ਸਿਗਰਟ ਪੀਣ ''ਤੇ ਹੋਈ ਬਹਿਸ ਨੇ ਧਾਰਿਆ ਖ਼ੂਨੀ ਰੂਪ, ਨੌਜਵਾਨ ਨੂੰ ਡੰਡਿਆਂ ਤੇ ਤਲਵਾਰਾਂ ਨਾਲ ਕੀਤਾ ਲਹੂ-ਲੁਹਾਨ

ਚੰਡੀਗੜ੍ਹ (ਸੁਸ਼ੀਲ): ਸਿਗਰਟ ਪੀਣ ਨੂੰ ਲੈ ਕੇ ਸੈਕਟਰ-16 ਸਥਿਤ ਜੁਮੇਰਾਹ ਰੈਸਟੋਰੈਂਟ ਵਿਚ ਗਾਹਕ ਅਤੇ ਰੈਸਟੋਰੈਂਟ ਸਟਾਫ਼ ਵਿਚਕਾਰ ਤਿੱਖੀ ਬਹਿਸ ਹੋ ਜਾਣ ਦੀ ਜਾਣਕਾਰੀ ਪ੍ਰਾਪਤ ਹੋਈ ਹੈ। ਇਸ ਦੌਰਾਨ ਸਟਾਫ਼ ਨੇ ਨਿਊ ਚੰਡੀਗੜ੍ਹ ਵਾਸੀ ਸੁਮਿਤ ਮਹਿਰਾ ਨਾਲ ਕੁੱਟਮਾਰ ਕਰ ਕੇ ਲਹੂ-ਲੂਹਾਨ ਕਰ ਦਿੱਤਾ। 

ਸੁਮਿਤ ਮਹਿਰਾ ਦੇ ਸਿਰ ਵਿਚ 10 ਅਤੇ ਪਿੱਠ ਵਿਚ ਪੰਜ ਟਾਂਕੇ ਲੱਗੇ ਹਨ। ਉਸ ਦੇ ਦੋਸਤਾਂ ਨੇ ਉਸ ਨੂੰ ਲਹੂ-ਲੂਹਾਨ ਹਾਲਤ ਵਿਚ ਸੈਕਟਰ-16 ਦੇ ਜਨਰਲ ਹਸਪਤਾਲ ਵਿਚ ਦਾਖਲ ਕਰਵਾਇਆ ਸੀ। ਜ਼ਖ਼ਮੀ ਸੁਮਿਤ ਮਹਿਰਾ ਨੇ ਰੈਸਟੋਰੈਂਟ ਵਿਚ ਹੁੱਕਾ ਪਰੋਸਣ ਅਤੇ ਸਟਾਫ਼ ਵਲੋਂ ਕੁੱਟਮਾਰ ਕਰਨ ਦੀ ਸ਼ਿਕਾਇਤ ਸੈਕਟਰ-17 ਥਾਣਾ ਪੁਲਸ ਨੂੰ ਦਿੱਤੀ ਹੈ। ਪੁਲਸ ਨੇ ਹਸਪਤਾਲ ਵਿਚ ਬਿਆਨ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਇਹ ਵੀ ਪੜੋ- ਲੁਧਿਆਣਾ 'ਚ ਵਾਪਰੀ ਭਿਆਨਕ ਘਟਨਾ, ਨੌਜਵਾਨ ਦੇ ਸਿਰ 'ਚ ਪੱਥਰ ਮਾਰ ਕੇ ਕੀਤਾ ਬੇਰਹਿਮੀ ਨਾਲ ਕਤਲ

ਨਿਊ ਚੰਡੀਗੜ੍ਹ ਵਾਸੀ ਪੂਜਾ ਨੇ ਦੱਸਿਆ ਕਿ ਉਸ ਦਾ ਪਤੀ ਸੁਮਿਤ ਮਹਿਰਾ ਆਪਣੇ ਦੋ ਦੋਸਤਾਂ ਆਦਰਸ਼ ਅਤੇ ਹੈਪੀ ਨਾਲ ਡਿਨਰ ਕਰਨ ਸੈਕਟਰ-16 ਸਥਿਤ ਜੁਮੇਰਾਹ ਰੈਸਟੋਰੈਂਟ ਵਿਚ ਗਿਆ ਸੀ। ਪਤੀ ਨੇ ਘਰ ਵਿਚ ਸ਼ਰਾਬ ਪੀਤੀ ਸੀ। ਜਦੋਂ ਉਹ ਰੈਸਟੋਰੈਂਟ ਪਹੁੰਚੇ ਤਾਂ ਦੇਖਿਆ ਕਿ ਉੱਥੇ ਸ਼ਰੇਆਮ ਹੁੱਕਾ ਪਰੋਸਿਆ ਜਾ ਰਿਹਾ ਸੀ। ਜਦੋਂ ਸੁਮਿਤ ਨੇ ਉੱਥੋਂ ਦੇ ਸਟਾਫ਼ ਤੋਂ ਸਿਗਰਟ ਪੀਣ ਬਾਰੇ ਪੁੱਛਿਆ ਤਾਂ ਸਟਾਫ਼ ਨੇ ਮਨ੍ਹਾ ਕਰ ਦਿੱਤਾ ਅਤੇ ਕਿਹਾ ਕਿ ਅੰਦਰ ਸਿਗਰਟ ਨਹੀਂ ਪੀ ਸਕਦੇ, ਬਾਹਰ ਜਾ ਕੇ ਪੀ ਸਕਦੇ ਹੋ। 

