ਵਿਰੋਧੀ ਨੇਤਾਵਾਂ ਦੀ ਹੋ ਸਕਦੀ ਹੈ ਜਾਸੂਸੀ! ਸ਼ਸ਼ੀ ਥਰੂਰ ਸਣੇ 11 ਨੂੰ ਐਪਲ ਨੇ ਦਿੱਤੀ ਹੈਕਿੰਗ ਦੀ ਚਿਤਾਵਨੀ

ਗੈਜੇਟ ਡੈਸਕ- ਵਿਰੋਧੀ ਨੇਤਾਵਾਂ ਨੂੰ ਐਪਲ ਵੱਲੋਂ ਵੱਡੀ ਚਿਤਾਵਨੀ ਮਿਲੀ ਹੈ। 'ਇੰਡੀਆ' ਗਠਜੋੜ ਦੇ ਕਰੀਬ ਚਾਰ ਵਿਰੋਧੀ ਨੇਤਾਵਾਂ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਨੂੰ ਐਪਲ ਵੱਲੋਂ ਰਾਜ-ਪ੍ਰਯੋਜਿਤ ਸਾਈਬਰ ਹਮਲੇ ਦੀ ਚੇਤਾਵਨੀ ਮਿਲੀ ਹੈ। ਦਾਅਵੇ ਮੁਤਾਬਕ, ਇਨ੍ਹਾਂ ਨੇਤਾਵਾਂ ਦੇ ਆਈਫੋਨ ਕਿਸੇ ਵੀ ਸਮੇਂ ਹੈਕ ਹੋ ਸਕਦੇ ਹਨ। 

ਅਸਦੁਦੀਨ ਓਵੈਸੀ, 'ਆਪ' ਨੇਤਾ ਰਾਘਵ ਚੱਢਾ ਸਣੇ ਕਾਂਗਰਸ ਦੇ ਕਈ ਨੇਤਾਵਾਂ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਨੂੰ ਐਪਲ ਥ੍ਰੈਟ ਦਾ ਨੋਟੀਫਿਕੇਸ਼ਨ ਆਇਆ ਹੈ। ਰਿਪੋਰਟਾਂ ਮੁਤਾਬਕ, ਇਹ ਨੋਟੀਫਿਕੇਸ਼ਨ ਕਈ ਵਿਰੋਧੀ ਨੇਤਾਵਾਂ ਨੂੰ ਮਿਲਿਆ ਹੈ। ਸਾਰਿਆਂ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟਸ 'ਤੇ ਇਸਦੇ ਸਕਰੀਨਸ਼ਾਟਸ ਸਾਂਝੇ ਕੀਤੇ ਹਨ। ਆਓ ਜਾਣਦੇ ਹਾਂ ਕਿ ਕੀ ਹੁੰਦਾ ਹੈ ਐਪਲ ਥ੍ਰੈਟ ਨੋਟੀਫਿਕੇਸ਼ਨ ਅਤੇ ਕੀ ਹੈ ਪੂਰਾ ਮਾਮਲਾ

ਕੀ ਹੁੰਦਾ ਹੈ ਐਪਲ ਥ੍ਰੈਟ ਨੋਟੀਫਿਕੇਸ਼ਨ

ਐਪਲ ਦੀ ਵੈੱਬਸਾਈਟ ਮੁਤਾਬਕ, ਐਪਲ ਥ੍ਰੈਟ ਨੋਟੀਫਿਕੇਸ਼ਨ ਉਨ੍ਹਾਂ ਯੂਜ਼ਰਜ਼ ਨੂੰ ਸੂਚਿਤ ਕਰਨ ਅਤੇ ਮਦਦ ਕਰਨ ਲਈ ਡਿਜ਼ਾਈਨ ਕੀਤਾ ਗਿਆ ਹੈ ਜਿਨ੍ਹਾਂ ਨੂੰ ਸਟੇਟ ਸਪੋਂਸਰਜ਼ ਅਟੈਕਰਜ਼ ਰਾਹੀਂ ਟਾਰਗੇਟ ਕੀਤ ਜਾ ਰਿਹਾ ਹੈ। 

