ਦੇਸ਼ ''ਚ ਲਗਾਤਾਰ ਵਧ ਰਹੀਆਂ ਨੌਕਰੀਆਂ, EPFO ​​''ਚ ਸ਼ਾਮਲ 18.81 ਲੱਖ ਕਰਮਚਾਰੀ

ਨਵੀਂ ਦਿੱਲੀ : ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (ਈਪੀਐੱਫਓ) ਨੇ ਸਤੰਬਰ ਵਿੱਚ 18.81 ਲੱਖ ਮੈਂਬਰ ਜੋੜੇ ਹਨ। ਇਹ ਪਿਛਲੇ ਸਾਲ ਦੇ ਇਸੇ ਮਹੀਨੇ ਨਾਲੋਂ 9.33 ਫ਼ੀਸਦੀ ਜ਼ਿਆਦਾ ਹੈ। ਇਸ ਤੋਂ ਪਤਾ ਲੱਗਦਾ ਹੈ ਕਿ ਸੰਗਠਿਤ ਖੇਤਰ ਵਿੱਚ ਨੌਕਰੀਆਂ ਵਧੀਆਂ ਹਨ। ਈਪੀਐੱਫਓ ਦੇ ਪੇਰੋਲ ਡੇਟਾ ਅਨੁਸਾਰ ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ ਨੇ ਸਤੰਬਰ, 2024 ਵਿੱਚ 9.47 ਲੱਖ ਨਵੇਂ ਮੈਂਬਰ ਸ਼ਾਮਲ ਕੀਤੇ। ਇਹ ਸਤੰਬਰ 2023 ਦੇ ਮੁਕਾਬਲੇ 6.22 ਫ਼ੀਸਦੀ ਜ਼ਿਆਦਾ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਨਵੀਂ ਮੈਂਬਰਸ਼ਿਪ ਵਿਚ ਵਾਧੇ ਦਾ ਕਾਰਨ ਰੁਜ਼ਗਾਰ ਦੇ ਵਧੇ ਮੌਕਿਆਂ, ਕਰਮਚਾਰੀਆਂ ਦੇ ਲਾਭਾਂ ਅਤੇ ਈਪੀਐਫਓ ਦੇ ਪ੍ਰਚਾਰ ਪ੍ਰੋਗਰਾਮਾਂ ਬਾਰੇ ਵਧੀ ਜਾਗਰੂਕਤਾ ਨੂੰ ਮੰਨਿਆ ਜਾ ਸਕਦਾ ਹੈ।

ਇਹ ਵੀ ਪੜ੍ਹੋ - BREAKING : ਪਿਓ-ਪੁੱਤਰ ਨੇ ਸਾਈਡ ਨਾ ਦੇਣ 'ਤੇ ਸਕੂਲ ਵੈਨ 'ਤੇ ਚਲਾਈਆਂ ਤਾਬੜਤੋੜ ਗੋਲੀਆਂ

ਬਿਆਨ ਅਨੁਸਾਰ EPFO ​​ਨੇ ਸਤੰਬਰ, 2024 ਲਈ ਅਸਥਾਈ 'ਪੇਰੋਲ' ਡੇਟਾ ਜਾਰੀ ਕੀਤਾ ਹੈ। ਇਸ ਤਹਿਤ 18.81 ਲੱਖ ਮੈਂਬਰ ਇਸ ਦੀ ਸਮਾਜਿਕ ਸੁਰੱਖਿਆ ਯੋਜਨਾ ਵਿੱਚ ਸ਼ਾਮਲ ਹੋਏ। ਇਹ ਸਤੰਬਰ, 2023 ਦੇ ਮੁਕਾਬਲੇ 9.33 ਫ਼ੀਸਦੀ ਜ਼ਿਆਦਾ ਹੈ। ਅੰਕੜਿਆਂ ਅਨੁਸਾਰ ਕੁੱਲ ਜੋੜੇ ਗਏ ਮੈਂਬਰਾਂ ਵਿੱਚ 18 ਤੋਂ 25 ਸਾਲ ਦੀ ਉਮਰ ਦੇ ਲੋਕਾਂ ਦੀ ਗਿਣਤੀ ਜ਼ਿਆਦਾ ਹੈ। ਸਤੰਬਰ 2024 ਵਿੱਚ ਸ਼ਾਮਲ ਕੀਤੇ ਗਏ ਕੁੱਲ ਨਵੇਂ ਮੈਂਬਰਾਂ ਵਿੱਚ ਉਨ੍ਹਾਂ ਦੀ ਹਿੱਸੇਦਾਰੀ 59.95 ਫ਼ੀਸਦੀ ਹੈ। ਸਤੰਬਰ, 2024 ਲਈ 18 ਤੋਂ 25 ਸਾਲ ਦੀ ਉਮਰ ਦੇ 8.36 ਲੱਖ ਮੈਂਬਰ ਸ਼ਾਮਲ ਹੋਏ। ਇਹ ਸਤੰਬਰ 2023 ਦੇ ਅੰਕੜਿਆਂ ਨਾਲੋਂ 9.14 ਫ਼ੀਸਦੀ ਜ਼ਿਆਦਾ ਹੈ। ਇਹ ਪਹਿਲਾਂ ਦੇ ਰੁਝਾਨ ਨਾਲ ਮੇਲ ਖਾਂਦਾ ਹੈ। ਇਹ ਸੁਝਾਅ ਦਿੰਦਾ ਹੈ ਕਿ ਸੰਗਠਿਤ ਕਰਮਚਾਰੀਆਂ ਵਿੱਚ ਸ਼ਾਮਲ ਹੋਣ ਵਾਲੇ ਜ਼ਿਆਦਾਤਰ ਵਿਅਕਤੀ ਨੌਜਵਾਨ ਹਨ। 

