‘ਪੱਛਮੀ ਏਸ਼ੀਆ ਤਣਾਅ ਕਾਰਨ ਭਾਰਤ, ਹੋਰ ਏਸ਼ੀਆਈ ਦੇਸ਼ਾਂ ਲਈ ਜੋਖਮ ਵਧਿਆ’

ਬਿਜ਼ਨੈੱਸ ਡੈਸਕ - ਪੱਛਮੀ ਏਸ਼ੀਆ ’ਚ ਫੌਜੀ ਸੰਘਰਸ਼ ਤੇਜ਼ ਹੋਣ ਕਾਰਨ ਭਾਰਤ ਅਤੇ ਏਸ਼ੀਆ ਦੇ ਹੋਰ ਵਸਤੂ ਦਰਾਮਦਕਾਰ ਦੇਸ਼ਾਂ ਲਈ ਜੋਖਮ ਵਧ ਗਿਆ ਹੈ। ਊਰਜਾ ਅਤੇ ਵਪਾਰ ਮਾਰਗ ਪ੍ਰਭਾਵਿਤ ਹੋਣ ਕਾਰਨ ਸਪਲਾਈ ਅਤੇ ਕੀਮਤਾਂ ’ਚ ਦਬਾਅ ਵਧ ਸਕਦਾ ਹੈ। ਮੂਡੀਜ਼ ਐਨਾਲਿਟਿਕਸ ਨੇ ਇਹ ਖਦਸ਼ਾ ਪ੍ਰਗਟਾਇਆ।

ਇਹ ਵੀ ਪੜ੍ਹੋ :  ਟੈਕਸ ਬਚਾਉਣ ਦੇ ਚੱਕਰ ’ਚ ਦੁਬਈ ਗਏ ਭਾਰਤੀਆਂ ਦੀ ਵਧੀ ਮੁਸੀਬਤ, ਜਾਣੋ ਨਿਵੇਸ਼ ’ਤੇ ਕੀ ਹੋ ਸਕਦੈ ਅਸਰ

ਈਰਾਨ ’ਤੇ ਅਮਰੀਕਾ ਅਤੇ ਇਜ਼ਰਾਈਲ ਦੀ ਸਾਂਝੀ ਫੌਜੀ ਕਾਰਵਾਈ ਅਤੇ ਉਸ ਤੋਂ ਬਾਅਦ ਈਰਾਨ ਦੇ ਜਵਾਬੀ ਹਮਲਿਆਂ ਕਾਰਨ ਕੱਚੇ ਤੇਲ ਅਤੇ ਗੈਸ ਦੀ ਸਪਲਾਈ ਦੇ ਪ੍ਰਮੁੱਖ ਮਾਰਗ ਹੋਰਮੁਜ਼ ਜਲਡਮਰੂਮੱਧ ਪ੍ਰਭਾਵਸ਼ਾਲੀ ਤੌਰ ’ਤੇ ਬੰਦ ਹੋ ਗਿਆ ਹੈ। ਇਹ ਜਲਡਮਰੂਮੱਧ ਗਲੋਬਲ ਊਰਜਾ ਸਪਲਾਈ ਦਾ ਪ੍ਰਮੁੱਖ ਮਾਰਗ ਹੈ, ਜਿੱਥੋਂ ਦੁਨੀਆ ਦੇ ਸਮੁੰਦਰੀ ਮਾਰਗ ਰਾਹੀਂ ਹੋਣ ਵਾਲੀ ਕੱਚੇ ਤੇਲ ਦੀ ਬਰਾਮਦ ਦਾ ਲੱਗਭਗ ਇਕ-ਤਿਹਾਈ ਅਤੇ ਤਰਲੀਕ੍ਰਿਤ ਕੁਦਰਤੀ ਗੈਸ (ਐੱਲ. ਐੱਨ. ਜੀ.) ਦੀ ਲੱਗਭਗ 20 ਫੀਸਦੀ ਖੇਪ ਲੰਘਦੀ ਹੈ। ਦੁਨੀਆ ਦਾ ਤੀਜਾ ਸਭ ਤੋਂ ਵੱਡਾ ਤੇਲ ਦਰਾਮਦਕਾਰ ਭਾਰਤ ਆਪਣੀਆਂ ਲੋੜਾਂ ਦਾ ਲੱਗਭਗ ਅੱਧਾ ਕੱਚਾ ਤੇਲ ਇਸੇ ਮਾਰਗ ਰਾਹੀਂ ਦਰਾਮਦ ਕਰਦਾ ਹੈ।

