ਵਾਲਾਂ ''ਚ ਪਾਓ ਨਵੀਂ ਜਾਨ ; ਇਨ੍ਹਾਂ 4 ਘਰੇਲੂ ਹੇਅਰ ਮਾਸਕ ਨਾਲ ਮਿਲਣਗੇ ਸੰਘਣੇ ਤੇ ਮਜ਼ਬੂਤ ਵਾਲ

ਵੈੱਬ ਡੈਸਕ - ਅਜੋਕੇ ਸਮੇਂ 'ਚ ਗਲਤ ਖਾਣ-ਪੀਣ, ਪ੍ਰਦੂਸ਼ਣ ਅਤੇ ਵਧਦੇ ਤਣਾਅ ਕਾਰਨ ਵਾਲਾਂ ਦਾ ਝੜਨਾ ਇਕ ਆਮ ਸਮੱਸਿਆ ਬਣ ਗਈ ਹੈ ਪਰ ਕੁਦਰਤ ਨੇ ਸਾਨੂੰ ਕਈ ਅਜਿਹੀਆਂ ਚੀਜ਼ਾਂ ਦਿੱਤੀਆਂ ਹਨ ਜੋ ਵਾਲਾਂ ਨੂੰ ਜੜ੍ਹਾਂ ਤੋਂ ਪੋਸ਼ਣ ਦੇ ਕੇ ਉਨ੍ਹਾਂ ਨੂੰ ਮਜ਼ਬੂਤ ਬਣਾ ਸਕਦੀਆਂ ਹਨ। ਇਨ੍ਹਾਂ 'ਚੋਂ ਪਿਆਜ਼ ਸਭ ਤੋਂ ਪ੍ਰਭਾਵਸ਼ਾਲੀ ਮੰਨਿਆ ਜਾਂਦਾ ਹੈ।

ਪਿਆਜ਼ ਕਿਉਂ ਹੈ ਵਾਲਾਂ ਲਈ ਫਾਇਦੇਮੰਦ?
ਖੋਜਾਂ ਅਨੁਸਾਰ ਪਿਆਜ਼ 'ਚ ਵਿਟਾਮਿਨ B, C, E, ਜ਼ਿੰਕ, ਪੋਟਾਸ਼ੀਅਮ ਅਤੇ ਫੋਲਿਕ ਐਸਿਡ ਵਰਗੇ ਜ਼ਰੂਰੀ ਤੱਤ ਹੁੰਦੇ ਹਨ। ਇਸ ਤੋਂ ਇਲਾਵਾ, ਇਸ 'ਚ ਮੌਜੂਦ ਸਲਫਰ ਵਾਲਾਂ ਦੀਆਂ ਜੜ੍ਹਾਂ ਨੂੰ ਮਜ਼ਬੂਤ ਕਰਦਾ ਹੈ ਅਤੇ ਵਾਲਾਂ ਦੇ ਵਾਧੇ 'ਚ ਮਦਦ ਕਰਦਾ ਹੈ।

ਵਾਲਾਂ ਦੀ ਸੁੰਦਰਤਾ ਲਈ ਤੁਸੀਂ ਪਿਆਜ਼ ਦੇ ਇਨ੍ਹਾਂ 4 ਹੇਅਰ ਮਾਸਕ ਦੀ ਵਰਤੋਂ ਕਰ ਸਕਦੇ ਹੋ:

ਸ਼ਹਿਦ ਅਤੇ ਪਿਆਜ਼ ਦਾ ਮਾਸਕ
- ਇਹ ਮਾਸਕ ਵਾਲਾਂ ਨੂੰ ਨਮੀ ਦਿੰਦਾ ਹੈ ਅਤੇ ਸਕੈਲਪ ਨੂੰ ਸਿਹਤਮੰਦ ਰੱਖਦਾ ਹੈ। ਅੱਧਾ ਕੱਪ ਪਿਆਜ਼ ਦੇ ਰਸ 'ਚ 1 ਚਮਚ ਸ਼ਹਿਦ ਮਿਲਾ ਕੇ 15 ਮਿੰਟ ਲਈ ਲਗਾਓ ਅਤੇ ਫਿਰ ਸ਼ੈਂਪੂ ਨਾਲ ਧੋ ਲਓ।

ਅਦਰਕ ਅਤੇ ਪਿਆਜ਼ ਦਾ ਮਾਸਕ
- ਇਹ ਮਾਸਕ ਸਿਰ 'ਚ ਖੂਨ ਦੇ ਸੰਚਾਰ ਨੂੰ ਵਧਾਉਂਦਾ ਹੈ, ਜਿਸ ਨਾਲ ਵਾਲਾਂ ਦਾ ਵਾਧਾ ਤੇਜ਼ ਹੁੰਦਾ ਹੈ। ਬਰਾਬਰ ਮਾਤਰਾ 'ਚ ਅਦਰਕ ਅਤੇ ਪਿਆਜ਼ ਦਾ ਰਸ ਮਿਲਾ ਕੇ 1 ਘੰਟੇ ਲਈ ਲਗਾਓ।

ਨਾਰੀਅਲ ਤੇਲ ਅਤੇ ਪਿਆਜ਼ ਦਾ ਮਾਸਕ
- ਵਾਲਾਂ ਨੂੰ ਡੂੰਘਾਈ ਨਾਲ ਪੋਸ਼ਣ ਦੇਣ ਲਈ ਪਿਆਜ਼ ਦਾ ਰਸ ਅਤੇ ਨਾਰੀਅਲ ਤੇਲ ਬਰਾਬਰ ਮਾਤਰਾ 'ਚ ਮਿਲਾ ਕੇ ਲਗਾਓ। ਇਸ ਨੂੰ 30 ਮਿੰਟ ਤੱਕ ਰੱਖਣ ਤੋਂ ਬਾਅਦ ਧੋ ਲਓ। ਹਫਤੇ ਵਿੱਚ 1-2 ਵਾਰ ਇਸ ਦੀ ਵਰਤੋਂ ਬਿਹਤਰ ਨਤੀਜੇ ਦਿੰਦੀ ਹੈ।

ਐਲੋਵੇਰਾ ਅਤੇ ਪਿਆਜ਼ ਦਾ ਮਾਸਕ
- ਜੇਕਰ ਤੁਸੀਂ ਵਾਲਾਂ ਨੂੰ ਸੰਘਣਾ ਅਤੇ ਚਮਕਦਾਰ ਬਣਾਉਣਾ ਚਾਹੁੰਦੇ ਹੋ, ਤਾਂ ਐਲੋਵੇਰਾ ਜੈੱਲ ਅਤੇ ਪਿਆਜ਼ ਦਾ ਰਸ ਮਿਲਾ ਕੇ ਲਗਾਓ। ਇਹ ਸਕੈਲਪ ਨੂੰ ਠੰਡਕ ਦਿੰਦਾ ਹੈ ਅਤੇ ਖਾਰਸ਼ ਤੋਂ ਵੀ ਰਾਹਤ ਦਿਵਾਉਂਦਾ ਹੈ।

ਇਨ੍ਹਾਂ ਕੁਦਰਤੀ ਨੁਸਖਿਆਂ ਨੂੰ ਅਪਣਾ ਕੇ ਤੁਸੀਂ ਵਾਲਾਂ ਦੇ ਝੜਨ ਦੀ ਸਮੱਸਿਆ ਨੂੰ ਘੱਟ ਕਰ ਸਕਦੇ ਹੋ ਅਤੇ ਸੁੰਦਰ, ਸੰਘਣੇ ਵਾਲ ਪਾ ਸਕਦੇ ਹੋ।