ਵਿਦੇਸ਼ੀ ਉਤਪਾਦ ਖ਼ਰੀਦਣ ਵਾਲਿਆਂ ਚ ਭਾਰਤੀ ਸਭ ਤੋਂ ਅੱਗੇ, 67% ਭਾਰਤੀ ਖਰੀਦ ਰਹੇ ਹਨ foreign goods

ਨਵੀਂ ਦਿੱਲੀ - ਵਿਦੇਸ਼ੀ ਉਤਪਾਦ ਖਰੀਦਣ ਵਿੱਚ ਭਾਰਤੀ ਗਾਹਕ ਸਭ ਤੋਂ ਅੱਗੇ ਹਨ। ਅਵਲਾਇ ਦੁਆਰਾ ਪ੍ਰਕਾਸ਼ਿਤ ਇੱਕ ਸਰਵੇਖਣ ਅਨੁਸਾਰ ਭਾਰਤ ਵਿੱਚ 67% ਲੋਕਾਂ ਨੇ ਵਿਦੇਸ਼ੀ ਚੀਜ਼ਾਂ ਖਰੀਦੀਆਂ ਹਨ, ਜਦੋਂ ਕਿ ਇਹ ਅੰਕੜਾ ਅਮਰੀਕਾ ਵਿੱਚ 37% ਅਤੇ ਬਰਤਾਨੀਆ ਵਿੱਚ 27% ਹੈ।

ਰਿਪੋਰਟ ਮੁਤਾਬਕ 76% ਭਾਰਤੀ ਖਪਤਕਾਰਾਂ ਦਾ ਮੰਨਣਾ ਹੈ ਕਿ ਵਿਦੇਸ਼ੀ ਉਤਪਾਦ ਦੇਸੀ ਉਤਪਾਦਾਂ ਨਾਲੋਂ ਬਿਹਤਰ ਹਨ। 61% ਤੋਂ ਵੱਧ ਖਪਤਕਾਰ ਵਿਦੇਸ਼ੀ ਉਤਪਾਦਾਂ ਨੂੰ ਖਰੀਦਣ ਲਈ ਪ੍ਰਮੁੱਖ ਔਨਲਾਈਨ ਈ-ਕਾਮਰਸ ਪਲੇਟਫਾਰਮਾਂ ਦੀ ਵਰਤੋਂ ਕਰਦੇ ਹਨ। ਹਾਲਾਂਕਿ, ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਸਿੱਧੀ ਖਰੀਦ ਦੇ ਵਿਕਲਪ ਉਪਲਬਧ ਹੋਣ ਦੇ ਬਾਵਜੂਦ, ਸਿਰਫ 4.8% ਉਪਭੋਗਤਾ ਸੋਸ਼ਲ ਮੀਡੀਆ ਦੁਆਰਾ ਖਰੀਦਦਾਰੀ ਕਰਦੇ ਹਨ।

ਸਰਵੇਖਣ 'ਚ ਸ਼ਾਮਲ ਦੇਸ਼ਾਂ 'ਚ ਭਾਰਤ ਤੀਜੇ ਨੰਬਰ 'ਤੇ ਹੈ, ਜੋ ਈ-ਕਾਮਰਸ ਸਾਈਟਾਂ 'ਤੇ ਨਿਰਭਰ ਕਰਦਾ ਹੈ। ਇਸ ਸਰਵੇਖਣ ਵਿੱਚ ਭਾਰਤ, ਅਮਰੀਕਾ, ਬ੍ਰਿਟੇਨ ਅਤੇ ਹੋਰ ਦੇਸ਼ਾਂ ਦੇ ਕਰੀਬ 8200 ਉੱਤਰਦਾਤਾਵਾਂ ਤੋਂ ਪ੍ਰਾਪਤ ਅੰਕੜਿਆਂ ਦਾ ਅਧਿਐਨ ਕੀਤਾ ਗਿਆ।

