ਵਿਦੇਸ਼ੀ ਟਿਕਟਾਂ ਦੇ ਮਾਮਲੇ ’ਚ ਲੱਖਾਂ ਦੀ ਠੱਗੀ

ਫ਼ਰੀਦਕੋਟ (ਰਾਜਨ)- ਵਿਦੇਸ਼ੀ ਟਿਕਟਾਂ ਦੇ ਮਾਮਲੇ ਵਿੱਚ ਮੋਟੀ ਰਕਮ ਦੀ ਠੱਗੀ ਮਾਰਣ ਦੇ ਦੋਸ਼ ਤਹਿਤ ਪਰਮਜੀਤ ਸਿੰਘ ਮਾਰਫਤ ਪੰਜਾਬ ਟਰੈਵਲਜ਼ ਫਰਮ ਵਾਸੀ ਲੀਲਾ ਭਵਨ ਚੌਂਕ ਪਟਿਆਲਾ ’ਤੇ ਮੁਕੱਦਮਾ ਦਰਜ ਕੀਤਾ ਗਿਆ ਹੈ। ਸ਼ਿਕਾਇਤ ਕਰਤਾ ਜਗਜੀਤ ਸਿੰਘ ਵਾਸੀ ਫ਼ਰੀਦਕੋਟ ਨੇ ਦੋਸ਼ ਲਗਾਇਆ ਕਿ ਪਰਮਜੀਤ ਸਿੰਘ ਨੇ ਫੇਸਬੁੱਕ ’ਤੇ ਐਡ ਪਾਈ ਹੋਈ ਸੀ ਕਿ ਉਹਨਾਂ ਦੀ ਫਰਮ ਸਸਤੇ ਰੇਟਾਂ ’ਤੇ ਟਿਕਟਾਂ ਬਣਾ ਕੇ ਦਿੰਦੀ ਹੈ, ਜਿਸ’ਤੇ ਸ਼ਿਕਾਇਤ ਕਰਤਾ ਨੇ ਟਿਕਟਾਂ ਬਣਾਉਣ ਲਈ ਜਦ ਇਸ ਨਾਲ ਸੰਪਰਕ ਕੀਤਾ ਤਾਂ ਉਸਨੇ 21 ਲੱਖ ਰੁਪਏ ਆਪਣੇ ਖਾਤੇ ਵਿੱਚ ਟਰਾਂਸਫਰ ਕਰਵਾ ਲਏ ਅਤੇ ਇਸ ਉਪਰੰਤ ਟਿਕਟਾਂ ਬਣਾ ਕੇ ਨਹੀਂ ਦਿੱਤੀਆਂ ਅਤੇ ਆਪਣਾ ਫੋਨ ਵੀ ਬੰਦ ਕਰ ਲਿਆ।