ਕਿਹੜੇ ਨੇਤਾਵਾਂ ਨੂੰ ਮਿਲਿਆ ਨੋਟੀਫਿਕੇਸ਼ਨ

1. ਸ਼ਸ਼ੀ ਥਰੂਰ (ਕਾਂਗਰਸ ਸੰਸਦ ਮੈਂਬਰ)
2. ਮਹੂਆ ਮੋਇਤਰਾ (ਤ੍ਰਿਣਮੂਲ ਕਾਂਗਰਸ ਸੰਸਦ ਮੈਂਬਰ)
3. ਪ੍ਰਿਯੰਕਾ ਚਤੁਰਵੇਦੀ (ਸ਼ਿਵ ਸੈਨਾ UBT MP)
4. ਰਾਘਵ ਚੱਢਾ (ਆਪ ਐਮ.ਪੀ.)
5. ਅਸਦੁਦੀਨ ਓਵੈਸੀ (ਏ.ਆਈ.ਐੱਮ.ਆਈ.ਐੱਮ. ਐੱਮ.ਪੀ.)
6. ਸੀਤਾਰਾਮ ਯੇਚੁਰੀ (ਸੀ.ਪੀ.ਆਈ. (ਐੱਮ) ਜਨਰਲ ਸਕੱਤਰ ਅਤੇ ਸਾਬਕਾ ਸੰਸਦ ਮੈਂਬਰ)
7. ਪਵਨ ਖੇੜਾ (ਕਾਂਗਰਸ ਬੁਲਾਰੇ)
8. ਅਖਿਲੇਸ਼ ਯਾਦਵ (ਸਮਾਜਵਾਦੀ ਪਾਰਟੀ ਪ੍ਰਧਾਨ)
9. ਸਿਧਾਰਥ ਵਰਦਰਾਜਨ (ਸੰਸਥਾਪਕ ਸੰਪਾਦਕ, ਦਿ ਵਾਇਰ)
10. ਸ੍ਰੀਰਾਮ ਕਰੀ (ਨਿਵਾਸੀ ਸੰਪਾਦਕ, ਡੇਕਨ ਕ੍ਰੋਨਿਕਲ)
11. ਸਮੀਰ ਸਰਨ (ਚੇਅਰਮੈਨ, ਆਬਜ਼ਰਵਰ ਰਿਸਰਚ ਫਾਊਂਡੇਸ਼ਨ)

ਸ਼ਸ਼ੀ ਥਰੂਰ ਨੇ ਕੀ ਲਿਖਿਆ

ਕਾਂਗਰਸ ਨੇਤਾ ਸ਼ਸ਼ੀ ਥਰੂਰ ਨੇ ਲਿਖਿਆ ਕਿ ਇਕ ਨੋਟੀਫਿਕੇਸ਼ਨ Apple ID, fatal-notifications@apple.com ਤੋਂ ਮਿਲਿਆ ਹੈ, ਜਿਸਨੂੰ ਮੈਂ ਵੈਰੀਫਾਈ ਕਰ ਲਿਆ ਹੈ। ਆਥੈਂਟੀਸਿਟੀ ਦੀ ਪੁਸ਼ਟੀ ਕੀਤੀ ਗਈ। ਮੇਰੇ ਵਰਗੇ ਟੈਕਸ ਪੇਅਰਜ਼ ਦੇ ਖਰਚਿਆਂ 'ਚ ਅਲੱਪ-ਰੋਜ਼ਗਾਰ ਅਧਿਕਾਰੀਆਂ ਨੂੰ ਮਸ਼ਗੂਲ ਰੱਖਣ 'ਚ ਖੁਸ਼ੀ ਹੋਈ! ਹੋਰ ਕੁਝ ਜ਼ਰੂਰੀ ਕਰਨ ਲਈ ਨਹੀਂ ਹੈ।

Received from an Apple ID, threat-notifications@apple.com, which I have verified. Authenticity confirmed. Glad to keep underemployed officials busy at the expenses of taxpayers like me! Nothing more important to do?@PMOIndia @INCIndia @kharge @RahulGandhi pic.twitter.com/5zyuoFmaIa

