ਚੰਦਰਮਾ ''ਤੇ ਆਇਆ ਭੂਚਾਲ?, ਚੰਦਰਯਾਨ-3 ''ਚ ਕੈਦ ਹੋਈ ਘਟਨਾ, ISRO ਨੇ ਕੀਤਾ ਵੱਡਾ ਖੁਲਾਸਾ

ਨੈਸ਼ਨਲ ਡੈਸਕ : ਚੰਦਰਮਾ ਦੀ ਸਤ੍ਹਾ 'ਤੇ ਪ੍ਰਗਿਆਨ ਰੋਵਰ ਦਾ 'ਸਰਚ ਆਪ੍ਰੇਸ਼ਨ' ਜਾਰੀ ਹੈ। ਰੋਵਰ ਚੰਦਰਮਾ 'ਤੇ ਮੌਜੂਦ ਤੱਤਾਂ ਅਤੇ ਇਸ ਦੀਆਂ ਗਤੀਵਿਧੀਆਂ ਬਾਰੇ ਹਰ ਰੋਜ਼ ਨਵੇਂ ਖੁਲਾਸੇ ਕਰ ਰਿਹਾ ਹੈ। ਇਸਰੋ ਨੇ ਵੀਰਵਾਰ ਨੂੰ ਇਕ ਵੱਡਾ ਅਪਡੇਟ ਦਿੱਤਾ ਹੈ। ਇਸਰੋ ਨੇ ਕਿਹਾ, "ਚੰਦਰਯਾਨ-3 ਲੈਂਡਰ 'ਤੇ ਰੰਭਾ-ਐਲਪੀ ਪੇਲੋਡ ਦੁਆਰਾ ਦੱਖਣੀ ਧਰੁਵ ਖੇਤਰ 'ਤੇ ਸਤ੍ਹਾ ਚੰਦਰ ਪਲਾਜ਼ਮਾ ਵਾਤਾਵਰਣ ਦਰਸਾਉਂਦਾ ਹੈ ਕਿ ਉੱਥੇ ਪਲਾਜ਼ਮਾ ਮੁਕਾਬਲਤਨ ਘੱਟ ਹੈ। ਇਸ ਦੌਰਾਨ ਚੰਦਰਯਾਨ-3 ਲੈਂਡਰ 'ਤੇ ਚੰਦਰਮਾ ਦੀ ਭੂਚਾਲ ਦੀ ਗਤੀਵਿਧੀ ਦਾ ਅਧਿਐਨ ਕਰਨ ਲਈ ਆਈਐੱਲਐੱਸਏ ਪੇਲੋਡ ਨੇ ਨਾ ਸਿਰਫ ਰੋਵਰ ਅਤੇ ਹੋਰ ਪੇਲੋਡ ਦੀਆਂ ਹਰਕਤਾਂ ਨੂੰ ਰਿਕਾਰਡ ਕੀਤਾ ਹੈ, ਬਲਕਿ 26 ਅਗਸਤ ਦੀ ਇਕ ਘਟਨਾ ਵੀ ਦਰਜ ਕੀਤੀ ਹੈ, ਜੋ ਕੁਦਰਤੀ ਜਾਪਦੀ ਹੈ। ਇਸਰੋ ਨੇ ਕਿਹਾ, ''ਘਟਨਾ ਦੇ ਸਰੋਤ ਦੀ ਜਾਂਚ ਕੀਤੀ ਜਾ ਰਹੀ ਹੈ।"

ਇਹ ਵੀ ਪੜ੍ਹੋ : ਰੈਸਟੋਰੈਂਟ ਦਾ ਅਨੋਖਾ ਕਾਰਨਾਮਾ, ਬਿੱਲ 'ਤੇ ਲਿਖੀ 'ਗਾਲ੍ਹ', ਬਦਲੇ 'ਚ ਗਾਹਕ ਤੋਂ ਵਸੂਲ ਲਏ 1200 ਰੁਪਏ

