ਫੋਟੋਕਾਪੀਆਂ ਕਰਵਾਉਣ ਦੁਕਾਨ ਦੇ ਬਾਹਰ ਖੜ੍ਹੇ ਸੀ B.Ed ਦੇ ਉਮੀਦਵਾਰ ! ਅਚਾਨਕ ਟੁੱਟ ਗਈ ਸਲੈਬ ਤੇ ਫ਼ਿਰ...

ਕਾਨਪੁਰ- ਉੱਤਰ ਪ੍ਰਦੇਸ਼ ਦੇ ਕਾਨਪੁਰ 'ਚ ਐਤਵਾਰ ਸਵੇਰੇ ਬੀ.ਐੱਡ ਦੀ ਸਾਂਝੀ ਪ੍ਰਵੇਸ਼ ਪ੍ਰੀਖਿਆ ਦੌਰਾਨ ਇਕ ਦਰਦਨਾਕ ਹਾਦਸਾ ਵਾਪਰ ਗਿਆ। ਮੈਕਰੋਬਰਟਗੰਜ ਸਥਿਤ ਐੱਚ.ਐੱਨ. ਮਿਸ਼ਰਾ ਪੀ.ਜੀ. ਕਾਲਜ ਦੇ ਬਾਹਰ ਸੀਵਰੇਜ ਨਾਲੇ ਨੂੰ ਢੱਕਣ ਵਾਲੀ ਇਕ ਪੁਰਾਣੀ ਕੰਕਰੀਟ ਦੀ ਸਲੈਬ ਅਚਾਨਕ ਧੱਸ ਗਈ, ਜਿਸ ਕਾਰਨ ਉੱਥੇ ਮੌਜੂਦ 20 ਤੋਂ 25 ਪ੍ਰੀਖਿਆਰਥੀ ਗੰਦੇ ਨਾਲੇ ਵਿੱਚ ਜਾ ਡਿੱਗੇ।

ਫੋਟੋਕਾਪੀ ਕਰਵਾਉਣ ਲਈ ਲੱਗੀ ਸੀ ਭੀੜ 

ਜਾਣਕਾਰੀ ਅਨੁਸਾਰ, ਪ੍ਰੀਖਿਆ ਕੇਂਦਰ 'ਚ ਦਾਖਲ ਹੋਣ ਤੋਂ ਪਹਿਲਾਂ ਪ੍ਰੀਖਿਆਰਥੀ ਜ਼ਰੂਰੀ ਦਸਤਾਵੇਜ਼ਾਂ ਦੀ ਫੋਟੋਕਾਪੀ ਕਰਵਾਉਣ ਲਈ ਨੇੜੇ ਦੀ ਇਕ ਦੁਕਾਨ 'ਤੇ ਇਕੱਠੇ ਹੋਏ ਸਨ। ਭੀੜ ਦਾ ਭਾਰ ਨਾ ਸਹਿਣ ਕਰਕੇ ਨਾਲੇ ਦੀ ਖਸਤਾ ਹਾਲ ਸਲੈਬ ਟੁੱਟ ਗਈ। ਇਸ ਹਾਦਸੇ 'ਚ ਚਾਰ ਪ੍ਰੀਖਿਆਰਥੀਆਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ, ਜਦਕਿ ਇਕ ਜ਼ਖਮੀ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ।

ਦਸਤਾਵੇਜ਼ ਅਤੇ ਕੱਪੜੇ ਹੋਏ ਖ਼ਰਾਬ 

ਇਸ ਹਾਦਸੇ ਕਾਰਨ ਕਈ ਪ੍ਰੀਖਿਆਰਥੀਆਂ ਦੇ ਕੱਪੜੇ, ਕਿਤਾਬਾਂ ਅਤੇ ਪ੍ਰਵੇਸ਼ ਪੱਤਰ (Admit Cards) ਸੀਵਰੇਜ ਦੇ ਪਾਣੀ ਨਾਲ ਖ਼ਰਾਬ ਹੋ ਗਏ। ਖੁਸ਼ੀ ਨਾਮ ਦੀ ਇਕ ਪ੍ਰੀਖਿਆਰਥੀ ਨੇ ਦੱਸਿਆ ਕਿ ਅੰਤਿਮ ਸਮੇਂ 'ਤੇ ਆਧਾਰ ਕਾਰਡ ਦੀ ਫੋਟੋਕਾਪੀ ਮੰਗੇ ਜਾਣ ਕਾਰਨ ਦੁਕਾਨ 'ਤੇ ਅਚਾਨਕ ਭੀੜ ਵਧ ਗਈ ਸੀ। ਇਕ ਹੋਰ ਪੀੜਤ ਪ੍ਰੀਖਿਆਰਥੀ ਦੀ ਮਾਂ ਨੇ ਨਗਰ ਨਿਗਮ ਦੀ ਲਾਪਰਵਾਹੀ 'ਤੇ ਗੁੱਸਾ ਜ਼ਾਹਰ ਕਰਦਿਆਂ ਕਿਹਾ ਕਿ ਉਸ ਦੀ ਧੀ ਬਹੁਤ ਘਬਰਾਈ ਹੋਈ ਸੀ। ਪ੍ਰੀਖਿਆਰਥੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੇ ਜਨਤਕ ਬੁਨਿਆਦੀ ਢਾਂਚੇ ਦੀ ਮਾੜੀ ਹਾਲਤ ਨੂੰ ਲੈ ਕੇ ਰੋਸ ਪ੍ਰਦਰਸ਼ਨ ਕੀਤਾ। ਪੁਲਸ ਕਮਿਸ਼ਨਰ ਰਘੁਬੀਰ ਲਾਲ ਨੇ ਦੱਸਿਆ ਕਿ ਜ਼ਖਮੀਆਂ ਦੀ ਮਦਦ ਕੀਤੀ ਗਈ ਹੈ ਅਤੇ ਸਾਰੇ ਪ੍ਰੀਖਿਆਰਥੀ ਆਪਣੇ ਕੇਂਦਰਾਂ 'ਤੇ ਪਹੁੰਚ ਗਏ ਹਨ। ਭਾਰੀ ਸੁਰੱਖਿਆ ਹੇਠ ਸ਼ਹਿਰ ਦੇ 19 ਕੇਂਦਰਾਂ 'ਤੇ ਪ੍ਰੀਖਿਆ ਤੈਅ ਪ੍ਰੋਗਰਾਮ ਅਨੁਸਾਰ ਸੰਪੰਨ ਹੋਈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e