— Shashi Tharoor (@ShashiTharoor) October 31, 2023

ਸ਼ਿਵ ਸੈਨਾ (ਯੂ.ਬੀ.ਟੀ.) ਨੇਤਾ ਪ੍ਰਿਯੰਕਾ ਚਤੁਰਵੇਦੀ ਦਾ ਕਹਿਣਾ ਹੈ ਕਿ ਜਿਸ ਤਰ੍ਹਾਂ ਮੈਨੂੰ ਕੱਲ੍ਹ ਰਾਤ ਨੂੰ ਚਿਤਾਵਨੀ ਮਿਲੀ, ਉਸ ਤੋਂ ਪਤਾ ਚਲਦਾ ਹੈ ਕਿ ਇਹ ਕੇਂਦਰ ਸਰਕਾਰ ਦਾ ਪੂਰਾ ਪਲਾਨ ਹੈ ਅਤੇ ਮੈਨੂੰ ਸਾਵਧਾਨੀ ਵਰਤਣ ਦੀ ਲੋੜ ਹੈ। ਚਿਤਾਵਨੀ 'ਚ ਸਪਸ਼ਟ ਰੂਪ ਨਾਲ ਕਿਹਾ ਗਿਆ ਹੈ ਕਿ ਇਹ ਹਮਲੇ 'ਰਾਜ ਪ੍ਰਯੋਜਿਤ' ਹਨ। ਸਿਰਫ ਵਿਰੋਧੀ ਨੇਤਾਵਾਂ ਨੂੰ ਹੀ ਅਜਿਹੇ ਸੰਦੇਸ਼ ਕਿਉਂ ਮਿਲ ਰਹੇ ਹਨ? ਇਸ ਤੋਂ ਪਤਾ ਚਲਦਾ ਹੈ ਕਿ ਵੱਡੇ ਪੱਧਰ 'ਤੇ ਵਿਰੋਧੀਆਂ ਦੀ ਨਿਗਰਾਨੀ ਕੀਤੀ ਜਾ ਰਹੀ ਹੈ। ਇਸਦੀ ਜਾਂਚ ਹੋਣੀ ਚਾਹੀਦੀ ਹੈ ਅਤੇ ਕੇਂਦਰ ਨੂੰ ਇਸ 'ਤੇ ਸਪਸ਼ਟੀਕਰਨ ਦੇਣ ਦੀ ਲੋੜ ਹੈ।

#WATCH | Shiv Sena (UBT) leader Priyanka Chaturvedi says "The way I received a warning last night, shows that this is a sponsored program of the Central Government and that I need to take precautions. The warning clearly says that these attacks are 'state-sponsored'...Why are the… https://t.co/Bvmi5G1pQ4 pic.twitter.com/1nDzgOhmen

— ANI (@ANI) October 31, 2023

ਅਸਦੁਦੀਨ ਓਵੈਸੀ ਨੇ ਕੀ ਕਿਹਾ

ਏ.ਆਈ.ਐੱਮ.ਆਈ.ਐੱਮ. ਚੀਫ ਅਸਦੁਦੀਨ ਓਵੈਸੀ ਨੇ ਟਵੀਟ ਕੀਤਾ ਕਿ ਬੀਤੀ ਰਾਤ ਮੈਨੂੰ ਐਪਲ ਥ੍ਰੈਟ ਨੋਟੀਫਿਕੇਸ਼ਨ ਮਿਲਿਆ ਹੈ। ਅਟੈਕਰਜ਼ ਮੇਰੇ ਫੋਨ ਨੂੰ ਟਾਰਗੇਟ ਕਰਨਾ ਚਾਹੁੰਦੇ ਸਨ। ਉਨ੍ਹਾਂ ਨੇ ਅੱਗੇ ਲਿਖਿਆ ਕਿ ਖੂਬ ਪਰਦਾ ਹੈ ਕਿ ਚਿਲਮਨ ਨਾਲ ਲਗਾ ਬੈਠੇ ਹਨ, ਸਾਫ ਛੁਪਾਉਂਦੇ ਵੀ ਨਹੀਂ, ਸਾਹਮਣੇ ਆਉਂਦੇ ਵੀ ਨਹੀਂ।

Received an Apple Threat Notification last night that attackers may be targeting my phone

ḳhuub parda hai ki chilman se lage baiThe haiñ
saaf chhupte bhī nahīñ sāmne aate bhī nahīñ pic.twitter.com/u2PDYcqNj6

