ਮਦਰਾਸ HC ’ਤੇ 30 ਸਤੰਬਰ ਨੂੰ ਹਮਲੇ ਦੀ ਧਮਕੀ, ਰਜਿਸਟਰਾਰ ਜਨਰਲ ਨੂੰ ਮਿਲਿਆ ਪੱਤਰ

ਚੇਨਈ – ਮਦਰਾਸ ਹਾਈ ਕੋਰਟ ਦੇ ਰਜਿਸਟਰਾਰ ਜਨਰਲ ਨੂੰ ਇਕ ਪੱਤਰ ਮਿਲਿਆ ਹੈ। ਪੱਤਰ ’ਚ ਇਕ ਸ਼ਖਸ ਨੇ ਅੰਤਰਰਾਸ਼ਟਰੀ ਖਾਲਿਸਤਾਨ ਸਮਰਥਨ ਸਮੂਹ ਦਾ ਮੈਂਬਰ ਹੋਣ ਦਾ ਦਾਅਵਾ ਕੀਤਾ ਹੈ। ਉਸ ਨੇ ਧਮਕੀ ਦਿੱਤੀ ਕਿ ਉਹ ਅਤੇ ਉਸ ਦਾ ਬੇਟਾ 30 ਸਤੰਬਰ ਨੂੰ ਹਾਈ ਕੋਰਟ ਦੀ ਇਮਾਰਤ ਦੇ ਅੰਦਰ ਬੰਬ ਧਮਾਕਾ ਕਰਨਗੇ। ਇਸ ਪੱਤਰ ਨੂੰ ਪੁਲਸ ਨੂੰ ਸੌਂਪ ਦਿੱਤਾ ਗਿਆ ਹੈ।

Tamil Nadu: Registrar General Madras High Court has received a letter from a man claiming to be a member of "International Khalistan Support Group". He threatens that his son & he will do multiple bomb blasts inside high court buildings on 30 Sept. Letter has been given to police

— ANI (@ANI) September 16, 2019

ਦੱਸ ਦਈਏ ਕਿ ਬੀਤੇ ਮਹੀਨੇ ਅਗਸਤ ਦੇ ਆਖਰੀ ਹਫਤੇ ’ਚ ਫੌਜ ਨੂੰ ਖੁਫੀਆ ਜਾਣਕਾਰੀ ਮਿਲੀ ਸੀ ਕਿ ਤਾਮਿਲਨਾਡੂ ’ਚ ਲਸ਼ਕਰ-ਏ-ਤੋਇਬਾ ਦੇ 6 ਅੱਤਵਾਦੀ ਵੜ੍ਹੇ ਹਨ। ਸੁਰੱਖਿਆ ਏਜੰਸੀਆਂ ਨੂੰ ਅਲਰਟ ਜਾਰੀ ਕਰਦੇ ਹੋਏ ਕਿਹਾ ਸੀ ਕਿ ਸ਼੍ਰੀਲੰਕਾ ਦੇ ਰਾਸਤੇ ਸਾਰੇ ਅੱਤਵਾਦੀ ਵੜ੍ਹੇ ਹਨ। ਇਨ੍ਹਾਂ ਅੱਤਵਾਦੀਆਂ ’ਚ ਇਕ ਪਾਕਿਸਤਾਨੀ ਨਾਗਰਿਕ ਤੇ 5 ਸ਼੍ਰੀਲੰਕਾਈ ਤਮਿਲ ਹਨ। ਇਸ ਅਲਰਟ ਤੋਂ ਬਾਅਦ ਚੇਨਈ ਸਣੇ ਕਈ ਥਾਵਾਂ ਦੀ ਸੁਰੱਖਿਆ ਵਧਾ ਦਿੱਤੀ ਗਈ ਸੀ।