ਇਹ ਵੀ ਪੜ੍ਹੋ - ਦਿੱਲੀ ਵਿਧਾਨ ਸਭਾ ਚੋਣਾਂ: 'ਆਪ' ਨੇ ਐਲਾਨ 'ਤੇ ਉਮੀਦਵਾਰ, ਆ ਗਈ ਪੂਰੀ LIST

ਮੁੱਖ ਤੌਰ 'ਤੇ ਇਹ ਉਹ ਲੋਕ ਹਨ, ਜਿਨ੍ਹਾਂ ਨੂੰ ਪਹਿਲੀ ਵਾਰ ਨੌਕਰੀ ਮਿਲੀ ਹੈ। ਅੰਕੜਿਆਂ ਅਨੁਸਾਰ, ਲਗਭਗ 14.10 ਲੱਖ ਮੈਂਬਰ ਬਾਹਰ ਨਿਕਲੇ ਅਤੇ ਬਾਅਦ ਵਿੱਚ EPFO ​​ਵਿੱਚ ਦੁਬਾਰਾ ਸ਼ਾਮਲ ਹੋਏ। ਇਹ ਅੰਕੜਾ ਸਾਲਾਨਾ ਆਧਾਰ 'ਤੇ 18.19 ਫ਼ੀਸਦੀ ਜ਼ਿਆਦਾ ਹੈ। ਮਰਦ-ਔਰਤ ਦੇ ਆਧਾਰ 'ਤੇ ਸਮੀਖਿਆ ਅਧੀਨ ਮਹੀਨੇ ਦੌਰਾਨ ਲਗਭਗ 2.47 ਲੱਖ ਔਰਤਾਂ ਨੂੰ ਨਵੇਂ ਮੈਂਬਰ ਵਜੋਂ ਸ਼ਾਮਲ ਕੀਤਾ ਗਿਆ। ਇਹ ਸਾਲਾਨਾ ਆਧਾਰ 'ਤੇ 9.11 ਫ਼ੀਸਦੀ ਜ਼ਿਆਦਾ ਹੈ। ਕੁੱਲ ਮਹਿਲਾ ਮੈਂਬਰਾਂ ਦੀ ਗਿਣਤੀ ਲਗਭਗ 12 ਫ਼ੀਸਦੀ ਵਧ ਕੇ ਲਗਭਗ 3.70 ਲੱਖ ਹੋ ਗਈ ਹੈ। ਚੋਟੀ ਦੇ ਪੰਜ ਰਾਜਾਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਵਿੱਚ ਮਹੀਨੇ ਦੌਰਾਨ ਕੁੱਲ ਮੈਂਬਰਾਂ ਦੀ ਵਾਧਾ ਦਰ ਲਗਭਗ 59.86 ਪ੍ਰਤੀਸ਼ਤ ਜਾਂ 11.26 ਲੱਖ ਹੈ। ਮਹਾਰਾਸ਼ਟਰ ਸਾਰੇ ਰਾਜਾਂ ਵਿੱਚੋਂ ਸਿਖਰ ’ਤੇ ਰਿਹਾ। ਸਮੀਖਿਆ ਅਧੀਨ ਮਹੀਨੇ 'ਚ ਇਸ ਨੇ 21.20 ਫੀਸਦੀ ਸ਼ੁੱਧ ਮੈਂਬਰਾਂ ਨੂੰ ਜੋੜਿਆ।

ਇਹ ਵੀ ਪੜ੍ਹੋ - ਵੱਡੀ ਖ਼ਬਰ : ਇਨ੍ਹਾਂ 7 ਜ਼ਿਲ੍ਹਿਆਂ 'ਚ 3 ਦਿਨ ਬੰਦ ਰਹਿਣਗੀਆਂ ਇੰਟਰਨੈਟ ਸੇਵਾਵਾਂ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8