ਮੁਟਿਆਰਾਂ ਨੂੰ ਸਟਾਈਲਿਸ਼ ਲੁਕ ਦੇ ਰਹੇ ਫਿੱਟ ਐਂਡ ਫਲੇਅਰ ਬੌਟਮਜ਼

ਵੈੱਬ ਡੈਸਕ- ਅੱਜਕੱਲ ਮੁਟਿਆਰਾਂ ਅਤੇ ਔਰਤਾਂ ਆਪਣੀ ਲੁਕ ਨੂੰ ਸੁੰਦਰ, ਆਕਰਸ਼ਕ ਅਤੇ ਸਟਾਈਲਿਸ਼ ਬਣਾਉਣ ਲਈ ਵੱਖ-ਵੱਖ ਤਰ੍ਹਾਂ ਦੇ ਡਿਜ਼ਾਈਨਰ ਪਹਿਰਾਵੇ ਅਪਣਾ ਰਹੀਆਂ ਹਨ। ਟਾਪ, ਸੂਟ, ਪਾਰਟੀ ਵੀਅਰ, ਫ੍ਰਾਕ, ਮਿਡੀ ਡਰੈੱਸ ਅਤੇ ਹੋਰ ਆਊਟਫਿਟਸ ’ਚ ਵੰਨ-ਸੁਵੰਨਤਾ ਦੇ ਨਾਲ-ਨਾਲ ਬੌਟਮਜ਼ ਦੀ ਚੋਣ ਵੀ ਉਨ੍ਹਾਂ ਦੇ ਫੈਸ਼ਨ ’ਚ ਅਹਿਮ ਭੂਮਿਕਾ ਨਿਭਾਉਂਦੀ ਹੈ। ਇਸੇ ਕਰ ਕੇ ਫਿੱਟ ਐਂਡ ਫਲੇਅਰ ਬੌਟਮਜ਼ ਦਾ ਕ੍ਰੇਜ਼ ਤੇਜ਼ੀ ਨਾਲ ਵਧ ਰਿਹਾ ਹੈ। ਇਹ ਬੌਟਮਜ਼ ਜੀਨਸ, ਫਾਰਮਲ ਪੈਂਟਾਂ, ਟ੍ਰਾਊਜ਼ਰਜ਼, ਸਕਰਟਾਂ, ਲਾਂਗ ਸਕਰਟਾਂ ਅਤੇ ਮਿਡੀ ਸਕਰਟਾਂ ਵਰਗੇ ਕਈ ਰੂਪਾਂ ’ਚ ਉਪਲੱਬਧ ਹਨ, ਜੋ ਹਰ ਮੌਕੇ ’ਤੇ ਮੁਟਿਆਰਾਂ ਅਤੇ ਔਰਤਾਂ ਨੂੰ ਖੂਬਸੂਰਤ ਅਤੇ ਆਕਰਸ਼ਕ ਲੁਕ ਦਿੰਦੇ ਹਨ।

