2023 ਵਿੱਚ ਇੱਕ ਵਾਰ ਕਸ਼ਮੀਰ ਜ਼ਰੂਰ ਜਾਓ, ਦਿਲ ਖੁਸ਼ ਕਰ ਦੇਵੇਗਾ ਧਰਤੀ ਦੇ ਸਵਰਗ ਦਾ ਇਹ ਨਜ਼ਾਰਾ

Sunday, Jan 01, 2023 - 07:51 PM (IST)

2023 ਵਿੱਚ ਇੱਕ ਵਾਰ ਕਸ਼ਮੀਰ ਜ਼ਰੂਰ ਜਾਓ, ਦਿਲ ਖੁਸ਼ ਕਰ ਦੇਵੇਗਾ ਧਰਤੀ ਦੇ ਸਵਰਗ ਦਾ ਇਹ ਨਜ਼ਾਰਾ

ਨਵੀਂ ਦਿੱਲੀ (ਬਿਊਰੋ)- ਸਰਦੀਆਂ ਵਿੱਚ ਘੁੰਮਣ-ਫਿਰਨ ਦੇ ਸ਼ੌਕੀਨ ਲੋਕ ਅਕਸਰ ਨਵਾਂ ਸਾਲ ਸ਼ੁਰੂ ਹੁੰਦੇ ਹੀ ਘੁੰਮਣ ਜਾਣ ਦੀ ਯੋਜਨਾ ਬਣਾਉਂਦੇ ਹਨ। ਜੇਕਰ ਤੁਸੀਂ ਵੀ ਇਸ ਸਾਲ ਕੁਝ ਘੁੰਮਣਾ ਚਾਹੁੰਦੇ ਹੋ, ਤਾਂ ਜੰਮੂ-ਕਸ਼ਮੀਰ ਦੀਆਂ ਖੂਬਸੂਰਤ ਵਾਦੀਆਂ ਨੂੰ ਦੇਖਣ ਲਈ ਜ਼ਰੂਰ ਜਾਓ, ਜਿਸ ਨੂੰ ਧਰਤੀ 'ਤੇ ਸਵਰਗ ਕਿਹਾ ਜਾਂਦਾ ਹੈ।

PunjabKesari

ਬਰਫ਼ ਨਾਲ ਢਕੇ ਪਹਾੜ ਨਵੇਂ ਸਾਲ ਵਿੱਚ ਤੁਹਾਡਾ ਸਵਾਗਤ ਕਰਨ ਲਈ ਤਿਆਰ ਹਨ। ਕਸ਼ਮੀਰ ਦੇ ਮੈਦਾਨੀ ਇਲਾਕਿਆਂ ਵਿੱਚ ਹਲਕੀ ਬਰਫ਼ਬਾਰੀ ਹੋਈ ਹੈ, ਜਦੋਂ ਕਿ ਉੱਚੇ ਇਲਾਕਿਆਂ ਵਿੱਚ ਦਰਮਿਆਨੀ ਬਰਫ਼ਬਾਰੀ ਹੋਈ ਹੈ। ਬਰਫ਼ਬਾਰੀ ਨੇ ਨਾ ਸਿਰਫ਼ ਕਸ਼ਮੀਰ ਘਾਟੀ ਵਿੱਚ ਲੰਬੇ ਸਮੇਂ ਤੋਂ ਸੁੱਕੇ ਦੌਰ ਨੂੰ ਤੋੜ ਦਿੱਤਾ, ਸਗੋਂ ਸੈਲਾਨੀਆਂ ਵਿੱਚ ਵੀ ਖੁਸ਼ੀ ਦੀ ਲਹਿਰ ਲਿਆ ਦਿੱਤੀ।

PunjabKesari

ਘਾਟੀ ਦੇ ਕਈ ਹਿੱਸਿਆਂ ਵਿਚ ਧੁੰਦ ਦੀ ਸੰਘਣੀ ਪਰਤ ਹੈ, ਉਥੋਂ ਦਾ ਨਜ਼ਾਰਾ ਬਹੁਤ ਖੂਬਸੂਰਤ ਲੱਗਦਾ ਹੈ। ਬਰਫ਼ਬਾਰੀ ਨੇ ਗੁਲਮਰਗ ਅਤੇ ਪਹਿਲਗਾਮ ਨੂੰ ਛੱਡ ਕੇ ਸਾਰੀ ਘਾਟੀ ਵਿੱਚ ਘੱਟੋ-ਘੱਟ ਤਾਪਮਾਨ ਵਿੱਚ ਸੁਧਾਰ ਲਿਆਇਆ ਅਤੇ ਘਾਟੀ ਵਿੱਚ ਸੈਲਾਨੀਆਂ ਦੇ ਚਿਹਰੇ ਖਿੜ ਗਏ।

PunjabKesari

ਦੂਰ-ਦੁਰਾਡੇ ਤੋਂ ਕਸ਼ਮੀਰ ਦਾ ਦੌਰਾ ਕਰਨ ਆਏ ਇੱਕ ਸੈਲਾਨੀ ਨੇ ਕਿਹਾ- “ਬਰਫ਼ਬਾਰੀ ਦਾ ਅਨੁਭਵ ਕਰਕੇ ਬਹੁਤ ਵਧੀਆ ਲੱਗਾ। ਅਸੀਂ ਮੌਮਸ ਦੀ ਭਵਿੱਖਬਾਣੀ ਅਨੁਸਾਰ ਕੁਝ ਬਰਫ਼ ਦੇਖਣ ਦੀ ਉਮੀਦ ਕਰ ਰਹੇ ਸੀ। ਰੱਬ ਨੇ ਸਾਡੀ ਸੁਣੀ। ਮਜ਼ਾ ਆ ਗਿਆ!

PunjabKesari

ਸੈਲਾਨੀਆਂ ਦਾ ਕਹਿਣਾ ਹੈ ਕਿ ਬਰਫ਼ਬਾਰੀ ਦਾ ਅਨੁਭਵ ਕਰਨਾ ਇੱਕ ਸੁਫ਼ਨਾ ਸਾਕਾਰ ਹੋਣ ਵਰਗਾ ਹੈ। ਸ਼੍ਰੀਨਗਰ ਦਾ ਘੱਟੋ-ਘੱਟ ਤਾਪਮਾਨ 0.4 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। 

PunjabKesari

ਪਹਿਲਗਾਮ ਵਿੱਚ ਘੱਟੋ ਘੱਟ ਤਾਪਮਾਨ 9 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ, ਜਿਸ ਨਾਲ ਇਹ ਜੰਮੂ-ਕਸ਼ਮੀਰ ਦਾ ਸਭ ਤੋਂ ਠੰਡਾ ਸਥਾਨ ਬਣ ਗਿਆ। ਉੱਤਰੀ ਕਸ਼ਮੀਰ ਦੇ ਬਾਰਾਮੂਲਾ ਜ਼ਿਲ੍ਹੇ ਦੇ ਗੁਲਮਰਗ ਵਿੱਚ ਘੱਟੋ-ਘੱਟ ਤਾਪਮਾਨ ਮਨਫ਼ੀ ਅੱਠ ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। ਘਾਟੀ ਦੇ ਜ਼ਿਆਦਾਤਰ ਇਲਾਕਿਆਂ 'ਚ ਬਰਫਬਾਰੀ ਹੋ ਰਹੀ ਹੈ।


author

Tarsem Singh

Content Editor

Related News