ਬਿਹਾਰ ਲਈ ਖੁਸ਼ਖਬਰੀ, ਦਰਭੰਗਾ ਏਅਰਪੋਰਟ ਤੋਂ ਛੇਤੀ ਸ਼ੁਰੂ ਹੋਵੇਗੀ ਹਵਾਈ ਸੇਵਾ

ਪਟਨਾ - ਕੋਰੋਨਾ ਆਫਤ ਵਿਚਾਲੇ ਬਿਹਾਰ ਲਈ ਖੁਸ਼ਖਬਰੀ ਹੈ। ਦਰਭੰਗਾ ਏਅਰਪੋਰਟ ਤੋਂ ਛੇਤੀ ਹੀ ਹਵਾਈ ਸੇਵਾ ਸ਼ੁਰੂ ਹੋ ਸਕਦੀ ਹੈ। ਏਅਰਪੋਰਟ ਅਥਾਰਟੀ ਆਫ ਇੰਡੀਆ ਨੇ ਮੰਗਲਵਾਰ ਨੂੰ ਦੱਸਿਆ ਕਿ ਦਰਭੰਗਾ ਏਅਰਪੋਰਟ ਤੋਂ ਛੇਤੀ ਹੀ ਉਡਾਣਾਂ ਸ਼ੁਰੂ ਹੋਣਗੀਆਂ। ਦਰਭੰਗਾ ਏਅਰਪੋਰਟ ਤੋਂ ਰੀਜ਼ਨਲ ਕਨੈਕਟਿਵਿਟੀ ਸਕੀਮ ਦੇ ਤਹਿਤ ਛੇਤੀ ਜਹਾਜ਼ਾਂ ਦੀ ਉਡਾਣ ਸ਼ੁਰੂ ਹੋਵੇਗੀ।

With an outlay of ₹92 cr., #AAI is constructing an Interim Civil Enclave at Darbhanga. A prefabricated terminal bldg. with car park, a new apron with connecting Taxiway & strengthening of runway to accommodate B737-800 type aircraft and other ancillaries are being constructed. pic.twitter.com/RJat5Y7SVJ

— Airports Authority of India (@AAI_Official) September 8, 2020

ਹਵਾਬਾਜ਼ੀ ਮੰਤਰਾਲਾ ਬਿਹਾਰ ਸਰਕਾਰ ਦੇ ਸਹਿਯੋਗ ਨਾਲ ਜਲਦ ਹੀ ਦਰਭੰਗਾ ਏਅਰਪੋਰਟ ਤੋਂ ਦੇਸ਼ ਦੇ ਦੂਜੇ ਹਵਾਈ ਅੱਡਿਆਂ ਤੱਕ ਹਵਾਈ ਸੰਪਰਕ ਉਪਲੱਬਧ ਕਰਵਾਇਆ ਜਾਵੇਗਾ। ਇੰਡੀਆ ਏਅਰਪੋਰਟ ਅਥਾਰਟੀ ਨੇ ਦੱਸਿਆ ਕਿ ਦਰਭੰਗਾ ਏਅਰਪੋਰਟ 'ਤੇ 92 ਕਰੋੜ ਰੁਪਏ ਦੀ ਲਾਗਤ ਨਾਲ ਸਿਵਲ ਐਨਕਲੇਵ ਦਾ ਨਿਰਮਾਣ ਕੀਤਾ ਜਾ ਰਿਹਾ ਹੈ। ਇੱਕ ਅਜਿਹੀ ਬਿਲਡਿੰਗ ਦਾ ਨਿਰਮਾਣ ਕੀਤਾ ਜਾ ਰਿਹਾ ਹੈ ਜਿੱਥੇ ਕਾਰ ਪਾਰਕਿੰਗ ਦੀ ਵਿਵਸਥਾ ਹੋਵੇਗੀ।

ਭਾਰਤੀ ਹਵਾਈ ਫੌਜ ਨਾਲ ਸਬੰਧਿਤ ਦਰਭੰਗਾ ਏਅਰਪੋਰਟ 'ਤੇ 9000 ਫੁੱਟ ਦਾ ਰਨਵੇ ਹੈ। ਉਡਾਣ ਯੋਜਨਾ ਦੇ ਤਹਿਤ ਸਪਾਈਸਜੈੱਟ ਦੇ ਜਹਾਜ਼ ਇੱਥੋਂ ਉਡਾਣ ਭਰਨਗੇ। ਸਪਾਈਸਜੈੱਟ ਦੇ ਜਹਾਜ਼ ਦਿੱਲੀ ਤੋਂ ਦਰਭੰਗਾ ਵਿਚਾਲੇ ਉਡਾਣ ਭਰਨਗੇ।