ਪੀ.ਏ. ਯੂ. ਦੇ ਬੀ. ਐਸ. ਸੀ. ਆਨਰਜ਼ (ਖੇਤੀਬਾੜੀ) 6 ਸਾਲਾਂ ਕੋਰਸ ਲਈ ਯੋਗਤਾ ਪਰੀਖਿਆ

ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਲੁਧਿਆਣਾ ਵਲੋਂ ਬੀ ਐਸ ਸੀ ਆਨਰਜ਼ (ਖੇਤੀਬਾੜੀ) 6 ਸਾਲਾਂ ਪ੍ਰੋਗਰਾਮ ਲਈ ਖੇਤੀ ਯੋਗਤਾ ਪਰੀਖਿਆ-2018 (ਏ ਏ ਟੀ) ਲਈ ਗਈ । ਯੂਨੀਵਰਸਿਟੀ ਅਧਿਕਾਰੀਆਂ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਬੀ ਐਸ ਸੀ ਆਨਰਜ਼ (ਖੇਤੀਬਾੜੀ) 6 ਸਾਲਾਂ (2+4) ਦੇ ਕੋਰਸ ਲਈ ਖੇਤੀਬਾੜੀ ਇੰਸਟੀਚਿਊਟ, ਬਠਿੰਡਾ ਅਤੇ ਖੇਤੀਬਾੜੀ ਇੰਸਟੀਚਿਊਟ ਗੁਰਦਾਸਪੁਰ ਵਿਖੇ ਦਾਖਲਾ ਲੈਣ ਲਈ ਕੁੱਲ 756 ਵਿਦਿਆਰਥੀਆਂ ਨੇ ਪਰੀਖਿਆ ਦਿੱਤੀ । ਕੁੱਲ ਪਹੁੰਚੇ ਵਿਦਿਆਰਥੀਆਂ ਵਿਚੋਂ 575 ਮੁੰਡੇ ਅਤੇ 181 ਕੁੜੀਆਂ ਸਨ । ਇਸ ਪਰੀਖਿਆ ਵਿਚ ਭਾਗ ਲੈਣ ਲਈ ਪੰਜਾਬ ਭਰ ਤੋਂ ਆਏ ਵਿਦਿਆਰਥੀਆਂ ਵਿਚ ਬਹੁਤ ਉਤਸ਼ਾਹ ਸੀ ।ਕੁੱਲ 832 ਬਿਨੈ ਪੱਤਰ ਪ੍ਰਾਪਤ ਹੋਏ ਸਨ । ਇਹ ਕੋਰਸ ਪੇਂਡੂ ਵਰਗ ਦੇ ਵਿਦਿਆਰਥੀਆਂ ਵਿਚ ਬਹੁਤ ਪ੍ਰਸਿੱਧੀ ਪ੍ਰਾਪਤ ਕਰ ਰਿਹਾ ਹੈ । ਇਸ ਟੈਸਟ ਲਈ ਮੈਟ੍ਰਿਕ ਦੀ ਪਰੀਖਿਆ ਨੂੰ ਅਧਾਰ ਬਣਾਇਆ ਜਾਂਦਾ ਹੈ । ਪੀਏਯੂ ਦੇ ਰਜਿਸਟਰਾਰ ਡਾ. ਰਾਜਿੰਦਰ ਸਿੰਘ ਸਿੱਧੂ ਨੇ ਕਿਹਾ ਕਿ ਇਸ ਪਰੀਖਿਆ ਦਾ ਨਤੀਜਾ   ਯੂਨੀਵਰਸਿਟੀ ਵੈਬਸਾਈਟ 'ਤੇ ਵੇਖਿਆ ਜਾ ਸਕਦਾ ਹੈ ।

ਡਾ. ਜਗਦੀਸ਼ ਕੌਰ