ਮੇਕ ਇਨ ਇੰਡੀਆ ਈ-ਕਾਮਰਸ ਮਾਰਕੀਟ ਨੂੰ ਦਿੰਦਾ ਹੈ ਵੱਡਾ ਹੁਲਾਰਾ 

ਪਾਇਨੀਅਰ ਦੀ ਰਿਪੋਰਟ ਅਨੁਸਾਰ, ਭਾਰਤ ਸਰਕਾਰ ਦੀ ਮੇਕ ਇਨ ਇੰਡੀਆ ਮੁਹਿੰਮ ਨੇ ਭਾਰਤੀ ਈ-ਕਾਮਰਸ ਮਾਰਕੀਟ ਵਿੱਚ ਮਹੱਤਵਪੂਰਨ ਵਾਧਾ ਕੀਤਾ ਹੈ। ਇਸ ਨੇ ਇਕ ਸਾਲ 'ਚ ਤੈਅ ਕੀਤੇ 40 ਹਜ਼ਾਰ ਕਰੋੜ ਡਾਲਰ ਦੇ ਟੀਚੇ ਨੂੰ ਪਾਰ ਕਰ ਲਿਆ ਹੈ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਇਹ ਵਾਧਾ 'ਮੇਕ ਇਨ ਇੰਡੀਆ' ਪ੍ਰੋਗਰਾਮ ਅਤੇ ਵਿਸ਼ਵ ਪੱਧਰ 'ਤੇ ਗਾਹਕਾਂ ਦੀਆਂ ਵਧਦੀਆਂ ਮੰਗਾਂ ਕਾਰਨ ਹੋਇਆ ਹੈ।

ਵਿਦੇਸ਼ੀ ਫੈਸ਼ਨ ਉਤਪਾਦਾਂ ਦੀ ਸਭ ਤੋਂ ਵੱਧ ਮੰਗ

ਭਾਰਤ ਵਿੱਚ ਖਰੀਦੇ ਗਏ ਵਿਦੇਸ਼ੀ ਉਤਪਾਦਾਂ ਵਿੱਚੋਂ, ਅੰਤਰਰਾਸ਼ਟਰੀ ਫੈਸ਼ਨ ਉਤਪਾਦਾਂ ਦੀ ਸਭ ਤੋਂ ਵੱਧ ਮੰਗ ਹੈ। ਇਨ੍ਹਾਂ ਤੋਂ ਬਾਅਦ ਇਲੈਕਟ੍ਰਾਨਿਕ ਉਪਕਰਨਾਂ ਖਾਸ ਕਰਕੇ ਮੋਬਾਈਲ ਫੋਨ, ਟੈਬਲੇਟ, ਲੈਪਟਾਪ ਆਦਿ ਦੀ ਬਹੁਤ ਮੰਗ ਹੈ। ਖਾਸ ਗੱਲ ਇਹ ਹੈ ਕਿ 45% ਭਾਰਤੀ ਖਰੀਦਦਾਰ ਵਿਦੇਸ਼ੀ ਉਤਪਾਦਾਂ 'ਤੇ ਲਗਾਈ ਗਈ ਕਸਟਮ ਡਿਊਟੀ ਤੋਂ ਜਾਣੂ ਨਹੀਂ ਹਨ।

ਭਾਰਤੀ ਉਤਪਾਦਾਂ ਨੂੰ ਵੇਚਣ ਵਿੱਚ ਮਾਰਕੀਟਿੰਗ ਸਭ ਤੋਂ ਵੱਡੀ ਕਮਜ਼ੋਰੀ 

ਇੱਕ ਤਿਹਾਈ ਭਾਰਤੀ ਵਿਕਰੇਤਾਵਾਂ ਦਾ ਮੰਨਣਾ ਹੈ ਕਿ ਭਾਰਤੀ ਉਤਪਾਦ ਵੇਚਣ ਵਿੱਚ ਮਾਰਕੀਟਿੰਗ ਉਨ੍ਹਾਂ ਦੀ ਸਭ ਤੋਂ ਵੱਡੀ ਕਮਜ਼ੋਰੀ ਹੈ। 42% ਵੇਚਣ ਵਾਲਿਆਂ ਦਾ ਮੰਨਣਾ ਹੈ ਕਿ ਵਿਸ਼ਵ ਪੱਧਰ 'ਤੇ 'ਮੇਕ ਇਨ ਇੰਡੀਆ' ਪ੍ਰੋਗਰਾਮ ਨੂੰ ਉਤਸ਼ਾਹਿਤ ਕਰਨ ਦੀ ਲੋੜ ਹੈ। 94% ਦਾ ਮੰਨਣਾ ਹੈ ਕਿ 'ਮੇਕ ਇਨ ਇੰਡੀਆ' ਉਤਪਾਦ ਵਿਸ਼ਵ ਪੱਧਰ 'ਤੇ ਚੰਗੀ ਤਰ੍ਹਾਂ ਮੁਕਾਬਲਾ ਕਰਦੇ ਹਨ। 70% ਦਾ ਮੰਨਣਾ ਹੈ ਕਿ ਭਾਰਤੀ ਨਿਰਮਿਤ ਉਤਪਾਦਾਂ ਦੀ ਚੰਗੀ ਗੁਣਵੱਤਾ ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਉਹਨਾਂ ਦੀ ਮਦਦ ਕਰਦੀ ਹੈ।