ਭੋਲੇ ਬਾਬਾ ਦੇ ਦਰਸ਼ਨ ਕਰ ਦੇਸ਼ ''ਚ ਸ਼ਾਂਤੀ ਬਹਾਲੀ ਦੀ ਪ੍ਰਾਰਥਨਾ ਕਰਾਗਾਂ: ਰਾਜਪਾਲ

ਉਧਮਪੁਰ— ਬਾਬਾ ਬਰਫਾਨੀ ਦੇ ਦਰਸ਼ਨਾਂ ਨੂੰ ਜਾ ਰਹੇ ਰਾਜਸਥਾਨ ਛਾਵੜਾ ਦੇ ਵਾਸੀ ਸ਼ਰਧਾਲੂ ਰਾਜਪਾਲ ਸ਼ਨੀਵਾਰ ਨੂੰ ਉਧਮਪੁਰ ਪੁੱਜੇ, ਜਿੱਥੇ ਉਨ੍ਹਾਂ ਨੇ ਕੁਝ ਦੇਰ ਆਰਾਮ ਕੀਤਾ ਅਤੇ ਫਿਰ ਅਗਲੇ ਪੜਾਅ ਲਈ ਰਵਾਨਾ ਹੋ ਗਏ। ਇਸ ਤੋਂ ਪਹਿਲੇ ਰਾਜਪਾਲ ਨੇ ਦੱਸਿਆ ਕਿ ਉਨ੍ਹਾਂ ਨੇ ਸ਼੍ਰੀ ਅਮਰਨਾਥ ਪਵਿੱਤਰ ਗੁਫਾ ਤੱਕ ਪੈਦਲ ਹੀ ਪੁੱਜਣ ਦਾ ਨਿਸ਼ਚਾ ਕੀਤਾ ਹੈ। ਲਗਭਗ ਡੇਢ ਮਹੀਨੇ ਪਹਿਲੇ ਉਹ ਬਾਬਾ ਬਰਫਾਨੀ ਦੇ ਦਰਸ਼ਨਾਂ ਦੇ ਲਈ ਇੱਕਲੇ ਹੀ ਆਪਣੇ ਘਰ ਤੋਂ ਪੈਦਲ ਨਿਕਲ ਪਏ। ਉਹ ਅਮਰਨਾਥ ਤੱਕ ਪੈਦਲ ਹੀ ਜਾਣਗੇ, ਜਿੱਥੇ ਬਾਬਾ ਬਰਫਾਨੀ ਦੇ ਦਰਸ਼ਨ ਕਰ ਦੇਸ਼ 'ਚ ਸ਼ਾਂਤੀ ਲਈ ਪ੍ਰਾਰਥਨਾ ਕਰਨਗੇ। 

ਇਨ੍ਹਾਂ 45 ਦਿਨਾਂ 'ਚ ਉਹ ਰਾਜਸਥਾਨ ਦੇ ਨਾਲ ਲੱਗਦੇ ਹਰਿਆਣਾ, ਪੰਜਾਬ ਦੇ ਪਿੰਡਾਂ ਤੋਂ ਹੁੰਦੇ ਹੋਏ ਜਾਣਗੇ ਅਤੇ ਉਥੋਂ ਦੀ ਸੰਸਕ੍ਰਿਤੀ, ਰਹਿਣ-ਸਹਿਣ ਨੂੰ ਨਜ਼ਦੀਕ ਤੋਂ ਦੇਖਣ ਦਾ ਮੌਕਾ ਪ੍ਰਾਪਤ ਕਰਨਗੇ। ਉਨ੍ਹਾਂ ਨੇ ਕਿਹਾ ਕਿ ਉਹ ਏਕਤਾ, ਸ਼ਾਂਤੀ ਅਤੇ ਭਾਈਚਾਰੇ ਦਾ ਸੰਦੇਸ਼ ਲੈ ਕੇ ਜਾ ਰਹੇ ਹਨ ਅਤੇ ਭਗਵਾਨ ਸ਼ਿਵ ਤੋਂ ਪ੍ਰਾਰਥਨਾ ਕਰਨਗੇ ਕਿ ਉਹ ਦੇਸ਼ 'ਚ ਸ਼ਾਂਤੀ ਅਤੇ ਭਾਈਚਾਰੇ ਨੂੰ ਬਣਾਏ ਰੱਖਣ।