ਵੱਡੀ ਖ਼ਬਰ : ਦੇਸ਼ ਨੂੰ ਮਿਲਣਗੇ 100 ਨਵੇਂ ਏਅਰਪੋਰਟ, ਕੇਂਦਰ ਸਰਕਾਰ ਨੇ ਕੀਤਾ ਐਲਾਨ

ਨੈਸ਼ਨਲ ਡੈਸਕ : ਕੇਂਦਰੀ ਕੈਬਨਿਟ ਦੀ ਬੈਠਕ ਵਿੱਚ ਅੱਜ ਹਵਾਬਾਜ਼ੀ ਖੇਤਰ ਨੂੰ ਲੈ ਕੇ ਕਈ ਇਤਿਹਾਸਕ ਫੈਸਲੇ ਲਏ ਗਏ ਹਨ। ਸਰਕਾਰ ਨੇ ਦੇਸ਼ ਭਰ ਵਿੱਚ 100 ਨਵੇਂ ਹਵਾਈ ਅੱਡਿਆਂ ਦੇ ਨਿਰਮਾਣ ਨੂੰ ਹਰੀ ਝੰਡੀ ਦੇ ਦਿੱਤੀ ਹੈ। ਇਸ ਦੇ ਨਾਲ ਹੀ 'ਉਡਾਨ 2.0' ਯੋਜਨਾ ਨੂੰ ਵੀ ਮਨਜ਼ੂਰੀ ਦਿੱਤੀ ਗਈ ਹੈ, ਜਿਸ ਨਾਲ ਆਮ ਲੋਕਾਂ ਲਈ ਹਵਾਈ ਸਫ਼ਰ ਹੋਰ ਵੀ ਸੁਖਾਲਾ ਹੋ ਜਾਵੇਗਾ।

ਕੇਂਦਰੀ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉਡਾਨ ਯੋਜਨਾ ਲਈ 28,840 ਕਰੋੜ ਰੁਪਏ ਦਾ ਬਜਟ ਰੱਖਿਆ ਗਿਆ ਹੈ। ਜੇਕਰ 100 ਨਵੇਂ ਹਵਾਈ ਅੱਡਿਆਂ ਦੀ ਗੱਲ ਕਰੀਏ, ਤਾਂ ਪ੍ਰਤੀ ਏਅਰਪੋਰਟ ਔਸਤਨ 100 ਕਰੋੜ ਰੁਪਏ ਦਾ ਖਰਚਾ ਆਵੇਗਾ। ਸਰਕਾਰ ਵੱਲੋਂ ਇਸ ਲਈ 12,159 ਕਰੋੜ ਰੁਪਏ ਦੀ ਬਜਟ ਸਹਾਇਤਾ ਦਿੱਤੀ ਗਈ ਹੈ ਅਤੇ ਇਨ੍ਹਾਂ ਦਾ ਵਿਕਾਸ 'ਚੈਲੇਂਜ ਮੋਡ' ਵਿੱਚ ਕੀਤਾ ਜਾਵੇਗਾ।

#WATCH | Delhi: Union Minister Ashwini Vaishnaw says, "Three major decisions have been taken in the cabinet meeting today. First, the Union Cabinet approved the continuation of the Immigration, Visa, Foreigners Registration & Tracking (IVFRT) Scheme beyond 31 March, 2026 for a… pic.twitter.com/4ZVM8ZmtnS

— ANI (@ANI) March 25, 2026

200 ਨਵੇਂ ਹੈਲੀਪੈਡਾਂ ਨਾਲ ਜੁੜਨਗੇ ਪਹਾੜੀ ਇਲਾਕੇ 
ਸਰਕਾਰ ਨੇ ਪਹਾੜੀ ਖੇਤਰਾਂ, ਪੂਰਬੀ-ਉੱਤਰੀ ਰਾਜਾਂ ਅਤੇ ਟਾਪੂਆਂ 'ਤੇ ਸੰਪਰਕ ਵਧਾਉਣ ਲਈ 200 ਨਵੇਂ ਅਤੇ ਆਧੁਨਿਕ ਹੈਲੀਪੈਡ ਬਣਾਉਣ ਦਾ ਵੀ ਫੈਸਲਾ ਕੀਤਾ ਹੈ। ਜਿੱਥੇ ਸੜਕਾਂ ਬਣਾਉਣਾ ਮੁਸ਼ਕਲ ਹੈ, ਉੱਥੇ ਹੈਲੀਕਾਪਟਰਾਂ ਨੂੰ ਆਵਾਜਾਈ ਦਾ ਮੁੱਖ ਜ਼ਰੀਆ ਬਣਾਇਆ ਜਾਵੇਗਾ। ਇਸ ਪ੍ਰੋਜੈਕਟ ਲਈ 3,661 ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ।

'ਮੇਕ ਇਨ ਇੰਡੀਆ' ਨੂੰ ਹੁਲਾਰਾ ਅਤੇ ਡਿਜੀਟਲ ਸਹੂਲਤਾਂ 
ਇਸ ਬੈਠਕ ਵਿੱਚ ਭਾਰਤ ਵਿੱਚ ਬਣੇ ਜਹਾਜ਼ਾਂ ਨੂੰ ਉਤਸ਼ਾਹਿਤ ਕਰਨ ਲਈ 400 ਕਰੋੜ ਰੁਪਏ ਦਾ ਬਜਟ ਰੱਖਿਆ ਗਿਆ ਹੈ ਤਾਂ ਜੋ ਨਵੇਂ ਜਹਾਜ਼ ਖਰੀਦੇ ਜਾ ਸਕਣ। ਯਾਤਰਾ ਨੂੰ ਹੋਰ ਆਸਾਨ ਬਣਾਉਣ ਲਈ IVFRT ਡਿਜੀਟਲ ਪ੍ਰਕਿਰਿਆ ਵਿੱਚ 32 ਨਵੇਂ ਸੁਧਾਰ ਜੋੜੇ ਗਏ ਹਨ, ਜੋ 'ਈਜ਼ ਆਫ ਟ੍ਰੈਵਲ' (Ease of Travel) ਨੂੰ ਯਕੀਨੀ ਬਣਾਉਣਗੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e