ਇਸਰੋ ਨੇ ਸੋਸ਼ਲ ਮੀਡੀਆ ਪੋਸਟ ਐਕਸ 'ਤੇ ਕਿਹਾ, "ਚੰਦਰਮਾ ਨਾਲ ਜੁੜੇ ਅਤਿ-ਸੰਵੇਦਨਸ਼ੀਲ ਆਇਨੋਸਫੀਅਰ ਅਤੇ ਵਾਯੂਮੰਡਲ ਦੀ ਰੇਡੀਓ ਐਨਾਟੋਮੀ ਚੰਦਰਯਾਨ-3 ਲੈਂਡਰ 'ਤੇ ਲੈਂਗਮੁਇਰ ਪ੍ਰੋਬ (ਰੰਭਾ-ਐਲਪੀ) ਪੇਲੋਡ ਨੇ ਦੱਖਣੀ ਧਰੁਵੀ ਖੇਤਰ ਵਿੱਚ ਚੰਦਰਮਾ ਦੇ ਪਲਾਜ਼ਮਾ ਵਾਯੂਮੰਡਲ ਦੇ ਨਜ਼ਦੀਕੀ ਸਤ੍ਹਾ ਦਾ ਪਹਿਲਾ ਮਾਪ ਕੀਤਾ ਹੈ। ਸ਼ੁਰੂਆਤੀ ਮੁਲਾਂਕਣ ਦਰਸਾਉਂਦੇ ਹਨ ਕਿ ਚੰਦਰਮਾ ਦੀ ਸਤ੍ਹਾ ਦੇ ਨੇੜੇ ਪਲਾਜ਼ਮਾ ਮੁਕਾਬਲਤਨ ਘੱਟ ਹੈ। ਇਹ ਮਾਤਰਾਤਮਕ ਮਾਪ ਸੰਭਾਵਿਤ ਤੌਰ 'ਤੇ ਚੰਦਰ ਪਲਾਜ਼ਮਾ ਦੁਆਰਾ ਰੇਡੀਓ ਤਰੰਗ ਸੰਚਾਰ ਵਿੱਚ ਆਉਣ ਵਾਲੇ ਰੌਲੇ ਨੂੰ ਘੱਟ ਕਰਨ ਵਿੱਚ ਮਦਦ ਕਰਦਾ ਹੈ। ਇਸ ਤੋਂ ਇਲਾਵਾ ਉਹ ਆਉਣ ਵਾਲੇ ਚੰਦਰ ਯਾਤਰੀਆਂ ਲਈ ਉੱਨਤ ਡਿਜ਼ਾਈਨ ਵਿੱਚ ਵੀ ਯੋਗਦਾਨ ਪਾ ਸਕਦੇ ਹਨ।"

ਵਿਕਰਮ ਲੈਂਡਰ ਅਤੇ ਪ੍ਰਗਿਆਨ ਰੋਵਰ 'ਚ ਲੱਗੀ ਹੋੜ

ਇੰਝ ਜਾਪਦਾ ਹੈ ਜਿਵੇਂ ਲੈਂਡਰ ਵਿਕਰਮ ਅਤੇ ਰੋਵਰ ਪ੍ਰਗਿਆਨ 'ਚ ਇਕ ਦੂਜੇ ਦੇ 'ਸੱਚ' ਨੂੰ ਧਰਤੀ 'ਤੇ ਭੇਜਣ ਦਾ ਹੋੜ ਜਿਹੀ ਲੱਗ ਗਈ ਹੈ। ਬੁੱਧਵਾਰ ਨੂੰ ਪ੍ਰਗਿਆਨ ਨੇ ਵਿਕਰਮ ਦੀ ਤਸਵੀਰ ਭੇਜੀ ਸੀ ਅਤੇ ਵੀਰਵਾਰ ਨੂੰ ਵਿਕਰਮ ਨੇ ਪ੍ਰਗਿਆਨ ਦੀ ਇਕ ਮਜ਼ੇਦਾਰ ਵੀਡੀਓ ਭੇਜੀ। ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਨੇ ਵੀਰਵਾਰ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' 'ਤੇ ਇਕ ਵੀਡੀਓ ਜਾਰੀ ਕੀਤਾ ਅਤੇ ਕਿਹਾ ਕਿ ਇਸ ਵੀਡੀਓ 'ਚ ਰੋਵਰ ਸੁਰੱਖਿਅਤ ਰਸਤੇ ਦੀ ਭਾਲ ਵਿੱਚ 360 ਡਿਗਰੀ ਘੁੰਮ ਰਿਹਾ ਹੈ। ਇਸਰੋ ਨੇ ਕਿਹਾ, “ਲੈਂਡਰ ਵਿਕਰਮ ਨੇ ਰੋਵਰ ਪ੍ਰਗਿਆਨ ਨੂੰ ਸੁਰੱਖਿਅਤ ਰਸਤੇ ਵੱਲ ਵਧਣ ਦਾ ਵੀਡੀਓ ਰਿਕਾਰਡ ਕੀਤਾ ਹੈ।

