ਬਿਮਸਟੇਕ ਸੰਮੇਲਨ ਦੀ ਸਮਾਪਤੀ, ਸ਼੍ਰੀਲੰਕਾ ਨੂੰ ਦਿੱਤੀ ਗਈ ਪ੍ਰਧਾਨਗੀ

ਕਾਠਮੰਡੂ/ਨਵੀਂ ਦਿੱਲੀ (ਭਾਸ਼ਾ)— ਨੇਪਾਲ ਦੀ ਰਾਜਧਾਨੀ ਕਾਠਮੰਡੂ ਵਿਚ ਚੌਥਾ 2 ਦਿਨੀਂ ਬਿਮਸਟੇਕ ਸੰਮੇਲਨ ਸ਼ੁੱਕਰਵਾਰ ਨੂੰ ਖਤਮ ਹੋ ਗਿਆ। ਨੇਪਾਲ ਦੇ ਪ੍ਰਧਾਨ ਮੰਤਰੀ ਕੇ.ਪੀ. ਸ਼ਰਮਾ ਓਲੀ ਵੱਲੋਂ ਬਿਮਸਟੇਕ ਦੀ ਪ੍ਰਧਾਨਗੀ ਸ਼੍ਰੀਲੰਕਾ ਦੇ ਰਾਸ਼ਟਰਪਤੀ ਮੈਤਰੀਪਾਲਾ ਸਿਰੀਸੈਨਾ ਨੂੰ ਸੌਂਪੇ ਜਾਣ ਦੇ ਨਾਲ ਹੀ ਸੰਗਠਨ ਦਾ ਚੌਥਾ ਸਿਖਰ ਸੰਮੇਲਨ ਖਤਮ ਹੋਇਆ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਬਿਮਸਟੇਕ ਦੇ ਹੋਰ ਮੈਂਬਰ ਦੇਸ਼ਾਂ ਦੇ ਸੀਨੀਅਰ ਨੇਤਾਵਾਂ ਨੇ ਇਸ ਦੋ ਦਿਨੀਂ ਸਿਖਰ ਸੰਮੇਲਨ ਵਿਚ ਹਿੱਸਾ ਲਿਆ। ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਰਵੀਸ਼ ਕੁਮਾਰ ਨੇ ਟਵੀਟ ਕੀਤਾ,''ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਹੋਰ ਨੇਤਾਵਾਂ ਦੀ ਬਿਮਸਟੇਕ ਪ੍ਰਕਿਰਿਆ ਨੂੰ ਮੁੜ ਸੁਰਜੀਤ ਕਰਨ ਦੀ ਵਚਨਬੱਧਤਾ ਦੇ ਨਾਲ ਹੀ ਇਹ ਸਿਖਰ ਸੰਮੇਲਨ ਸਫਲਤਾਪੂਰਵਕ ਖਤਮ ਹੋ ਗਿਆ।''  

With a commitment by PM @narendramodi and other leaders to reinvigorate the BIMSTEC process, the #BIMSTECSummit in Kathmandu came to a successful close. pic.twitter.com/d0vBvVVh3k

— Raveesh Kumar (@MEAIndia) August 31, 2018

ਬਿਮਸਟੇਕ ਦੇ ਮੌਜੂਦਾ ਪ੍ਰਧਾਨ ਨੇ ਕੇ.ਪੀ. ਸ਼ਰਮਾ ਓਲੀ ਨੇ ਕਾਠਮੰਡੂ ਘੋਸ਼ਣਾਪੱਤਰ ਦਾ ਡਰਾਫਟ ਪੇਸ਼ ਕੀਤਾ, ਜਿਸ ਨੂੰ ਸਾਰੇ ਮੈਂਬਰ ਦੇਸਾਂ ਨੇ ਸਰਬਸੰਮਤੀ ਨਾਲ ਸਵੀਕਾਰ ਕਰ ਲਿਆ। ਖਤਮ ਸੈਸ਼ਨ ਨੂੰ ਸੰਬੋਧਿਤ ਕਰਦਿਆਂ ਓਲੀ ਨੇ ਕਿਹਾ ਕਿ ਸ਼ਾਂਤੀਪੂਰਨ, ਖੁਸ਼ਹਾਲ ਅਤੇ ਸਥਿਰ ਬੰਗਾਲ ਦੀ ਖਾੜੀ ਖੇਤਰ ਦੇ ਟੀਚੇ ਨੂੰ ਲੈ ਕੇ ਕਾਠਮੰਡੂ ਦੇ ਘੋਸ਼ਣਾਪੱਤਰ ਵਿਚ ਸਾਂਝੀ ਸਿਆਣਪ, ਸੋਚ ਅਤੇ ਦ੍ਰਿਸ਼ਟੀ ਨਜ਼ਰ ਆਉਂਦੀ ਹੈ। ਬਿਮਸਟੇਕ ਦੇ ਮੈਂਬਰ ਦੇਸ਼ਾਂ ਵਿਚ ਊਰਜਾ ਸਹਿਯੋਗ ਵਧਾਉਣ ਲਈ ਬਿਮਸਟੇਕ ਗ੍ਰਿਡ ਇੰਟਰਕੁਨੈਕਸ਼ਨ ਦੀ ਸਥਾਪਨਾ ਲਈ ਸਹਿਮਤੀ ਪੱਤਰ 'ਤੇ ਵੀ ਦਸਤਖਤ ਕੀਤਾ ਗਿਆ।