ਇਨ੍ਹਾਂ ਦੀ ਖਾਸੀਅਤ ਇਹ ਹੈ ਕਿ ਇਹ ਕਮਰ ਤੋਂ ਗੋਡਿਆਂ ਤੱਕ ਫਿਟਿੰਗ ’ਚ ਰਹਿੰਦੇ ਹਨ ਅਤੇ ਗੋਡਿਆਂ ਦੇ ਹੇਠਾਂ ਫਲੇਅਰ ਸ਼ੇਪ (ਘੇਰੇਦਾਰ) ’ਚ ਫੈਲਦੇ ਹਨ, ਜਿਸ ਨਾਲ ਪਹਿਨਣ ’ਚ ਆਰਾਮਦਾਇਕ ਹੋਣ ਦੇ ਨਾਲ-ਨਾਲ ਦੇਖਣ ’ਚ ਵੀ ਕਾਫ਼ੀ ਸੁੰਦਰ ਲੱਗਦੇ ਹਨ। ਫਿੱਟ ਐਂਡ ਫਲੇਅਰ ਬੌਟਮਜ਼ ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਉਨ੍ਹਾਂ ਦੀ ਬਹੁਮੁਖੀ ਪ੍ਰਤਿਭਾ ਹੈ। ਇਹ ਮੁਟਿਆਰਾਂ ਨੂੰ ਬਹੁਤ ਸਾਰੇ ਆਪਸ਼ਨਜ਼ ਦਿੰਦੇ ਹਨ, ਜਿਵੇਂ ਹਾਈ-ਵੇਸਟ ਜੀਨਸ, ਸਲਿਮ ਫਿੱਟ ਟ੍ਰਾਊਜ਼ਰਜ਼, ਵਿੰਟਰ ਪੈਂਟਸ, ਫਲੇਅਰਡ ਸਕਰਟਾਂ ਆਦਿ। ਇਨ੍ਹਾਂ ’ਚ ਕੱਟ-ਆਊਟ ਡਿਜ਼ਾਈਨ, ਐਂਬ੍ਰਾਇਡਰੀ, ਕੱਟ ਵਰਕ ਜਾਂ ਹੋਰ ਕ੍ਰਿਏਟਿਵ ਐਲੀਮੈਂਟਸ ਵੀ ਜੋੜੇ ਜਾ ਰਹੇ ਹਨ, ਜੋ ਇਨ੍ਹਾਂ ਨੂੰ ਹੋਰ ਵੀ ਆਕਰਸ਼ਕ ਬਣਾਉਂਦੇ ਹਨ।

ਸਕੂਲ-ਕਾਲਜ ਜਾਣ ਵਾਲੀਆਂ ਮੁਟਿਆਰਾਂ ਤੋਂ ਲੈ ਕੇ ਆਫ਼ਿਸ ਪ੍ਰੋਫੈਸ਼ਨਲ ਔਰਤਾਂ ਤੱਕ ਸਾਰੀਆਂ ਇਨ੍ਹਾਂ ਨੂੰ ਪਸੰਦ ਕਰ ਰਹੀਆਂ ਹਨ। ਇਹ ਬੌਟਮਜ਼ ਸ਼ਾਪਿੰਗ, ਆਊਟਿੰਗ, ਪਿਕਨਿਕ, ਯਾਤਰਾ ਅਤੇ ਇੱਥੋਂ ਤੱਕ ਕਿ ਸਪੈਸ਼ਲ ਇਵੈਂਟਸ ਜਾਂ ਪਾਰਟੀਆਂ ਮੌਕੇ ਵੀ ਆਸਾਨੀ ਨਾਲ ਪਹਿਨੇ ਜਾ ਸਕਦੇ ਹਨ। ਕੰਫਰਟ ਅਤੇ ਸਟਾਈਲ ਦਾ ਇਹ ਬਿਹਤਰੀਨ ਸੁਮੇਲ ਮੁਟਿਆਰਾਂ ਦੀ ਲੁਕ ਨੂੰ ਚਾਰ ਚੰਨ ਲਾ ਦਿੰਦਾ ਹੈ।