ਇਹ ਵੀ ਪੜ੍ਹੋ : ਆਖਿਰ ਕਿਉਂ ਲਿਆ ਗਿਆ ਪੰਚਾਇਤਾਂ ਭੰਗ ਕਰਨ ਦਾ ਫ਼ੈਸਲਾ, ਮੰਤਰੀ ਲਾਲਜੀਤ ਭੁੱਲਰ ਨੇ ਦੱਸੀ ਵਜ੍ਹਾ

Chandrayaan-3 Mission:
In-situ Scientific Experiments

Radio Anatomy of Moon Bound Hypersensitive Ionosphere and Atmosphere - Langmuir Probe (RAMBHA-LP) payload onboard Chandrayaan-3 Lander has made first-ever measurements of the near-surface Lunar plasma environment over the… pic.twitter.com/n8ifIEr83h

— ISRO (@isro) August 31, 2023

ਰੋਵਰ ਤੇ ਪੇਲੋਡ 'ਚ ਰਿਕਾਰਡ ਕੀਤੀ ਵਾਈਬ੍ਰੇਸ਼ਨ

ਇਸਰੋ ਨੇ ਆਪਣੀ ਸੋਸ਼ਲ ਮੀਡੀਆ ਪੋਸਟ 'ਚ ਕਿਹਾ, 'ਚੰਨ 'ਤੇ ਭੂਚਾਲ ਦੀ ਗਤੀਵਿਧੀ ਦਾ ਪਤਾ ਲਗਾਉਣ ਲਈ ਭੇਜੇ ਗਏ ਪਹਿਲੇ ਮਾਈਕ੍ਰੋ ਇਲੈਕਟ੍ਰੋ ਮਕੈਨੀਕਲ ਸਿਸਟਮ (MEMS) ਆਧਾਰਿਤ ਉਪਕਰਨ ਇੰਸਟਰੂਮੈਂਟ ਫਾਰ ਲੂਨਰ ਸਿਸਮਿਕ ਐਕਟੀਵਿਟੀ (ILSA) ਪੇਲੋਡ ਨੇ ਚੰਦਰਮਾ ਦੀ ਸਤ੍ਹਾ 'ਤੇ ਰੋਵਰ ਅਤੇ ਦੂਸਰੇ ਪੇਲੋਡ 'ਚ ਵਾਈਬ੍ਰੇਸ਼ਨ ਰਿਕਾਰਡ ਕੀਤੀ ਹੈ।

Chandrayaan-3 Mission:
The rover was rotated in search of a safe route. The rotation was captured by a Lander Imager Camera.

It feels as though a child is playfully frolicking in the yards of Chandamama, while the mother watches affectionately.
Isn't it?🙂 pic.twitter.com/w5FwFZzDMp

— ISRO (@isro) August 31, 2023

ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।

ਜਗ ਬਾਣੀ ਈ-ਪੇਪਰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

 For IOS:- https://itunes.apple.com/in/app/id538323711?mt=8