BIMSTEC family! PM @narendramodi and MoS @Gen_VKSingh among other dignitaries at the Closing ceremony group photograph. Leaders welcomed Sri Lanka as the new Chair of BIMSTEC. 4th BIMSTEC Summit Declaration available at https://t.co/pCSNkzYum5 pic.twitter.com/km685Aw3Bt

— Raveesh Kumar (@MEAIndia) August 31, 2018

ਓਲੀ ਨੇ ਸ਼੍ਰੀਲੰਕਾ ਨੂੰ ਬਿਮਸਟੇਕ ਦਾ ਨਵਾਂ ਮੇਜ਼ਬਾਨ ਦੇਸ਼ ਬਣਾਉਣ 'ਤੇ ਵਧਾਈ ਦੇਣ ਦੇ ਨਾਲ-ਨਾਲ ਇਸ ਸਿਖਰ ਸੰਮੇਲਨ ਨੂੰ ਸਫਲ ਬਣਾਉਣ ਲਈ ਮੈਂਬਰ ਦੇਸ਼ਾਂ ਦੇ ਸਾਸ਼ਨ ਪ੍ਰਮੁੱਖਾਂ ਨੂੰ ਵਧਾਈ ਦਿੱਤੀ। ਨੇਪਾਲ ਦੇ ਪ੍ਰਧਾਨ ਮੰਤਰੀ ਕੇ.ਪੀ. ਸ਼ਰਮਾ ਓਲੀ ਨੇ ਟਵੀਟ ਕਰ ਕੇ ਕਿਹਾ,''ਇਸ ਖੇਤਰ ਵਿਚ ਸ਼ਾਂਤੀ ਬਣਾਈ ਰੱਖਣ, ਖੁਸ਼ਹਾਲੀ ਅਤੇ ਸਥਾਈ ਵਿਕਾਸ ਦੀ ਧਾਰਨਾ ਅਤੇ ਸਮੂਹਕ ਸੋਚ ਅਰਥਪੂਰਣ ਢੰਗ ਨਾਲ ਚੌਥੇ ਬਿਮਸਟੇਕ ਸੰਮੇਲਨ ਘੋਸ਼ਣਾਪੱਤਰ ਵਿਚ ਦਰਸਾਈ ਗਈ ਹੈ।'' 

#BIMSTEC was an outcome of a thoughtful decision to promote regional cooperation & collaboration for common benefit & this summit has reinforced its raison d'e^tre. pic.twitter.com/mGi3VnQMmx

— K P Sharma Oli (@kpsharmaoli) August 31, 2018

ਜ਼ਿਕਰਯੋਗ ਹੈ ਕਿ ਬਿਮਸਟੇਕ ਖੇਤਰੀ ਦੇਸ਼ਾਂ ਦਾ ਸਮੂਹ ਹੈ ਜਿਸ ਵਿਚ ਭਾਰਤ, ਸ਼੍ਰੀਲੰਕਾ, ਬੰਗਲਾਦੇਸ਼, ਮਿਆਂਮਾਰ, ਥਾਈਲੈਂਡ, ਭੂਟਾਨ ਅਤੇ ਨੇਪਾਲ ਇਸ ਦੇ ਮੈਂਬਰ ਦੇਸ਼ ਹਨ।