— Asaduddin Owaisi (@asadowaisi) October 31, 2023

'ਆਪ' ਨੇਤਾ ਰਾਘਵ ਚੱਢਾ ਨੇ ਸ਼ੇਅਰ ਕੀਤਾ ਸਕਰੀਨਸ਼ਾਟ

ਆਮ ਆਦਮੀ ਪਾਰਟੀ ਦੇ ਨੇਤਾ ਰਾਘਵ ਚੱਢਾ ਨੇ ਇਕ ਸਕਰੀਨਸ਼ਾਟ ਸਾਂਝਾ ਕਰਦੇ ਹੋਏ ਲਿਖਿਆ ਕਿ ਅੱਜ ਸਵੇਰੇ-ਸਵੇਰੇ ਮੈਨੂੰ ਐਪਲ ਵੱਲੋਂ ਇਕ ਸੰਬੰਧਿਤ ਸੂਚਨਾ ਮਿਲੀ, ਜਿਸ ਵਿਚ ਮੈਨੂੰ ਮੇਰੇ ਫੋਨ 'ਤੇ ਸੰਭਾਵਿਤ ਰਾਜ-ਪ੍ਰਯੋਜਿਤ ਸਪਾਈਵੇਅਰ ਹਮਲੇ ਬਾਰੇ ਚਿਤਾਵਨੀ ਦਿੱਤੀ ਗਈ ਸੀ। ਨੋਟੀਫਿਕੇਸ਼ਨ 'ਚ ਕਿਹਾ ਗਿਆ ਹੈ ਕਿ ਜੇਕਰ ਤੁਹਾਡੇ ਡਿਵਾਈਸ ਦੇ ਨਾਲ ਕਿਸੇ ਰਾਜ-ਪ੍ਰਯੋਜਿਤ ਹਮਲਾਵਰ ਨੇ ਛੇੜਛਾੜ ਕੀਤੀ ਹੈ, ਤਾਂ ਉਹ ਤੁਹਾਡੇ ਸੰਵੇਦਨਸ਼ੀਲ ਡਾਟਾ, ਇਥੋਂ ਤਕ ਕਿ ਕੈਮਰਾ ਅਤੇ ਮਾਈਕ੍ਰੋਫੋਨ ਤਕ ਪਹੁੰਚ ਬਣਾਉਣ 'ਚ ਸਮਰਥ ਹੋ ਸਕਦੇ ਹਨ। 

Early this morning I received a concerning notification from Apple, warning me about a potential state-sponsored spyware attack on my phone. The notification states that, “If your device is compromised by a state-sponsored attacker, they may be able to remotely access your… pic.twitter.com/JrVD9Zh9im

— Raghav Chadha (@raghav_chadha) October 31, 2023

ਮਹੁਆ ਮੋਈਤਰਾ ਨੇ ਲਿਖੀ ਇਹ ਗੱਲ

ਉਥੇ ਹੀ ਮਹੁਆ ਮੋਈਤਰਾ ਨੇ ਲਿਖਿਆ ਕਿ ਅਧਿਕਾਰਤ ਤੌਰ 'ਤੇ ਲਿਖ ਰਹੀ ਹਾਂ ਕਿ ਲੋਕ ਸਭਾ ਸਪੀਕਰ ਓਮ ਬਿਰਲਾ ਗੁਜ਼ਾਰਿਸ਼ ਹੈ ਕਿ ਉਹ ਵਿਰੋਧੀ ਸੰਸਦ ਮੈਂਬਰਾਂ ਦੀ ਸੁਰੱਖਿਆ ਲਈ ਰਾਜ ਧਰਮ ਦਾ ਪਾਲਨ ਕਰਨ। ਹੋਮ ਮਿਨੀਸਟਰੀ ਦੇ ਅਧਿਕਾਰੀ ਜਲਦੀ ਤੋਂ ਜਲਦੀ ਸਾਡੇ ਫੋਨ/ਈਮੇਲ ਹੈਕ ਹੋਣ ਦੀ ਸੂਚਨਾ ਦੇਣ। ਵਿਸ਼ੇਸ਼ ਅਧਿਕਾਰ ਕਮੇਟੀ ਨੂੰ ਪਹਿਲ ਕਰਨ ਦੀ ਲੋੜ ਹੈ। ਅਸ਼ਵਨੀ ਵੈਸ਼ਣਵ, ਇਹ ਵਾਸਤਵਿਕ ਉਲੰਘਣ ਹੈ ਜਿਸ ਬਾਰੇ ਤੁਹਾਨੂੰ ਫਿਕਰ ਕਰਨ ਦੀ ਲੋੜ ਹੈ। 

Writing officially to @loksabhaspeaker @ombirlakota requesting he follow RajDharma to protect Opposition MPs & summon @HMOIndia officials ASAP on our phones/email being hacked. Priveleges Committee needs to take up. @AshwiniVaishnaw this is real breach you need to worry about.

— Mahua Moitra (@MahuaMoitra) October 31, 2023