ਉਨ੍ਹਾਂ ਕਿਹਾ ਕਿ ਜੇਕਰ ਇੱਥੇ ਹੁੱਕਾ ਪਰੋਸਿਆ ਜਾ ਸਕਦਾ ਹੈ ਤਾਂ ਸਿਗਰਟ ਪੀਣ ਵਿਚ ਕੀ ਪ੍ਰੇਸ਼ਾਨੀ ਹੈ। ਇਸ ਗੱਲ ਨੂੰ ਲੈ ਕੇ ਸੁਮਿਤ ਮਹਿਰਾ ਨਾਲ ਰੈਸਟੋਰੈਂਟ ਦਾ ਕਰਮਚਾਰੀ ਬਹਿਸ ਕਰਨ ਲੱਗਾ। ਸੁਮਿਤ ਮਹਿਰਾ ਨੇ ਦੋਸ਼ ਲਗਾਇਆ ਕਿ ਜਦੋਂ ਉਹ ਰੈਸਟੋਰੈਂਟ ਤੋਂ ਬਾਹਰ ਆਇਆ ਤਾਂ ਉਸ ’ਤੇ ਰੈਸਟੋਰੈਂਟ ਦੇ ਸੰਦੀਪ ਸਮੇਤ ਹੋਰ ਸਟਾਫ਼ ਨੇ ਡੰਡਿਆਂ ਅਤੇ ਤਲਵਾਰਾਂ ਨਾਲ ਹਮਲਾ ਕਰ ਕੇ ਲਹੂਲੂਹਾਨ ਕਰ ਦਿੱਤਾ। ਸੁਮਿਤ ਦੇ ਦੋਵੇਂ ਦੋਸਤ ਬਚਾਅ ਕਰਨ ਲੱਗੇ ਤਾਂ ਉਨ੍ਹਾਂ ਨਾਲ ਵੀ ਕੁੱਟਮਾਰ ਕੀਤੀ ਗਈ। 

ਇਹ ਵੀ ਪੜ੍ਹੋ- ਸੜਕ ਪਾਰ ਕਰਦੇ ਪਰਿਵਾਰ ਨੂੰ ਟਰੱਕ ਨੇ ਕੁਚਲਿਆ, ਟਾਇਰ ਹੇਠਾਂ ਆਉਣ ਨਾਲ 6 ਸਾਲਾ ਬੱਚੀ ਦੀ ਹੋਈ ਦਰਦਨਾਕ ਮੌਤ

ਲਹੂ-ਲੁਹਾਨ ਹੋਏ ਸੁਮਿਤ ਨੂੰ ਦੋਸਤਾਂ ਨੇ ਹਸਪਤਾਲ ਦਾਖਲ ਕਰਵਾਇਆ। ਸੁਮਿਤ ਦੀ ਪਤਨੀ ਪੂਜਾ ਨੇ ਕਿਹਾ ਕਿ ਪੁਲਸ ਨੇ ਹਮਲਾਵਰਾਂ ’ਤੇ ਕੋਈ ਕਾਰਵਾਈ ਨਹੀਂ ਕੀਤੀ। ਸੋਮਵਾਰ ਸ਼ਾਮ ਨੂੰ ਜਾਂਚ ਅਧਿਕਾਰੀ ਹਸਪਤਾਲ ਵਿਚ ਆਇਆ ਅਤੇ ਉਨ੍ਹਾਂ ਦੇ ਬਿਆਨ ਦਰਜ ਕਰ ਕੇ ਲੈ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਕੁੱਟਮਾਰ ਦੀ ਸਾਰੀ ਵਾਰਦਾਤ ਸੀ.ਸੀ.ਟੀ.ਵੀ. ਕੈਮਰੇ ਵਿਚ ਕੈਦ ਹੋ ਗਈ ਹੈ। ਸੈਕਟਰ-17 ਥਾਣਾ ਪੁਲਸ ਨੇ ਮਾਮਲੇ ਵਿਚ ਡੀ.ਡੀ.ਆਰ. ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8