ਕੌਣ ਸੁਣੇਗਾ ਬੇਜ਼ੁਬਾਨਾਂ ਦਾ ਦਰਦ; ਸੁਰੱਖਿਅਤ ਥਾਂ ਦੀ ਭਾਲ ''ਚ ਜਾਨਵਰ ਦਾ ਹੋਇਆ ਇਹ ਹਾਲ

ਨੈਸ਼ਨਲ ਡੈਸਕ— ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ 'ਚ ਭਾਰੀ ਮੀਂਹ ਨੇ ਭਿਆਨਕ ਤਬਾਹੀ ਮਚਾਈ ਹੋਈ ਹੈ, ਜਿਸ ਕਾਰਨ ਹੜ੍ਹ ਵਰਗੇ ਹਾਲਾਤ ਬਣਦੇ ਜਾ ਰਹੇ ਹਨ। ਅਸਾਮ 'ਚ ਇਸ ਸਮੇਂ ਭਾਰੀ ਮੀਂਹ ਕਾਰਨ ਲੋਕ ਪਰੇਸ਼ਾਨ ਹਨ। ਲੋਕਾਂ ਦੇ ਨਾਲ-ਨਾਲ ਬੇਜ਼ੁਬਾਨ ਜਾਨਵਰ ਵੀ ਇਸ ਕੁਦਰਤੀ ਆਫ਼ਤ ਤੋਂ ਪਰੇਸ਼ਾਨ ਹਨ। ਜਾਨਵਰਾਂ 'ਤੇ ਆਸਮਾਨੀ ਆਫ਼ਤ ਕਹਿਰ ਵਰ੍ਹਾ ਰਹੀ ਹੈ, ਜਿਸ ਦਾ ਇਕ ਵੀਡੀਓ ਵੀ ਸਾਹਮਣੇ ਆਇਆ ਹੈ, ਜਿਸ ਨੂੰ ਦੇਖ ਕੇ ਸਥਿਤੀ ਦਾ ਅੰਦਾਜਾ ਲਾਇਆ ਜਾ ਸਕਦਾ ਹੈ। 
ਅਸਾਮ 'ਚ ਹੜ੍ਹ ਤੋਂ ਬਚਣ ਲਈ ਕਈ ਜਾਨਵਰ ਪਾਰਕ 'ਚੋਂ ਨਿਕਲ ਕੇ ਸੜਕ 'ਤੇ ਆ ਗਏ। ਅਜਿਹੇ ਵਿਚ ਇਕ ਗੈਂਡਾ ਵੀ ਉੱਚਾਈ ਵਾਲੀ ਥਾਂ ਵੱਲ ਜਾ ਰਿਹਾ ਸੀ। ਥੱਕ ਜਾਣ ਕਾਰਨ ਉਹ ਹਾਈਵੇਅ 'ਤੇ ਹੀ ਸੌਂ ਗਿਆ, ਜਿਸ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਿਆ। 

A rhino have strayed out near bandar dhubi area at Bagori Range yesterday and taking rest near NH37. The DRIVE OUT Operation is being carried out to guide the rhino to park. Our staffs along with @nagaonpolice are guarding the area. Drive Slow.@ParimalSuklaba1 @RandeepHooda pic.twitter.com/3avQXbqtHF

— Kaziranga National Park & Tiger Reserve (@kaziranga_) July 18, 2020

ਵੀਡੀਓ 'ਚ ਨਜ਼ਰ ਆ ਰਿਹਾ ਹੈ ਕਿ ਕਿਸ ਤਰ੍ਹਾਂ ਉਹ ਬੇਸੁੱਧ ਸੜਕ 'ਤੇ ਸੁੱਤਾ ਹੋਇਆ ਹੈ। ਇਸ ਦਰਮਿਆਨ ਜੰਗਲ ਮਹਿਕਮੇ ਦੇ ਕਾਮੇ ਅਤੇ ਪੁਲਸ ਦੇ ਗਾਰਡ ਗੈਂਡੇ ਦੀ ਸੁਰੱਖਿਆ ਕਰਨ ਨਾਲ ਹੀ ਹਾਈਵੇਅ 'ਤੇ ਵਾਹਨਾਂ ਅਤੇ ਲੋਕਾਂ ਦੀ ਆਵਾਜਾਈ ਨੂੰ ਵੀ ਯਕੀਨੀ ਕਰ ਰਹੇ ਹਨ। ਦੱਸ ਦੇਈਏ ਕਿ ਅਸਾਮ ਦੇ ਕਾਜੀਰੰਗਾ ਨੈਸ਼ਨਲ ਪਾਰਕ ਦਾ 80 ਫੀਸਦੀ ਹਿੱਸਾ ਪਾਣੀ 'ਚ ਡੁੱਬ ਚੁੱਕਾ ਹੈ, ਜਿਸ ਕਾਰਨ ਕਈ ਗੈਂਡੇ ਮੌਤ ਦੇ ਮੂੰਹ 'ਚ ਚੱਲੇ ਗਏ। ਕਈ ਹਿਰਨ ਵੀ ਪਾਣੀ ਦੇ ਵਹਾਅ ਵਿਚ ਇੱਧਰ-ਉੱਧਰ ਵਹਿ ਗਏ।