ਹੋਰਮੁਜ਼ ਜਲਡਮਰੂਮੱਧ ਬੰਦ ਹੋਣ ਕਾਰਨ ਏਸ਼ੀਆ ਖੇਤਰ ਹੋਵੇਗਾ ਸਭ ਤੋਂ ਵੱਧ ਪ੍ਰਭਾਵਿਤ

ਮੂਡੀਜ਼ ਨੇ ਮੌਜੂਦਾ ਹਾਲਾਤ ’ਤੇ ਆਪਣੀ ਰਿਪੋਰਟ ’ਚ ਕਿਹਾ, ‘‘ਹੋਰਮੁਜ਼ ਜਲਡਮਰੂਮੱਧ ਦੇ ਬੰਦ ਹੋਣ ਕਾਰਨ ਲਾਲ ਸਾਗਰ ਅਤੇ ਵਿਆਪਕ ਪੱਛਮੀ ਏਸ਼ੀਆ ’ਚ ਹੋਰ ਰੁਕਾਵਟਾਂ ਦਾ ਜੋਖਮ ਵਧ ਗਿਆ ਹੈ। ਹਵਾਈ ਖੇਤਰ ਬੰਦ ਹੋਣ ਕਾਰਨ ਯਾਤਰੀ ਅਤੇ ਕਾਰਗੋ ਉਡਾਣਾਂ ’ਤੇ ਵੀ ਅਸਰ ਪਿਆ ਹੈ।’’

ਇਹ ਵੀ ਪੜ੍ਹੋ :   15 ਮਹੀਨਿਆਂ ਦੇ ਉੱਚ ਪੱਧਰ 'ਤੇ ਕੱਚੇ ਤੇਲ ਦੀਆਂ ਕੀਮਤਾਂ , ਕਈ ਸ਼ਹਿਰਾਂ 'ਚ ਬਦਲ ਗਏ ਪੈਟਰੋਲ-ਡੀਜ਼ਲ ਦੇ ਭਾਅ

ਇਸ ਮਾਰਗ ਦੇ ਬੰਦ ਹੋਣ ਕਾਰਨ ਏਸ਼ੀਆ ਖੇਤਰ ਸਭ ਤੋਂ ਵੱਧ ਪ੍ਰਭਾਵਿਤ ਹੋ ਸਕਦਾ ਹੈ ਕਿਉਂਕਿ ਚੀਨ, ਭਾਰਤ, ਜਾਪਾਨ ਅਤੇ ਦੱਖਣੀ ਕੋਰੀਆ ਵਰਗੇ ਵੱਡੇ ਦੇਸ਼ ਇਸ ਖੇਤਰ ਤੋਂ ਤੇਲ-ਗੈਸ ਦੀ ਵੱਡੇ ਪੱਧਰ ’ਤੇ ਖਰੀਦ ਕਰਦੇ ਹਨ।

ਉੱਚੀਆਂ ਜਿਣਸ ਕੀਮਤਾਂ ਵਧਾ ਸਕਦੀਆਂ ਹਨ ਮਹਿੰਗਾਈ

ਮੂਡੀਜ਼ ਨੇ ਸੁਚੇਤ ਕੀਤਾ ਕਿ ਉੱਚੀਆਂ ਜਿਣਸ ਕੀਮਤਾਂ ਖਪਤਕਾਰ ਅਤੇ ਉਤਪਾਦਕ ਮਹਿੰਗਾਈ ਨੂੰ ਵਧਾ ਸਕਦੀਆਂ ਹਨ, ਜਿਸ ਨਾਲ ਕੇਂਦਰੀ ਬੈਂਕਾਂ ਨੂੰ ਵਿਆਜ ਦਰਾਂ ’ਚ ਕਟੌਤੀ ਰੋਕਣੀ ਪੈ ਸਕਦੀ ਹੈ ਜਾਂ ਦਰਾਂ ਵਧਾਉਣੀਆਂ ਪੈ ਸਕਦੀਆਂ ਹਨ। ਅਜਿਹਾ ਹੋਣ ’ਤੇ ਦਰਾਮਦ ਬਿੱਲ ਵਧੇਗਾ, ਵਪਾਰ ਘਾਟਾ ਵਧੇਗਾ ਅਤੇ ਕਰੰਸੀ ’ਤੇ ਵੀ ਦਬਾਅ ਪੈ ਸਕਦਾ ਹੈ।

ਇਹ ਵੀ ਪੜ੍ਹੋ :  ਈਰਾਨ-ਇਜ਼ਰਾਈਲ ਜੰਗ ਦੌਰਾਨ Gold-Silver ਦੀਆਂ ਕੀਮਤਾਂ 'ਚ ਭਾਰੀ ਉਛਾਲ; ਜਾਣੋ 24 ਕੈਰੇਟ ਸੋਨੇ ਦੇ ਭਾਅ

