ਇਸ ਮੱਛੀ ਨੇ ਬਜ਼ੁਰਗ ਬੀਬੀ ਨੂੰ ਬਣਾਇਆ ਰਾਤੋਂ ਰਾਤ ਅਮੀਰ

ਕੋਲਕਾਤਾ - ਪੱਛਮੀ ਬੰਗਾਲ ਦੀ ਇੱਕ ਬਜ਼ੁਰਗ ਬੀਬੀ ਨੇ ਨਾ ਤਾਂ ਕੋਈ ਬੈਂਕ, ਨਾ ਹੀ ਕੋਈ ਲਾਟਰੀ ਦਾ ਟਿਕਟ ਖਰੀਦਿਆ ਫਿਰ ਵੀ ਉਹ ਰਾਤੋਂ-ਰਾਤ ਅਮੀਰ ਹੋ ਗਈ ਜਿਸ ਦੀ ਵਜ੍ਹਾ ਜਾਣ ਕੇ ਤੁਸੀਂ ਹੈਰਾਨ ਰਹਿ ਜਾਣਗੇ। ਦਰਅਸਲ, ਬਜ਼ੁਰਗ ਬੀਬੀ ਨੇ ਸ਼ਨੀਵਾਰ ਨੂੰ ਇੱਕ ਵੱਡੀ ਮੱਛੀ ਫੜੀ ਸੀ ਜਿਸ ਦੇ ਲਈ ਉਸ ਨੂੰ 3 ਲੱਖ ਰੁਪਏ ਮਿਲੇ।

ਜਾਣਕਾਰੀ ਮੁਤਾਬਕ, ਦੱਖਣੀ 24 ਪਰਗਨਾ ਜ਼ਿਲ੍ਹੇ ਦੇ ਸੁੰਦਰਬਨ ਇਲਾਕੇ 'ਚ ਸਾਗਰ ਟਾਪੂ 'ਚ ਰਹਿਣ ਵਾਲੀ ਬਜ਼ੁਰਗ ਬੀਬੀ ਪੁਸ਼ਪਾ ਕਰ ਨੇ ਮੱਛੀ ਫੜਦੇ ਸਮੇਂ ਨਦੀ ਤੋਂ 52 ਕਿੱਲੋ ਦੀ ਮੱਛੀ ਕੱਢੀ। ਖਾਸ ਗੱਲ ਇਹ ਹੈ ਕਿ ਮੱਛੀ ਲਈ ਉਸ ਨੂੰ ਪ੍ਰਤੀ ਕਿੱਲੋ 6200 ਰੁਪਏ ਮਿਲੇ। ਬਜ਼ੁਰਗ ਬੀਬੀ ਨੂੰ ਮੱਛੀ ਲਈ ਕੁਲ 3 ਲੱਖ ਤੋਂ ਜ਼ਿਆਦਾ ਦੀ ਰਾਸ਼ੀ ਪ੍ਰਾਪਤ ਹੋਈ। ਬੀਬੀ ਨੇ ਕਦੇ ਸੁਪਨੇ 'ਚ ਵੀ ਨਹੀਂ ਸੋਚਿਆ ਸੀ ਕਿ ਉਸ ਨੂੰ ਇੱਕ ਮੱਛੀ ਲਈ ਇੰਨੀ ਵੱਡੀ ਰਕਮ ਮਿਲੇਗੀ।

