ਨੇ ਬਿਆਨ 'ਤੇ ਭਾਜਪਾ ਨੇਤਾ ਨੰਦ ਕਿਸ਼ੋਰ ਯਾਦਵ ਨੇ ਕਿਹਾ ਕਿ ਲਾਲੂ ਅਤੇ ਉਨ੍ਹਾਂ ਦੇ ਪਰਿਵਾਰ ਦੇ ਖਿਲਾਫ ਪਏ ਸੀ.ਬੀ.ਆਈ. ਛਾਪੇ ਦੇ ਬਾਅਦ ਉਨ੍ਹਾਂ ਨਾਲ ਇਸ ਤਰ੍ਹਾਂ ਦੀ ਟਿੱਪਣੀ ਦੀ ਉਮੀਦ ਕੀਤੀ ਹੈ। ਆਪ ਕਾਂਗਰਸ ਪਾਰਟੀ ਤੋਂ ਵਧ ਉਮੀਦ ਨਹੀਂ ਕਰ ਸਕਦੇ। ਇਕ ਭ੍ਰਿਸ਼ਟ ਪਾਰਟੀ ਦੂਜੀ ਪਾਰਟੀ ਦੇ ਨਾਲ ਖੜ੍ਹੀ ਹੈ। ਇਸ ਵਿਚ ਕਾਂਗਰਸ ਦੇ ਵੱਲੋਂ ਤੋਂ ਨਿਤੀਸ਼ ਕੈਬਿਨਟ 'ਚ ਸ਼ਾਮਲ ਚਾਰੇ ਮੰਤਰੀ ਆਸ਼ੋਕ ਚੌਧਰੀ, ਅਵਧੇਸ਼ ਸਿੰਘ, ਅਬਦੁੱਲ ਜਲੀਲ ਅਤੇ ਮਦਨ ਮੋਹਨ ਝਾਅ ਨੇ ਸ਼ਨੀਵਾਰ ਨੂੰ ਲਾਲੂ ਨਾਲ ਮੁਲਾਕਾਤ ਕੀਤੀ।