ਹੈਂ! ਯਾਤਰੀ ਦੇ ਬੈਗ 'ਚੋਂ ਮਿਲੇ 45 ਜਾਨਵਰ, ਦਮ ਘੁੱਟਣ ਕਾਰਨ ਕਈਆਂ ਦੀ ਮੌਤ

 ਮੁੰਬਈ- ਮੁੰਬਈ ਦੇ ਛਤਰਪਤੀ ਸ਼ਿਵਾਜੀ ਮਹਾਰਾਜ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਕਸਟਮ ਅਧਿਕਾਰੀਆਂ ਨੇ ਸ਼ਨੀਵਾਰ ਨੂੰ ਇੱਕ ਯਾਤਰੀ ਤੋਂ 'ਰੈਕੂਨ', ਕਾਲਾ ਲੂੰਬੜੀ ਅਤੇ 'ਇਗੁਆਨਾ' ਸਮੇਤ 45 ਜੰਗਲੀ ਜਾਨਵਰ ਜ਼ਬਤ ਕੀਤੇ। ਇੱਕ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿੱਤੀ। ਅਧਿਕਾਰੀ ਨੇ ਕਿਹਾ ਕਿ ਇਸ ਯਾਤਰੀ ਨੂੰ ਸਵੇਰੇ ਥਾਈ ਏਅਰਵੇਜ਼ ਦੀ ਉਡਾਣ ਰਾਹੀਂ ਇੱਥੇ ਪਹੁੰਚਣ 'ਤੇ ਫੜਿਆ ਗਿਆ। ਉਨ੍ਹਾਂ ਕਿਹਾ ਕਿ ਬੈਗ ਦੀ ਤਲਾਸ਼ੀ ਲੈਂਦੇ ਸਮੇਂ ਕਸਟਮ ਵਿਭਾਗ ਦੀ ਟੀਮ ਨੂੰ 45 ਜਾਨਵਰ ਮਿਲੇ, ਜਿਨ੍ਹਾਂ ਵਿੱਚ 'ਰੈਕੂਨ', 'ਹਾਇਰੈਕਸ (ਜੋ ਕਿ ਖਰਗੋਸ਼ ਵਰਗਾ ਲੱਗਦਾ ਹੈ)', ਕਾਲਾ ਲੂੰਬੜੀ ਅਤੇ 'ਇਗੁਆਨਾ' ਆਦਿ ਸ਼ਾਮਲ ਸਨ। ਅਧਿਕਾਰੀਆਂ ਨੇ ਕਿਹਾ ਕਿ ਜਿਸ ਤਰੀਕੇ ਨਾਲ ਇਨ੍ਹਾਂ ਜਾਨਵਰਾਂ ਦੀ ਤਸਕਰੀ ਕੀਤੀ ਜਾ ਰਹੀ ਸੀ, ਉਨ੍ਹਾਂ ਵਿੱਚੋਂ ਬਹੁਤਿਆਂ ਦੀ ਮੌਤ ਦਮ ਘੁੱਟਣ ਕਾਰਨ ਹੋਈ ਸੀ। ਅਧਿਕਾਰੀ ਨੇ ਕਿਹਾ ਕਿ 'ਰੇਸਕਿੰਕ ਐਸੋਸੀਏਸ਼ਨ ਫਾਰ ਵਾਈਲਡਲਾਈਫ ਵੈਲਫੇਅਰ' ਦੇ ਮਾਹਿਰਾਂ ਨੇ ਜਾਨਵਰਾਂ ਦੀ ਦੇਖਭਾਲ ਅਤੇ ਸਥਿਰਤਾ ਵਿੱਚ ਮਦਦ ਕੀਤੀ, ਜਿਨ੍ਹਾਂ ਨੂੰ ਜੰਗਲੀ ਜੀਵ ਸੁਰੱਖਿਆ ਐਕਟ ਦੇ ਉਪਬੰਧਾਂ ਅਨੁਸਾਰ ਉਨ੍ਹਾਂ ਦੇ ਮੂਲ ਦੇਸ਼ ਵਾਪਸ ਭੇਜਿਆ ਜਾਵੇਗਾ।