ਆਮ ਆਦਮੀ ਨੂੰ ਝਟਕਾ! ਦਿੱਲੀ ਤੋਂ ਬਾਅਦ ਹੁਣ ਮੁੰਬਈ 'ਚ ਵੀ ਵਧੀਆਂ CNG-PNG ਦੀਆਂ ਕੀਮਤਾਂ

ਮੁੰਬਈ : ਦਿੱਲੀ ਤੋਂ ਬਾਅਦ ਹੁਣ ਮੁੰਬਈ ਵਿਚ ਸੀਐੱਨਜੀ ਦੀਆਂ ਕੀਮਤਾਂ 1.50 ਰੁਪਏ ਪ੍ਰਤੀ ਕਿਲੋ ਵਧ ਗਈਆਂ ਹਨ, ਜਦਕਿ ਪਾਈਪ ਜ਼ਰੀਏ ਰਸੋਈ ਵਿਚ ਪਹੁੰਚਣ ਵਾਲੀ ਗੈਸ ਯਾਨੀ ਪੀਐੱਨਜੀ ਦੀ ਕੀਮਤ ਇਕ ਰੁਪਏ ਵਧ ਗਈ ਹੈ। ਮੁੱਖ ਰੂਪ ਨਾਲ ਕੱਚੇ ਮਾਲ ਦੀ ਲਾਗਤ ਵਧਣ ਨਾਲ ਕੀਮਤਾਂ ਵਧਾਈਆਂ ਗਈਆਂ ਹਨ। ਮਹਾਨਗਰ ਗੈਸ ਲਿਮਟਿਡ, ਜੋ ਕਿ ਮੁੰਬਈ ਅਤੇ ਆਸਪਾਸ ਦੇ ਸ਼ਹਿਰਾਂ ਵਿਚ ਘਰਾਂ ਨੂੰ ਵਾਹਨਾਂ ਲਈ CNG ਅਤੇ ਪਾਈਪ ਵਾਲੀ ਰਸੋਈ ਗੈਸ ਪ੍ਰਦਾਨ ਕਰਦੀ ਹੈ। (ਐੱਮ.ਜੀ.ਐੱਲ.) ਨੇ ਕਿਹਾ ਕਿ ਵਧੀਆਂ ਕੀਮਤਾਂ 8 ਜੁਲਾਈ ਦੀ ਅੱਧੀ ਰਾਤ ਤੋਂ ਲਾਗੂ ਹੋਣਗੀਆਂ। ਕੰਪਨੀ ਨੇ ਇਕ ਬਿਆਨ ਵਿਚ ਕਿਹਾ, "ਸੀਐੱਨਜੀ ਅਤੇ ਪੀਐੱਨਜੀ ਦੀ ਵਧਦੀ ਮਾਤਰਾ ਅਤੇ ਘਰੇਲੂ ਗੈਸ ਦੀ ਵੰਡ ਵਿਚ ਕਮੀ ਨੂੰ ਪੂਰਾ ਕਰਨ ਲਈ ਐੱਮਜੀਐੱਲ ਵਾਧੂ ਮਾਰਕੀਟ ਕੀਮਤ 'ਤੇ ਕੁਦਰਤੀ ਗੈਸ (ਆਯਾਤ ਐੱਲਐੱਨਜੀ) ਲੈ ਰਹੀ ਹੈ।" ਇਸ ਕਾਰਨ ਗੈਸ ਦੀ ਕੀਮਤ ਵਧ ਗਈ ਹੈ।

ਇਹ ਵੀ ਪੜ੍ਹੋ : ਮੁੰਬਈ BMW ਕੇਸ 'ਚ ਸ਼ਿਵ ਸੈਨਾ ਆਗੂ ਨੂੰ ਮਿਲੀ ਜ਼ਮਾਨਤ, ਪੁੱਤ ਮਿਹਿਰ ਸ਼ਾਹ ਹਾਲੇ ਤਕ ਫ਼ਰਾਰ

