ਜੰਤਰ-ਮੰਤਰ ਪ੍ਰਦਰਸ਼ਨਾਂ ਨੂੰ ਲੈ ਕੇ ਸ਼ਿਵਰਾਜ ਚੌਹਾਨ ਦਾ ਕਾਂਗਰਸ ''ਤੇ ਵੱਡਾ ਹਮਲਾ

ਨਵੀਂ ਦਿੱਲੀ (ਏਜੰਸੀ)- ਕੇਂਦਰੀ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਸੋਮਵਾਰ ਨੂੰ ਕਾਂਗਰਸ ਪਾਰਟੀ 'ਤੇ ਹਮਲਾ ਬੋਲਿਆ ਅਤੇ ਉਨ੍ਹਾਂ ਦੇ ਚੱਲ ਰਹੇ ਵਿਰੋਧ ਪ੍ਰਦਰਸ਼ਨਾਂ ਨੂੰ ਲਗਾਤਾਰ ਚੋਣ ਹਾਰ ਦੀ ਨਿਰਾਸ਼ਾ ਦੱਸਿਆ। ਇੰਡੀਆ ਗਠਜੋੜ ਦੇ ਪ੍ਰਦਰਸ਼ਨਾਂ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਚੌਹਾਨ ਨੇ ਦਾਅਵਾ ਕੀਤਾ ਕਿ ਪਾਰਟੀ ਦੀ ਹਾਰ ਸਵੀਕਾਰ ਨਾ ਕਰ ਪਾਉਣ ਕਾਰਨ ਉਹ ਸੰਵਿਧਾਨਕ ਸੰਸਥਾਵਾਂ ਨੂੰ ਨਿਸ਼ਾਨਾ ਬਣਾ ਰਹੇ ਹਨ। 

ਮੀਡੀਆ ਨਾਲ ਗੱਲ ਕਰਦੇ ਹੋਏ ਚੌਹਾਨ ਨੇ ਪਾਰਟੀ ਦੇ ਰਵੱਈਏ ਦੀ ਤੁਲਨਾ ਇਕ ਅਨਸਕਿਲਡ ਪਰਫਾਰਮਰ ਨਾਲ ਕਰਦੇ ਹੋਏ ਕਿਹਾ,''ਕਾਂਗਰਸ ਲੀਡਰਸ਼ਿਪ ਦੀ ਹਾਲਤ 'ਨਾਚ ਨਾ ਜਾਣੇ ਆਂਗਣ ਟੇਡਾ' ਵਰਗੀ ਹੈ, ਜਿਸ ਦਾ ਮਤਲਬ ਹੈ 'ਇਕ ਬੁਰਾ ਡਾਂਸਰ ਫਰਸ਼ 'ਤੇ ਇਲਜ਼ਾਮ ਲਗਾਉਂਦਾ ਹੈ।' ਕਾਂਗਰਸ ਜਨਤਾ ਦੀਆਂ ਨਜ਼ਰਾਂ 'ਚੋਂ ਵੀ ਡਿੱਗ ਗਈ ਹੈ ਅਤੇ ਜਨਤਾ ਦੇ ਦਿਲਾਂ ਤੋਂ ਵੀ। ਆਸਾਮ 'ਚ ਕਾਂਗਰਸ ਦੀ ਕੀ ਹਾਲਤ ਹੈ? ਤ੍ਰਿਪੁਰਾ, ਰਾਜਸਥਾਨ ਅਤੇ ਉਸ ਤੋਂ ਪਹਿਲੇ ਹਿਮਾਚਲ ਪ੍ਰਦੇਸ਼ 'ਚ ਲੋਕਲ ਬਾਡੀ ਇਲੈਕਸ਼ਨ 'ਚ ਕੀ ਹੋਇਆ? ਇਸ ਤੋਂ ਬਾਅਦ ਇਕ ਚੋਣ ਹਾਰਨਾ ਅਤੇ ਫਿਰ ਪਰੇਸ਼ਾਨੀ 'ਚ ਸੜਕਾਂ 'ਤੇ ਉਤਰ ਕੇ ਪ੍ਰਦਰਸ਼ਨ ਕਰਨਾ ਕਾਂਗਰਸ ਦੀ ਕਿਸਮਤ ਬਣ ਗਈ ਹੈ।

ਕਾਂਗਰਸ ਦੀ ਹਾਰ ਦਾ ਕਾਰਨ ਚੋਣ ਕਮਿਸ਼ਨ ਨਹੀਂ ਹੈ, ਕਾਂਗਰਸ ਦੀ ਹਾਰ ਦਾ ਕਾਰਨ ਕਾਂਗਰਸ ਦੀ ਆਪਣੀ ਬਿਨਾਂ ਸੋਚ ਵਾਲੀ ਲੀਡਰਸ਼ਿਪ ਹੈ। ਕਾਂਗਰਸ ਦੀ ਅਜੇ ਕੀ ਹਾਲਤ ਹੈ? ਉੱਤਰ ਪ੍ਰਦੇਸ਼ 'ਚ ਅੰਦਰੂਨੀ ਲੜਾਈ ਹੈ। ਪੰਜਾਬ 'ਚ ਉਨ੍ਹਾਂ ਨੂੰ ਸਟੇਟ ਪ੍ਰਧਾਨ ਬਦਲਣਾ ਪਿਆ ਹੈ। ਵੱਖ-ਵੱਖ ਥਾਵਾਂ 'ਤੇ ਲੀਡਰਸ਼ਿਪ ਨੂੰ ਲੈ ਕੇ ਝਗੜੇ ਹੋ ਰਹੇ ਹਨ। ਕੇਂਦਰੀ ਮੰਤਰੀ ਨੇ ਸੰਵਿਧਾਨ ਬਾਰੇ ਕਾਂਗਰਸ ਦੇ ਦੋਸ਼ਾਂ 'ਤੇ ਪਲਟਵਾਰ ਕਰਦੇ ਹੋਏ ਕਿਹਾ,''ਉਹ ਸੰਵਿਧਾਨ ਬਾਰੇ ਕੀ ਗੱਲ ਕਰਨਗੇ? ਉਨ੍ਹਾਂ ਨੇ 90 ਤੋਂ ਜ਼ਿਆਦਾ ਵਾਰ ਚੁਣੀਆਂ ਹੋਈਆਂ ਸਰਕਾਰਾਂ ਨੂੰ ਬਦਲ ਕੇ ਪਾਪ ਕੀਤਾ ਹੈ।''

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e