ਫਰਕ ਹੁੰਦਾ ਏ
04/20/2017 3:27:34 PM
ਫਰਕ ਹੁੰਦਾ ਏ
ਫਿਕਰਿਆਂ ਤੇ ਫੁਕਰਿਆਂ ''ਚ, ਫਰਕ ਹੁੰਦਾ ਏ
ਯਾਰਾਂ ਅਤੇ ਲੁੱਤਰਿਆਂ ਚ, ਫਰਕ ਹੁੰਦਾ ਏ
ਅੱਖਾਂ ਤੋਂ ਪਛਾਣੇ ਜਾਂਦੇ, ਅੱਖਾਂ ''ਚੋਂ ਡਿੱਗਿਓ
ਸੱਚਿਆਂ ਤੇ ਮੁੱਕਰਿਆਂ ''ਚ, ਫਰਕ ਹੁੰਦਾ ਏ
ਦੰਗੇ ਨਹੀਂ ਸੀ ਹੋਏ, ਕਤਲੇਆਮ ਸੀ ਉਹ ਦਿੱਲੀਏ
ਮਰਿਆਂ ਤੇ ਕੁਤਰਿਆਂ ਚ, ਫਰਕ ਹੁੰਦਾ ਏ
ਗਿਦੜਾਂ ਨੇ ਸ਼ੇਰਾਂ ਦੇ ਕੀ, ਕਰਨੇ ਮੁਕਾਬਲੇ
ਬੰਦਿਆਂ ਤੇ ਖੁਸਰਿਆਂ ਚ, ਫਰਕ ਹੁੰਦਾ ਏ
ਅੱਡ ਹੁੰਦਾ ਵਿਆਹਾਂ ਅਤੇ ਕੋਠਿਆਂ ਤੇ ਨੱਚਣਾ
ਗਿੱਧਿਆਂ ਤੇ ਮੁਜਰਿਆਂ ''ਚ, ਫਰਕ ਹੁੰਦਾ ਏ
ਯਾਦਾਂ ''ਚ ਖੁੱਬੇ, ਯਾਦ ਆਉਂਦੇ ਸਾਰੀ ਜਿੰਦਗੀ
ਦਿਲਾਂ ''ਚ ਉਤਰਿਆਂ ਦਾ, ਫਰਕ ਹੁੰਦਾ ਏ
ਕਈ ਯਾਦ ਆਉਂਦੇ, ਕਈ ਭੁੱਲ ਜਾਂਦੇ ਆ
ਕੁਲਵੀਰ ਬੜਾ ਮੁੱਖੜੇਆਂ ''ਚ ,ਫਰਕ ਹੁੰਦਾ ਏ
-ਡਾਨਸੀਵਾਲ
