ਘਰ ''ਚ ਬਣਾਓ ਮਲਾਈਦਾਰ ਡਿਸ਼ ਪੰਪਕਿਨ ਬਟਰ, ਆਸਾਨ ਹੈ ਵਿਧੀ

ਵੈੱਬ ਡੈਸਕ- ਪੰਪਕਿਨ ਬਟਰ ਇਕ ਸਵਾਦਿਸ਼ਟ ਅਤੇ ਮਲਾਈਦਾਰ ਡਿਸ਼ ਹੈ, ਜੋ ਹਲਕੀ ਮਿਠਾਸ ਅਤੇ ਮਸਾਲਿਆਂ ਦੇ ਅਦਭੁੱਤ ਸਵਾਦ ਨਾਲ ਭਰਪੂਰ ਹੁੰਦੀ ਹੈ। ਇਹ ਰੈਸਿਪੀ ਨਾ ਸਿਰਫ਼ ਖਾਣੇ 'ਚ ਸੁਆਦ ਹੈ ਸਗੋਂ ਬਣਾਉਣ 'ਚ ਵੀ ਬਹੁਤ ਆਸਾਨ ਹੈ। ਇਸ ਨੂੰ ਬਰੈੱਡ,ਪਰਾਂਠੇ ਜਾਂ ਕਿਸੇ ਵੀ ਸਨੈਕ ਨਾਲ ਸਰਵ ਕੀਤਾ ਜਾ ਸਕਦਾ ਹੈ। ਹਲਕਾ ਮਿੱਠਾ ਅਤੇ ਮਸਾਲੇਦਾਰ ਪੰਪਕਿਨ ਬਟਰ ਹਰ ਕਿਸੇ ਨੂੰ ਪਸੰਦ ਆਏਗਾ। 

Servings - 10

ਸਮੱਗਰੀ

• ਘਿਓ- 2 ਛੋਟੇ ਚਮਚ
• ਪੰਚਫੋਰਨ- 1 ਵੱਡਾ ਚਮਚ
• ਕੱਦੂ- 300 ਗ੍ਰਾਮ
• ਹਲਦੀ- 1/4 ਛੋਟੀ ਚਮਚ
• ਲਾਲ ਮਿਰਚ ਪਾਊਡਰ- 1/2 ਛੋਟੀ ਚਮਚ
• ਲੂਣ- 1/2 ਛੋਟੀ ਚਮਚ
• ਕਾਲੀ ਮਿਰਚ ਪਾਊਡਰ- 1/4 ਛੋਟੀ ਚਮਚ
• ਪਾਣੀ- 150 ਮਿਲੀਲੀਟਰ
• ਗੁੜ ਪਾਊਡਰ- 2 ਵੱਡੇ ਚਮਚ
• ਬਰਫ਼ ਦੇ ਟੁਕੜੇ
• ਪਿਘਲਿਆ ਹੋਇਆ ਬਟਰ- 150 ਗ੍ਰਾਮ

 

 

 

 

 

View this post on Instagram

 

 

 

 

 

 

 

 

 

 

 

A post shared by Yum (@yum.recipe)

ਵਿਧੀ
1- ਇਕ ਪੈਨ 'ਚ 2 ਛੋਟੇ ਚਮਚ ਘਿਓ ਗਰਮ ਕਰੋ। ਇਸ 'ਚ 1 ਵੱਡਾ ਚਮਚ ਪੰਚਫੋਰਨ ਪਾਓ ਅਤੇ 300 ਗ੍ਰਾਮ ਕੱਦੂ ਪਾ ਕੇ 2-3 ਮਿੰਟ ਤੱਕ ਭੁੰਨੋ।
2- ਹੁਣ 1/4 ਛੋਟੀ ਚਮਚ ਹਲਦੀ, 1/2 ਛੋਟੀ ਚਮਚ ਲਾਲ ਮਿਰਚ, 1/2 ਛੋਟੀ ਚਮਚ ਲੂਣ ਅਤੇ 1/4 ਛੋਟੀ ਚਮਚ ਕਾਲੀ ਮਿਰਚ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ।
3- ਇਸ 'ਚ 150 ਮਿਲੀਲੀਟਰ ਪਾਣੀ ਪਾਓ, ਮਿਲਾਓ, ਢੱਕਣ ਲਗਾ ਕੇ ਮੱਧਮ ਸੇਕ 'ਤੇ 8-10 ਮਿੰਟਾਂ ਤੱਕ ਪਕਾਓ, ਜਦੋਂ ਤੱਕ ਕੱਦੂ ਨਰਮ ਨਾ ਹੋ ਜਾਵੇ।
4- ਢੱਕਣ ਹਟਾਓ, 2 ਵੱਡੇ ਚਮਚ ਗੁੜ ਪਾਊਡਰ ਪਾਓ ਅਤੇ ਪੱਕੇ ਹੋਏ ਕੱਦੂ ਨੂੰ ਚੰਗੀ ਤਰ੍ਹਾਂ ਮੈਸ਼ ਕਰੋ। ਫਿਰ ਸੇਕ ਤੋਂ ਉਤਾਰ ਕੇ 10 ਮਿੰਟ ਠੰਡਾ ਹੋਣ ਦਿਓ।
5- ਇਕ ਵੱਡੇ ਕਟੋਰੇ 'ਚ ਬਰਫ਼ ਦੇ ਟੁਕੜੇ ਪਾਓ। ਉਸ ਦੇ ਉੱਪਰ ਇਕ ਛੋਟਾ ਬਾਊਲ ਰੱਖੋ ਅਤੇ ਉਸ 'ਚ ਪਿਘਲਿਆ ਹੋਇਆ ਬਟਰ ਪਾਓ। ਬਟਰ ਨੂੰ ਥੋੜ੍ਹਾ ਗਾੜ੍ਹਾ ਹੋਣ ਤੱਕ ਫੇਂਟੋ।
6- ਠੰਡੇ ਹੋਏ ਕੱਦੂ ਦੀ ਪਿਊਰੀ ਬਟਰ 'ਚ ਪਾਓ ਅਤੇ ਚੰਗੀ ਤਰ੍ਹਾਂ ਫੇਂਟ ਕੇ ਮਿਲਾ ਲਵੋ।
7- ਇਸ ਨੂੰ ਫਰਿੱਜ 'ਚ 30 ਮਿੰਟਾਂ ਲਈ ਰੱਖ ਦਿਓ।
8- ਤਿਆਰ ਪੰਪਕਿਨ ਬਟਰ ਨੂੰ ਸਰਵ ਕਰੋ।

ਨੋਟ: ਅਜਿਹੀਆਂ ਹੀ ਨਵੀਆਂ-ਨਵੀਆਂ ਅਤੇ ਟੇਸਟੀ ਰੈਸਿਪੀ ਲਈ ਸਾਡੇ Yum Recipes APP ਨੂੰ ਡਾਊਨਲੋਡ ਕਰੋ। 

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8