ਹਰ-ਹਰ ਮਹਾਦੇਵ ਦੇ ਜੈਕਾਰਿਆਂ ਨਾਲ ਸ਼ੁਰੂ ਹੋਈ ਅਮਰਨਾਥ ਯਾਤਰਾ, 4,400 ਤੋਂ ਵੱਧ ਸ਼ਰਧਾਲੂਆਂ ਦਾ ਦੂਜਾ ਜੱਥਾ ਰਵਾਨਾ

ਜੰਮੂ (ਭਾਸ਼ਾ)- ਸਾਲਾਨਾ ਅਮਰਨਾਥ ਯਾਤਰਾ ਲਈ 4,400 ਤੋਂ ਵੱਧ ਤੀਰਥ ਯਾਤਰੀਆਂ ਦਾ ਦੂਜਾ ਜੱਥਾ ਇੱਥੇ ਦੇ ਭਗਵਤੀ ਨਗਰ ਆਧਾਰ ਕੈਂਪ ਤੋਂ ਸ਼ਨੀਵਾਰ ਨੂੰ ਰਵਾਨਾ ਹੋਇਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਤੀਰਥ ਯਾਤਰੀ ਸਵੇਰੇ 188 ਵਾਹਨਾਂ 'ਚ ਆਧਾਰ ਕੈਂਪ ਤੋਂ ਰਵਾਨਾ ਹੋਏ ਅਤੇ ਇਸ ਦੇ ਨਾਲ ਹੀ ਜੰਮੂ ਆਧਾਰ ਕੈਂਪ ਤੋਂ ਅਮਰਨਾਥ ਯਾਤਰਾ ਲਈ ਰਵਾਨਾ ਹੋਣ ਵਾਲੇ ਤੀਰਥ ਯਾਤਰੀਆਂ ਦੀ ਗਿਣਤੀ 7,904 ਹੋ ਗਈ ਹੈ। ਉਨ੍ਹਾਂ ਕਿਹਾ ਕਿ 2,733 ਸ਼ਰਧਾਲੂ 94 ਵਾਹਨਾਂ 'ਚ ਸਵੇਰੇ 4.50 ਵਜੇ ਪਹਿਲਗਾਮ ਲਈ ਰਵਾਨਾ ਹੋਏ, ਜਦੋਂ ਕਿ 1,683 ਤੀਰਥ ਯਾਤਰੀ 92 ਵਾਹਨਾਂ 'ਚ ਲਗਭਗ ਇਕ ਘੰਟੇ ਪਹਿਲਾਂ ਬਾਲਟਾਲ ਆਧਾਰ ਕੈਂਪਸ ਲਈ ਰਵਾਨਾ ਹੋਏ। ਜੰਮੂ ਕਸ਼ਮੀਰ ਦੇ ਉੱਪ ਰਾਜਪਾਲ ਮਨੋਜ ਸਿਨਹਾ ਨੇ ਸ਼ੁੱਕਰਵਾਰ ਸਵੇਰੇ ਤੀਰਥ ਯਾਤਰੀਆਂ ਦੇ ਪਹਿਲੇ ਜੱਥੇ ਨੂੰ ਭਗਵਤੀ ਨਗਰ ਆਧਾਰ ਕੈਂਪ ਤੋਂ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ ਸੀ।

ਅਮਰਨਾਥ ਲਈ 62 ਦਿਨਾ ਤੀਰਥ ਯਾਤਰਾ ਸ਼ਨੀਵਾਰ ਨੂੰ ਕਸ਼ਮੀਰ ਤੋਂ ਸ਼ੁਰੂ ਹੋਈ। ਇਸ ਯਾਤਰਾ ਲਈ 2 ਮਾਰਗ ਹਨ। ਪਹਿਲਾ, ਅਨੰਤਨਾਗ ਜ਼ਿਲ੍ਹੇ ਦਾ 48 ਕਿਲੋਮੀਟਰ ਲੰਮਾ ਰਵਾਇਤੀ ਨੁਨਵਾਨ-ਪਹਿਲਗਾਮ ਮਾਰਗ, ਜਦੋਂ ਕਿ ਦੂਜਾ ਗਾਂਦਰਬਲ ਜ਼ਿਲ੍ਹੇ ਦੇ ਬਾਲਟਾਲ ਮਾਰਗ, ਜੋ ਕਰੀਬ 14 ਕਿਲੋਮੀਟਰ ਛੋਟਾ ਪਰ ਬੇਹੱਦ ਤੰਗ ਹੈ। ਯਾਤਰਾ 'ਚ ਸ਼ਾਮਲ ਰਾਜਸਥਾਨ ਦੇ ਸੁਰੇਂਦਰ ਜੋਸ਼ੀ (62) ਨੇ ਕਿਹਾ,''ਅਸੀਂ ਅਪਰਾਧ ਲਈ ਯਾਤਰਾ ਸ਼ੁਰੂ ਕਰ ਕੇ ਬੇਹੱਦ ਖੁਸ਼ ਹਨ। ਮੈਂ ਹਮੇਸ਼ਾ ਤੋਂ ਹਿਮ ਸ਼ਿਵਲਿੰਗ ਦੇ ਦਰਸ਼ਨ ਕਰਨਾ ਚਾਹੁੰਦਾ ਸੀ।'' ਭਗਵਤੀ ਨਗਰ ਆਧਾਰ ਕੈਂਪ ਦੇ ਨੇੜੇ-ਤੇੜੇ ਬਹੁ ਪੱਧਰੀ ਸੁਰੱਖਿਆ ਵਿਵਸਥਾ ਕੀਤੀ ਗਈ ਹੈ। ਜੰਮੂ 'ਚ 33 ਰਿਹਾਇਸ਼ ਕੇਂਦਰ ਸਥਾਪਤ ਕੀਤੇ ਗਏ ਹਨ ਅਤੇ ਸ਼ਰਧਾਲੂਆਂ ਨੂੰ ਰੇਡੀਓ ਫ੍ਰੀਕੁਐਂਸੀ ਪਛਾਣ (ਆਰ.ਐੱਫ.ਆਈ.ਡੀ.) ਟੈਗ ਜਾਰੀ ਕੀਤੇ ਜਾ ਰਹੇ ਹਨ। ਯਾਤਰਾ 'ਤੇ ਜਾਣ ਦੇ ਇਛੁੱਕ ਲੋਕਾਂ ਨੂੰ ਰਜਿਸਟਰੇਸ਼ਨ ਕਰਵਾਉਣ ਲਈ 5 ਕਾਊਂਟਰ ਬਣਾਏ ਗਏ ਹਨ ਅਤੇ ਹੁਣ ਤੱਕ 3.5 ਲੋਕਾਂ ਤੋਂ ਵੱਧ ਲੋਕ ਆਨਲਾਈਨ ਰਜਿਸਟਰੇਸ਼ਨ ਕਰਵਾ ਚੁੱਕੇ ਹਨ।