ਆਪਰੇਸ਼ਨ ਦੌਰਾਨ ਬੱਚੇਦਾਨੀ ਤੋਂ ਗਾਇਬ ਸੀ ਬੱਚਾ... ਡਾਕਟਰ ਵੀ ਹੈਰਾਨ

ਬਾੜਮੇਰ- ਰਾਜਸਥਾਨ 'ਚ ਬਾੜਮੇਰ ਦੇ ਇਕ ਨਿੱਜੀ ਹਸਪਤਾਲ 'ਚ ਜਣੇਪੇ ਦੇ ਆਪਰੇਸ਼ਨ ਦੌਰਾਨ ਡਾਕਟਰੀ ਟੀਮ ਉਸ ਸਮੇਂ ਹੈਰਾਨ ਰਹਿ ਗਈ ਜਦੋਂ ਉਨ੍ਹਾਂ ਨੇ ਦੇਖਿਆ ਕਿ ਮਾਂ ਦੀ ਬੱਚੇਦਾਨੀ 'ਚ ਕੋਈ ਬੱਚਾ ਨਹੀਂ ਹੈ। ਬਾੜਮੇਰ ਦੇ ਸ਼ਿਵ ਹਸਪਤਾਲ 'ਚ ਸਾਹਮਣੇ ਆਇਆ ਇਹ ਮਾਮਲਾ ਲੱਖਾਂ 'ਚੋਂ ਇਕ ਹੁੰਦਾ ਹੈ। ਜੇਕਰ ਬੱਚਾ ਬੱਚੇਦਾਨੀ ਤੋਂ ਬਾਹਰ ਰਹਿੰਦਾ ਹੈ ਅਤੇ 8 ਮਹੀਨੇ ਤੱਕ ਜਿਉਂਦਾ ਰਹਿੰਦਾ ਹੈ। ਦਰਅਸਲ ਬਾੜਮੇਰ ਦੀ ਚੌਹਾਟਾਨ ਤਹਿਸੀਲ ਦੇ ਬਿੰਜਾਸਰ ਦੀ ਰਹਿਣ ਵਾਲੀ ਲੀਲਾ ਦੇਵੀ ਦੀ ਸਿਹਤ ਵਿਗੜਨ ਤੋਂ ਬਾਅਦ ਉਸ ਨੂੰ ਜ਼ਿਲਾ ਹੈੱਡਕੁਆਰਟਰ ਦੇ ਸ਼ਿਵ ਹਸਪਤਾਲ 'ਚ ਲਿਆਂਦਾ ਗਿਆ, ਜਿੱਥੇ ਆਪਰੇਸ਼ਨ ਦੌਰਾਨ ਮੈਡੀਕਲ ਟੀਮ ਹੈਰਾਨ ਰਹਿ ਗਈ। ਮੈਡੀਕਲ ਟੀਮ ਨੂੰ ਐਕਟੋਪਿਕ ਗਰਭ ਅਵਸਥਾ, ਜੋ ਲੱਖਾਂ 'ਚੋਂ ਇਕ ਹੁੰਦੀ ਹੈ, ਬਾਰੇ ਪਤਾ ਲੱਗਾ। ਅਜਿਹੇ 'ਚ ਹਸਪਤਾਲ ਦੇ ਗਾਇਨੀਕੋਲੋਜਿਸਟ ਡਾਕਟਰ ਮੰਜੂ ਬਾਮਨੀਆ ਨੇ ਡਾਕਟਰ ਸਨੇਹਲ ਕਟੂਡੀਆ ਅਤੇ ਡਾਕਟਰ ਹਰੀਸ਼ ਸੇਜੂ ਦੇ ਸਹਿਯੋਗ ਨਾਲ ਲੀਲਾ ਦਾ ਆਪਰੇਸ਼ਨ ਕੀਤਾ। 