ਬਿਆਨ ਮੁਤਾਬਕ, ਗੈਸ ਦੀ ਲਾਗਤ ਵਿਚ ਵਾਧੇ ਨੂੰ ਅੰਸ਼ਕ ਤੌਰ 'ਤੇ ਪੂਰਾ ਕਰਨ ਲਈ MGL ਨੇ CNG ਦੀ ਕੀਮਤ ਵਿਚ 1.50 ਰੁਪਏ ਪ੍ਰਤੀ ਕਿਲੋਗ੍ਰਾਮ ਅਤੇ ਘਰੇਲੂ PNG ਦੀ ਕੀਮਤ ਵਿਚ 1 ਰੁਪਏ ਪ੍ਰਤੀ ਸਟੈਂਡਰਡ ਕਿਊਬਿਕ ਮੀਟਰ (SCM) ਮੁੰਬਈ ਅਤੇ ਇਸ ਦੇ ਆਲੇ-ਦੁਆਲੇ ਦਾ ਵਾਧਾ ਕੀਤਾ ਹੈ। ਇਸ ਵਾਧੇ ਤੋਂ ਬਾਅਦ ਸੀਐੱਨਜੀ ਦੀ ਸੋਧੀ ਹੋਈ ਕੀਮਤ ਸਾਰੇ ਟੈਕਸਾਂ ਸਮੇਤ 75 ਰੁਪਏ ਪ੍ਰਤੀ ਕਿਲੋ ਹੋ ਜਾਵੇਗੀ। ਜਦੋਂਕਿ ਮੁੰਬਈ ਅਤੇ ਇਸ ਦੇ ਆਲੇ-ਦੁਆਲੇ ਘਰੇਲੂ PNG ਦੀ ਕੀਮਤ 48 ਰੁਪਏ ਪ੍ਰਤੀ SCM ਹੋਵੇਗੀ।

ਵਰਣਨਯੋਗ ਹੈ ਕਿ ਰਾਸ਼ਟਰੀ ਰਾਜਧਾਨੀ ਅਤੇ ਆਸਪਾਸ ਦੇ ਸ਼ਹਿਰਾਂ ਲਈ ਇੰਦਰਪ੍ਰਸਥ ਗੈਸ ਲਿਮਟਿਡ 22 ਜੂਨ ਨੂੰ ਦਿੱਲੀ 'ਚ CNG ਦੀ ਕੀਮਤ 1 ਰੁਪਏ ਪ੍ਰਤੀ ਕਿਲੋਗ੍ਰਾਮ ਵਧ ਕੇ 75.09 ਰੁਪਏ ਹੋ ਗਈ ਸੀ। ਹਾਲਾਂਕਿ, ਕੰਪਨੀ ਨੇ ਪੀਐੱਨਜੀ ਦੀਆਂ ਕੀਮਤਾਂ ਵਿਚ ਸੋਧ ਨਹੀਂ ਕੀਤੀ ਅਤੇ ਇਹ 48.59 ਰੁਪਏ ਪ੍ਰਤੀ ਐੱਸਸੀਐੱਮ 'ਤੇ ਰਹੀ। ਕੰਪਨੀ ਨੇ ਕਿਹਾ, "ਉਪਰੋਕਤ ਸੋਧ ਤੋਂ ਬਾਅਦ ਵੀ MGL ਦੀ CNG ਮੁੰਬਈ ਵਿਚ ਮੌਜੂਦਾ ਕੀਮਤ ਦੇ ਪੱਧਰ 'ਤੇ ਕ੍ਰਮਵਾਰ ਪੈਟਰੋਲ ਅਤੇ ਡੀਜ਼ਲ ਨਾਲੋਂ ਲਗਭਗ 50 ਪ੍ਰਤੀਸ਼ਤ ਅਤੇ 17 ਪ੍ਰਤੀਸ਼ਤ ਸਸਤੀ ਹੈ..." ਇਸ ਤੋਂ ਬਾਅਦ ਵੀ MGL ਦੀ CNG ਅਤੇ ਘਰੇਲੂ LPG ਕੀਮਤਾਂ ਦੇਸ਼ ਵਿਚ ਸਭ ਤੋਂ ਘੱਟ ਹਨ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e