ਸ਼ਹਿਰਾਂ ਦੀ ਆਬੋ-ਹਵਾ ਹੋਵੇਗੀ ਸਾਫ਼ ! ''ਮੋਬਾਈਲ ਲਿਕੁਇਡ ਟ੍ਰੀ'' ਪ੍ਰਦੂਸ਼ਣ ਦਾ ਕਰੇਗਾ ਖ਼ਾਤਮਾ

ਧਨਬਾਦ (ਏਜੰਸੀ)- ਸ਼ਹਿਰੀ ਇਲਾਕਿਆਂ ਦੀ ਹਵਾ ਸਾਫ਼ ਕਰਨ ਲਈ ਖੋਜਕਰਤਾਵਾਂ ਨੇ ਭਾਰਤ ਦਾ ਪਹਿਲਾ ਮੋਬਾਈਲ ‘ਸਮਾਰਟ ਐਲਗਲ ਲਿਕਵਿਡ ਟ੍ਰੀ’ (ਐੱਸ. ਏ. ਐੱਲ. ਟੀ.) ਤਿਆਰ ਕਰਨ ਦਾ ਦਾਅਵਾ ਕੀਤਾ ਹੈ। ਇਹ ਇਕ ਛੋਟਾ ਹਵਾ-ਸੋਧਕ ਸਿਸਟਮ ਹੈ, ਜੋ ਕਾਰਬਨ ਡਾਈਆਕਸਾਈਡ ਨੂੰ ਸੋਖਣ ਅਤੇ ਆਕਸੀਜਨ ਛੱਡਣ ਲਈ ਸੂਖਮ ਐਲਗੀ ਦੀ ਵਰਤੋਂ ਕਰਦਾ ਹੈ। ਇਹ ਉਨ੍ਹਾਂ ਪ੍ਰਦੂਸ਼ਿਤ ਸ਼ਹਿਰੀ ਖੇਤਰਾਂ ਲਈ ਇਕ ਵਿਵਹਾਰਕ ਹੱਲ ਪ੍ਰਦਾਨ ਕਰਦਾ ਹੈ, ਜਿੱਥੇ ਰਵਾਇਤੀ ਰੁੱਖ ਲਗਾਉਣਾ ਮੁਸ਼ਕਲ ਹੁੰਦਾ ਹੈ।

ਅਸਲੀ ਰੁੱਖ ਤੋਂ ਵੱਖਰਾ, ਇਹ ਉਪਕਰਣ ਇਕ ਬੰਦ ਯੂਨਿਟ ਦੇ ਅੰਦਰ ਪਾਣੀ ਵਿਚ ਸੂਖਮ ਐਲਗੀ ਨੂੰ ਰੱਖਦਾ ਹੈ। ਵਿਗਿਆਨੀਆਂ ਅਨੁਸਾਰ, ਪ੍ਰਕਾਸ਼ ਸੰਸ਼ਲੇਸ਼ਣ ਦੀ ਪ੍ਰਕਿਰਿਆ ਰਾਹੀਂ ਇਹ ਐਲਗੀ ਆਲੇ-ਦੁਆਲੇ ਦੀ ਹਵਾ ਵਿਚੋਂ ਲਗਾਤਾਰ ਕਾਰਬਨ ਡਾਈਆਕਸਾਈਡ ਨੂੰ ਸੋਖਦੀ ਹੈ ਅਤੇ ਆਕਸੀਜਨ ਛੱਡਦੀ ਹੈ, ਜਿਸ ਨਾਲ ਹਵਾ ਦੀ ਗੁਣਵੱਤਾ ਬਿਹਤਰ ਹੁੰਦੀ ਹੈ।

ਇਸ ਪ੍ਰਾਜੈਕਟ ਦੀ ਅਗਵਾਈ ਕਰਨ ਵਾਲੀ ਸੀ.ਆਈ.ਐੱਮ.ਐੱਫ.ਆਰ. ਦੀ ਸੀਨੀਅਰ ਪ੍ਰਿੰਸੀਪਲ ਸਾਇੰਟਿਸਟ ਵੇਤਰੀਵੇਲ ਐਂਗੁਸੇਲਵੀ ਨੇ ਦੱਸਿਆ ਕਿ ਇਸ ਕਾਢ ਦਾ ਮੁੱਖ ਮਕਸਦ ਸੰਘਣੀ ਆਬਾਦੀ ਵਾਲੇ ਅਤੇ ਘੱਟ ਜਗ੍ਹਾ ਵਾਲੇ ਉਨ੍ਹਾਂ ਸ਼ਹਿਰੀ ਖੇਤਰਾਂ ਵਿਚ ਖ਼ਰਾਬ ਹਵਾ ਦੀ ਗੁਣਵੱਤਾ ਨਾਲ ਨਜਿੱਠਣਾ ਹੈ, ਜਿੱਥੇ ਵੱਡੇ ਰੁੱਖ ਲਗਾਉਣ ਲਈ ਬਹੁਤ ਘੱਟ ਜਾਂ ਬਿਲਕੁਲ ਜਗ੍ਹਾ ਨਹੀਂ ਹੁੰਦੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e