ਪਿੰਡ ਵਾਲਿਆਂ ਦਾ ਕਹਿਣਾ ਹੈ ਕਿ ਇਹ ਵਿਸ਼ਾਲ ਮੱਛੀ ਸ਼ਾਇਦ ਇੱਕ ਲੰਘਦੇ ਹੋਏ ਜਹਾਜ਼ ਨਾਲ ਟਕਰਾ ਗਈ ਸੀ ਜਿਸ ਤੋਂ ਬਾਅਦ ਉਹ ਮਰ ਗਈ ਹੋਵੇਗੀ। ਕਿਸਮਤ ਨਾਲ ਉਸ ਮੱਛੀ ਨੂੰ ਕਿਸੇ ਸਮੁੰਦਰੀ ਜੀਵ ਨੇ ਨਹੀਂ ਖਾਧਾ, ਇੱਥੇ ਤੱਕ ਕਿ ਉਹ ਉਦੋਂ ਤੱਕ ਸੜਨਾ ਵੀ ਸ਼ੁਰੂ ਨਹੀਂ ਹੋਈ ਸੀ। ਪੁਸ਼ਪਾ ਕਰ ਦਾ ਕਹਿਣਾ ਹੈ ਕਿ ਉਹ ਮੱਛੀ ਫੜਨ ਗਈ ਸੀ ਇਸ ਦੌਰਾਨ ਉਸ ਨੇ ਨਦੀ 'ਚ ਵੱਡੀ ਮੱਛੀ ਨੂੰ ਤੈਰਦੇ ਹੋਏ ਦੇਖਿਆ ਤਾਂ ਉਸ ਨੇ ਨਦੀ 'ਚ ਛਾਲ ਮਾਰ ਦਿੱਤੀ।

ਬੀਬੀ ਨੂੰ ਉਸ ਮੱਛੀ ਨੂੰ ਤੈਰ ਕੇ ਲਿਆਉਣ 'ਚ ਕਾਫ਼ੀ ਮਸ਼ੱਕਤ ਕਰਨੀ ਪਈ ਪਰ ਕੁੱਝ ਸਮੇਂ 'ਚ ਉਹ ਮੱਛੀ ਫੜਕੇ ਕੰਡੇ ਲੈ ਆਈ। ਜਿੱਥੇ ਲੋਕਾਂ ਨੇ ਦੱਸਿਆ ਕਿ ਇਹ ਭੋਲਾ ਮੱਛੀ ਹੈ। ਹਾਲਾਂਕਿ, ਮੱਛੀ ਸੜਨਾ ਸ਼ੁਰੂ ਹੋ ਗਈ ਸੀ, ਮੱਛੀ ਰਬੜ ਵਰਗੀ ਹੋਣ ਲੱਗੀ ਸੀ। ਉਸ ਮੱਛੀ ਨੂੰ ਭਾਵੇ ਖਾਧਾ ਨਹੀਂ ਜਾ ਸਕਦਾ ਸੀ ਪਰ ਇਸ ਦੀ ਵਰਤੋ ਹੋਰ ਉਦੇਸ਼ਾਂ ਲਈ ਕੀਤਾ ਜਾ ਸਕਦਾ ਸੀ। ਦੱਖਣੀ-ਪੂਰਬੀ ਏਸ਼ੀਆ ਦੇ ਦੇਸ਼ਾਂ 'ਚ ਮੱਛੀ ਦੇ ਬਲਬਰ ਵਰਗੇ ਆਰਗੰਸ ਦਾ ਨਿਰਿਆਤ ਕੀਤਾ ਜਾਂਦਾ ਹੈ।

ਡਰਾਈ ਬਲਬਰ ਜਾਂ ਫਿਸ਼ ਮਾਵਾਂ 80,000 ਰੁਪਏ ਪ੍ਰਤੀ ਕਿੱਲੋ ਦੇ ਹਿਸਾਬ ਨਾਲ ਮਿਲ ਸਕਦੀ ਹੈ। ਮੱਛੀ ਦੀ ਵਰਤੋ ਦਵਾਈਆਂ ਲਈ ਵੀ ਕੀਤਾ ਜਾ ਸਕਦਾ ਹੈ। ਬਜ਼ੁਰਗ ਬੀਬੀ ਲਈ ਇੱਕ ਅਜਿਹਾ ਪਲ ਸੀ ਜਿਸ ਨੂੰ ਉਹ ਲੰਬੇ ਸਮੇਂ ਤੱਕ ਨਹੀਂ ਭੁੱਲ ਸਕੇਗੀ। ਬਜ਼ੁਰਗ ਬੀਬੀ ਦੀ ਪੈਸੇ ਮਿਲਣ ਤੋਂ ਬਾਅਦ ਆਰਥਿਕ ਮੁਸ਼ਕਲਾਂ ਵੀ ਕਾਫ਼ੀ ਘੱਟ ਹੋ ਜਾਣਗੀਆਂ।