ਵਿੰਟਰ ਸੀਜ਼ਨ ’ਚ ਫਿੱਟ ਐਂਡ ਫਲੇਅਰ ਬੌਟਮਜ਼ ਦਾ ਟ੍ਰੈਂਡ ਹੋਰ ਵੀ ਜ਼ਿਆਦਾ ਨਜ਼ਰ ਆਉਂਦਾ ਹੈ। ਇਸ ਮੌਸਮ ’ਚ ਡਾਰਕ ਸ਼ੇਡਜ਼ ਜਿਵੇਂ ਬਲੈਕ, ਰੈੱਡ, ਨੇਵੀ ਬਲਿਊ ਅਤੇ ਗ੍ਰੇਅ ਕਾਫ਼ੀ ਪਾਪੂਲਰ ਹਨ, ਜਦਕਿ ਲਾਈਟ ਸ਼ੇਡਜ਼ ’ਚ ਪੀਚ, ਵ੍ਹਾਈਟ ਅਤੇ ਲਾਈਟ ਪਿੰਕ ਵੀ ਚੰਗੀ ਤਰ੍ਹਾਂ ਸੂਟ ਕਰਦੇ ਹਨ। ਇਹ ਨਾ ਸਿਰਫ਼ ਗਰਮਾਹਟ ਦਿੰਦੇ ਹਨ, ਸਗੋਂ ਲੁਕ ਨੂੰ ਵੀ ਐਲੀਗੈਂਟ ਅਤੇ ਆਕਰਸ਼ਕ ਬਣਾਉਂਦੇ ਹਨ। ਫਿੱਟ ਐਂਡ ਫਲੇਅਰ ਪੈਟਰਨ ਮੁਟਿਆਰਾਂ ਨੂੰ ਸਲਿਮ ਅਤੇ ਟਾਲ ਲੁਕ ਦਿੰਦਾ ਹੈ। ਪਿਛਲੇ ਕੁਝ ਸਮੇਂ ਤੋਂ ਇਹ ਸਟਾਈਲ ਕਾਫ਼ੀ ਟ੍ਰੈਂਡ ’ਚ ਹੈ ਅਤੇ ਆਉਣ ਵਾਲੇ ਸਮੇਂ ’ਚ ਇਸ ਦਾ ਕ੍ਰੇਜ਼ ਹੋਰ ਵਧਣ ਦੀ ਸੰਭਾਵਨਾ ਹੈ।

ਇਨ੍ਹਾਂ ਬੌਟਮਜ਼ ਨੂੰ ਸਟਾਈਲ ਕਰਨ ਲਈ ਫੁਟਵੀਅਰ ਅਤੇ ਹੇਅਰ ਸਟਾਈਲ ਦੀ ਚੋਣ ਵੀ ਅਹਿਮ ਹੁੰਦੀ ਹੈ। ਮੁਟਿਆਰਾਂ ਸਪੋਰਟਸ ਸ਼ੂਜ਼, ਸਨੀਕਰਜ਼, ਸੈਂਡਲਜ਼, ਲੋਫਰਜ਼ ਜਾਂ ਹਾਈ ਹੀਲਜ਼ ਦੇ ਨਾਲ ਇਨ੍ਹਾਂ ਨੂੰ ਮੈਚ ਕਰਦੀਆਂ ਹਨ, ਜਿਸ ਨਾਲ ਲੁਕ ਹੋਰ ਵੀ ਪਰਫੈਕਟ ਹੋ ਜਾਂਦੀ ਹੈ। ਹੇਅਰ ਸਟਾਈਲ ’ਚ ਓਪਨ ਹੇਅਰ, ਹਾਈ ਪੋਨੀਟੇਲ, ਸਟ੍ਰੇਟ ਹੇਅਰ, ਕਰਲੀ ਹੇਅਰ ਜਾਂ ਬੰਨ ਸਭ ਕੁਝ ਇਨ੍ਹਾਂ ਬੌਟਮਜ਼ ਦੇ ਨਾਲ ਸੋਹਣਾ ਲੱਗਦਾ ਹੈ। ਕੁੱਲ ਮਿਲਾ ਕੇ ਫਿੱਟ ਐਂਡ ਫਲੇਅਰ ਬੌਟਮਜ਼ ਮੁਟਿਆਰਾਂ ਨੂੰ ਟ੍ਰੈਂਡੀ, ਮਾਡਰਨ ਅਤੇ ਅਟਰੈਕਟਿਵ ਅਪੀਅਰੈਂਸ ਦਿੰਦੇ ਹਨ, ਜੋ ਅੱਜ ਦੇ ਫੈਸ਼ਨ ਜਗਤ ’ਚ ਉਨ੍ਹਾਂ ਦੀ ਪਹਿਲੀ ਪਸੰਦ ਬਣ ਚੁੱਕੇ ਹਨ।