ਏਜੰਸੀ ਨੇ ਕਿਹਾ, ‘‘ਇਹ ਸੰਘਰਸ਼ ਭਾਰਤ ਲਈ ਸਥਿਤੀ ਨੂੰ ਹੋਰ ਗੁੰਝਲਦਾਰ ਬਣਾ ਦਿੰਦਾ ਹੈ। ਉਹ ਪੱਛਮੀ ਏਸ਼ੀਆ ਤੋਂ ਵੱਡੀ ਮਾਤਰਾ ’ਚ ਕੱਚਾ ਤੇਲ ਦਰਾਮਦ ਕਰਦਾ ਹੈ ਅਤੇ ਉਸ ਨੇ ਅਮਰੀਕਾ ਨਾਲ ਇਕ ਵਪਾਰ ਸਮਝੌਤੇ ਹੇਠ ਰੂਸ ਤੋਂ ਤੇਲ ਖਰੀਦ ਹੌਲੀ-ਹੌਲੀ ਘੱਟ ਕਰਨ ’ਤੇ ਵੀ ਸਹਿਮਤੀ ਪ੍ਰਗਟਾਈ ਹੈ।’’

ਇਹ ਵੀ ਪੜ੍ਹੋ :     1 ਅਪ੍ਰੈਲ ਤੋਂ ਬਦਲ ਜਾਣਗੇ PAN, Tax ਤੇ ITR ਨਿਯਮ, ਆਮ ਆਦਮੀ 'ਤੇ ਪਵੇਗਾ ਸਿੱਧਾ ਅਸਰ

ਓਪੇਕ ਪਲੱਸ ਨੇ ਵਧਾਇਆ ਉਤਪਾਦਨ

ਤਣਾਅ ਦੇ ਮਾਹੌਲ ਦਰਮਿਆਨ ਓਪੇਕ ਪਲੱਸ ਦੇਸ਼ਾਂ ਨੇ ਅਪ੍ਰੈਲ ਤੋਂ ਰੋਜ਼ਾਨਾ 2,06,000 ਬੈਰਲ ਤੇਲ ਉਤਪਾਦਨ ਵਧਾਉਣ ਦਾ ਫੈਸਲਾ ਕੀਤਾ ਹੈ। ਇਹ ਵਾਧਾ ਦਸੰਬਰ ’ਚ ਕੀਤੇ ਗਏ 1,37,000 ਬੈਰਲ ਪ੍ਰਤੀ ਦਿਨ ਦੇ ਵਾਧੇ ਤੋਂ ਲੱਗਭਗ ਡੇਢ ਗੁਣਾ ਜ਼ਿਆਦਾ ਹੈ। ਹਾਲਾਂਕਿ ਕਈ ਮੈਂਬਰ ਦੇਸ਼ਾਂ ਕੋਲ ਵਾਧੂ ਉਤਪਾਦਨ ਦੀ ਸਮਰੱਥਾ ਜ਼ਿਆਦਾ ਨਹੀਂ ਹੈ। ਜੇਕਰ ਹੋਰਮੁਜ਼ ਦੇ ਆਸ-ਪਾਸ ਤਣਾਅ ਬਣਿਆ ਰਹਿੰਦਾ ਹੈ, ਤਾਂ ਖਾੜੀ ਦੇਸ਼ਾਂ ਤੋਂ ਤੇਲ ਬਰਾਮਦ ’ਤੇ ਅਸਰ ਪੈ ਸਕਦਾ ਹੈ।

ਇਹ ਵੀ ਪੜ੍ਹੋ :    3 ਜਾਂ 4 ਮਾਰਚ: ਕਦੋਂ ਹੈ ਹੋਲੀ ਲਈ ਸਟਾਕ ਮਾਰਕੀਟ ਦੀ ਛੁੱਟੀ? ਦੇਖੋ ਛੁੱਟੀਆਂ ਦੀ ਸੂਚੀ


ਇਹ ਵੀ ਪੜ੍ਹੋ :   ਇੱਕ ਮਹੀਨੇ ਦੇ ਰਿਕਾਰਡ ਉੱਚ ਪੱਧਰ 'ਤੇ ਪਹੁੰਚਿਆ ਸੋਨਾ, ਮਾਹਰਾਂ ਨੇ ਕੀਤੀ ਹੈਰਾਨ ਕਰਦੀ ਭਵਿੱਖਬਾਣੀ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt