ਪਤਨੀਆਂ ਨੂੰ ਵਸ਼ ''ਚ ਕਰਨ ਦੇ ਚੱਕਰ ''ਚ ਕਰ ''ਤਾ ਕਾਂਡ, ਤਾਂਤਰਿਕ ਪਿੱਛੇ ਲੱਗ ਜੰਗਲਾਂ ''ਚੋਂ ਲੈ ਆਏ ਬਾਘਣੀ ਦੇ ਪੰਜੇ

ਨੈਸ਼ਨਲ ਡੈਸਕ– ਮੱਧ ਪ੍ਰਦੇਸ਼ ਦੇ ਸੇਵਨੀ ਜ਼ਿਲ੍ਹੇ 'ਚ ਸਥਿਤ ਪੇਂਚ ਟਾਈਗਰ ਰਿਜ਼ਰਵ ਦੇ ਇਕ ਜੰਗਲ 'ਚ ਇੱਕ ਮਰੀ ਹੋਈ ਬਾਘਣੀ ਦੀ ਲਾਸ਼ ਮਿਲੀ। ਉਸਦੇ ਪੰਜੇ ਕੱਟੇ ਹੋਏ, ਤਿੱਖੇ ਦੰਦ ਨਿਕਲੇ ਹੋਏ ਅਤੇ ਖਾਲ ਉਖਾੜੀ ਹੋਈ ਸੀ। ਇਸ ਮਾਮਲੇ ਨੇ ਸਿਰਫ਼ ਵਨ ਵਿਭਾਗ ਹੀ ਨਹੀਂ, ਸਾਰੇ ਇਲਾਕੇ ਦੇ ਲੋਕਾਂ ਨੂੰ ਵੀ ਡਰਾ ਦਿੱਤਾ ਹੈ। ਜਾਂਚ ਦੌਰਾਨ ਗ੍ਰਿਫ਼ਤਾਰ ਹੋਏ ਦੋ ਮੁਲਜ਼ਮਾਂ – ਰਾਜ ਕੁਮਾਰ ਅਤੇ ਝਾਮ ਸਿੰਘ ਨੇ ਕਬੂਲ ਕੀਤਾ ਕਿ ਉਹ ਇਹ ਕ਼ਤਲ ਆਪਣੇ ਵਿਵਾਹਿਕ ਜੀਵਨ 'ਚ ਦਬਦਬਾ ਬਣਾਉਣ ਲਈ ਕਰ ਰਹੇ ਸਨ। ਇਕ ਤਾਂਤਰਿਕ ਨੇ ਉਨ੍ਹਾਂ ਨੂੰ ਕਿਹਾ ਸੀ ਕਿ ਬਾਘਣੀ ਦੇ ਪੰਜੇ ਅਤੇ ਦੰਦ ਰਾਹੀਂ ਕੀਤੀਆਂ ਰਸਮਾਂ ਨਾਲ ਪਤਨੀ ਨੂੰ ਵਸ਼ ਕੀਤਾ ਜਾ ਸਕਦਾ ਹੈ।

ਇਹ ਵੀ ਪੜ੍ਹੋ...ਪਤਨੀਆਂ ਨੂੰ ਵਸ਼ 'ਚ ਕਰਨ ਦੇ ਚੱਕਰ 'ਚ ਕਰ 'ਤਾ ਕਾਂਡ, ਤਾਂਤਰਿਕ ਪਿੱਛੇ ਲੱਗ ਜੰਗਲਾਂ 'ਚੋਂ ਲੈ ਆਏ ਬਾਘਣੀ ਦੇ ਪੰਜੇ

ਰਾਜ ਕੁਮਾਰ ਨੇ ਦੱਸਿਆ ਕਿ ਉਸਦੀ ਪਤਨੀ 'ਉਸ ਦੀ ਗੱਲ ਨਹੀਂ ਮੰਨਦੀ' ਸੀ, ਇਸ ਕਰ ਕੇ ਉਹ ਤਾਂਤਰਿਕ ਰਾਹੀਂ ਕੋਈ ਉਪਾਅ ਕਰਨਾ ਚਾਹੁੰਦਾ ਸੀ। ਤਾਂਤਰਿਕ ਨੇ ਉਸਨੂੰ ਮਰੀ ਹੋਈ ਬਾਘਣੀ ਤੋਂ ਪੰਜੇ, ਦੰਦ ਅਤੇ ਖਾਲ ਲਿਆਉਣ ਲਈ ਕਿਹਾ ਸੀ।26 ਅਪ੍ਰੈਲ ਨੂੰ ਜਦੋਂ ਇਹ ਮਾਮਲਾ ਸਾਹਮਣੇ ਆਇਆ ਤਾਂ ਪੁਲਸ ਨੇ ਇੱਕ ਸੂਚਕ ਦੀ ਜਾਣਕਾਰੀ ਤੇ ਕਾਰਵਾਈ ਕਰਦੇ ਹੋਏ ਪੰਜ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ। ਪੁਲਸ ਨੇ ਬਾਘਨ ਦੇ ਤਿੰਨ ਦੰਦ, ਪੰਜੇ ਅਤੇ ਖਲ ਕਈ ਵੱਖ-ਵੱਖ ਥਾਵਾਂ ਤੋਂ ਬਰਾਮਦ ਕੀਤੀ।

ਇਹ ਵੀ ਪੜ੍ਹੋ...ਗਰੀਬਾਂ ਨਾਲ ਮਜ਼ਾਕ,  ਡਿਪੂ ਤੋਂ ਮਿਲੇ ਰਾਸ਼ਨ 'ਚ ਚੌਲਾਂ ਚੋਂ ਮਿਲੇ ਪੱਥਰ

ਅਧਿਕਾਰੀਆਂ ਦੇ ਅਨੁਸਾਰ ਪਹਿਲੀ ਵਾਰ ਇਹ ਲੋਕ ਮਰੀ ਹੋਈ ਬਾਘਣੀ ਦੇ ਕੋਲ ਗਏ ਸਨ ਪਰ ਨਜ਼ਦੀਕ ਹੀ ਹੋਰ ਇੱਕ ਜੀਉਂਦਾ ਬਾਘ ਦੇਖ ਕੇ ਡਰ ਗਏ। ਅਗਲੇ ਦਿਨ ਉਹ ਦੁਬਾਰਾ ਗਏ ਅਤੇ ਬਾਘਨ ਦੇ ਪੰਜੇ ਤੇ ਦੰਦ ਕੱਟ ਲਿਆ। ਫਿਰ ਤਾਂਤਰਿਕ ਦੀ ਰਸਮ ਲਈ ਉਹ ਖਲ ਵੀ ਲਿਆਉਣ ਗਏ। ਵਨ ਵਿਭਾਗ ਨੇ ਕਿਹਾ ਕਿ ਇਲਾਕੇ ਤਾਂਤਰਿਕ ਕਾਲੇ ਜਾਦੂ ਅਤੇ ਤੰਤ੍ਰ-ਮੰਤਰ ਦੇ ਮਾਮਲੇ ਨਵੇਂ ਨਹੀਂ ਹਨ। ਪਹਿਲਾਂ ਵੀ ਬਾਘਾਂ ਜਾਂ ਚੀਤਿਆਂ ਦਾ ਸ਼ਿਕਾਰ ਐਸੇ ਹੀ ਕਾਰਨਾਂ ਕਰ ਕੇ ਕੀਤਾ ਗਿਆ ਹੈ। ਪਰ 'ਵਿਆਹਿਕ ਦਬਦਬੇ' ਲਈ ਐਸਾ ਕਰਨਾ ਬੇਹੱਦ ਚੌਕਾਉਣ ਵਾਲੀ ਗੱਲ ਹੈ।ਇੱਕ ਅਧਿਕਾਰੀ ਨੇ ਕਿਹਾ ਕਿ “ਇਹ ਦਿਖਾਉਂਦਾ ਹੈ ਕਿ ਅੰਧਵਿਸ਼ਵਾਸ ਲੋਕਾਂ ਨੂੰ ਕਿੰਨੀ ਖਤਰਨਾਕ ਹੱਦ ਤੱਕ ਲੈ ਜਾਂਦਾ ਹੈ।” 3 ਮਈ ਨੂੰ ਇਨ੍ਹਾਂ ਮੁਲਜ਼ਮਾਂ ਨੂੰ ਅਦਾਲਤ 'ਚ ਪੇਸ਼ ਕੀਤਾ ਗਿਆ, ਜਿਥੇ ਉਨ੍ਹਾਂ ਨੂੰ ਵਨ ਵਿਭਾਗ ਦੀ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ। ਜਾਂਚ ਦਲ ਇਹ ਪਤਾ ਲਗਾ ਰਿਹਾ ਹੈ ਕਿ ਕੀ ਹੋਰ ਲੋਕ ਵੀ ਇਸ ਮਾਮਲੇ 'ਚ ਸ਼ਾਮਲ ਸਨ ਅਤੇ ਉਹ ਤਾਂਤਰਿਕ ਕੌਣ ਸੀ ਜਿਸ ਨੇ ਇਹ ਸਲਾਹ ਦਿੱਤੀ। ਪੁਲਸ ਇਹ ਵੀ ਜਾਂਚ ਰਹੀ ਹੈ ਕਿ ਕੀ ਇਹ ਕੋਈ ਵੱਡਾ ਗਿਰੋਹ ਹੈ ਜੋ ਜੰਗਲੀ ਜਾਨਵਰਾਂ ਨਾਲ ਕਾਲਾ ਜਾਦੂ ਜੋੜ ਕੇ ਅਪਰਾਧ ਕਰ ਰਿਹਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8