ਅਜਿਹੇ 'ਚ ਮਾਂ ਦੀ ਜਾਨ ਬਚਾਉਣੀ ਬਹੁਤ ਔਖੀ ਹੁੰਦੀ ਹੈ। ਇਸ ਲਈ ਬਹੁਤ ਹੀ ਸੁਚੱਜੇ ਢੰਗ ਨਾਲ ਆਪਰੇਸ਼ਨ ਕਰਕੇ ਲੀਲਾ ਦੀ ਜਾਨ ਬਚਾਈ ਗਈ। ਹਸਪਤਾਲ ਦੀ ਪ੍ਰਬੰਧਕ ਡਾਕਟਰ ਮੰਜੂ ਬਾਮਨੀਆ ​​ਨੇ ਇਕ ਨਿਊਜ਼ ਚੈਨਲ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਜੇਕਰ ਬੱਚਾ ਬੱਚੇਦਾਨੀ ਤੋਂ ਬਾਹਰ ਰਹਿੰਦਾ ਹੈ ਅਤੇ ਉਹ 8 ਮਹੀਨੇ ਤੱਕ ਜਿਉਂਦਾ ਰਹਿੰਦਾ ਹੈ ਤਾਂ ਇਸ ਨੂੰ ਪੇਟ ਗਰਭ ਅਵਸਥਾ ਕਿਹਾ ਜਾਂਦਾ ਹੈ। ਅਜਿਹੇ ਕੇਸ ਵੀ ਲੱਖਾਂ 'ਚੋਂ ਇਕ ਹੁੰਦੇ ਹਨ ਅਤੇ ਇਸ ਦੀ ਇਕ ਹੋਰ ਕਿਸਮ, ਜਿਸ ਨੂੰ ਐਕਟੋਪਿਕ ਗਰਭ ਅਵਸਥਾ ਕਿਹਾ ਜਾਂਦਾ ਹੈ, ਇਕ ਬਹੁਤ ਹੀ ਦੁਰਲੱਭ ਅਤੇ ਅਸਾਧਾਰਨ ਕਿਸਮ ਹੈ। ਲੀਲਾ ਦਾ ਵੀ ਅਜਿਹਾ ਹੀ ਦੁਰਲੱਭ ਮਾਮਲਾ ਸੀ, ਜਿਸ ਨੂੰ ਡਾਕਟਰਾਂ ਨੇ ਸਮੇਂ ਸਿਰ ਬਚਾ ਲਿਆ ਸੀ। ਹਾਲਾਂਕਿ ਹਸਪਤਾਲ ਪਹੁੰਚਣ ਤੋਂ ਪਹਿਲਾਂ ਹੀ ਬੱਚੇ ਦੀ ਮੌਤ ਹੋ ਚੁੱਕੀ ਸੀ ਪਰ ਬਾੜਮੇਰ ਦੇ ਡਾਕਟਰਾਂ ਨੇ ਸਖ਼ਤ ਮਿਹਨਤ ਕਰਕੇ ਮਾਂ ਦੀ ਜਾਨ ਬਚਾਈ।

ਐਕਟੋਪਿਕ ਗਰਭ ਅਵਸਥਾ ਕੀ ਹੁੰਦੀ ਹੈ

ਐਕਟੋਪਿਕ ਗਰਭ ਅਵਸਥਾ (Ectopic Pregnancy) ਉਸ ਨੂੰ ਕਹਿੰਦੇ ਹਨ ਜਦੋਂ ਭਰੂਣ (ਅਮੂਰਲੈਟਿਡ ਐਗ) ਬੱਚੇਦਾਨੀ 'ਚ ਪਲਣ ਦੀ ਬਜਾਏ ਕਿਸੇ ਹੋਰ ਸਥਾਨ 'ਤੇ ਜਾ ਕੇ ਲੱਗ ਜਾਂਦਾ ਹੈ, ਜੋ ਕਿ ਆਮ ਤੌਰ 'ਤੇ ਫੈਲੋਪੀਅਨ ਟਿਊਬਾਂ 'ਚ ਹੁੰਦਾ ਹੈ। ਇਹ ਅਵਸਥਾ ਆਮ ਗਰਭ ਅਵਸਥਾ ਵਰਗੀ ਨਹੀਂ ਹੁੰਦੀ ਕਿਉਂਕਿ ਇਸ 'ਚ ਭਰੂਣ ਸਹੀ ਢੰਗ ਨਾਲ ਵਿਕਸਿਤ ਨਹੀਂ ਹੋ ਸਕਦਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8