ਮਾਂ ਨੂੰ ਕਦੋਂ ਅਤੇ ਕਿੰਨੀ ਵਾਰ ਮਹਿਸੂਸ ਹੁੰਦੀ ਹੈ ਬੇਬੀ ਕਿੱਕ?

ਨਵੀਂ ਦਿੱਲੀ : ਮਾਂ ਬਨਣਾ ਹਰ ਜਨਾਨੀ ਲਈ ਬੇਹੱਦ ਖੁਸ਼ਕਿਸਮਤੀ ਦੀ ਗੱਲ ਹੈ। ਇਸ ਅਨੁਭਵ ਨੂੰ ਸ਼ਬਦਾਂ ਵਿਚ ਬਿਆਨ ਕਰ ਪਾਉਣਾ ਕਾਫ਼ੀ ਮੁਸ਼ਕਲ ਹੈ। ਇਕ ਮਾਂ ਨੂੰ ਜਿੰਨਾ ਇੰਤਜ਼ਾਰ ਬੱਚੇ ਦੇ ਕੁੱਖ 'ਚੋਂ ਬਾਹਰ ਆਉਣ ਦਾ ਹੁੰਦਾ ਹੈ ਓਨਾ ਹੀ ਇੰਤਜਾਰ ਉਸ ਨੂੰ ਭਰੂਣ ਦੀ ਪਹਿਲੀ ਕਿੱਕ ਦਾ ਰਹਿੰਦਾ ਹੈ। ਬੱਚੇ ਦੀ ਪਹਿਲੀ ਕਿੱਕ ਦਾ ਅਹਿਸਾਸ ਸ਼ਬਦਾਂ ਵਿਚ ਬਿਆਨ ਕਰ ਪਾਉਣਾ ਵੀ ਮੁਸ਼ਕਲ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਕੁੱਖ ਵਿਚ ਕਦੋਂ ਅਤੇ ਕਿੰਨੀ ਵਾਰ ਬੱਚੇ ਦੀ ਕਿੱਕ ਮਹਿਸੂਸ ਹੁੰਦੀ ਹੈ। ਚੱਲੋ ਤੁਹਾਨੂੰ ਦੱਸਦੇ ਹਾਂ ਕਿ ਗਰਭ ਅਵਸਥਾ ਦੇ ਕਿਹੜੇ ਮਹੀਨੇ ਤੋਂ ਬੱਚਾ ਕਿੱਕ ਮਾਰਨਾ ਸ਼ੁਰੂ ਕਰਦਾ ਹੈ ਅਤੇ ਬੱਚੇ ਦੇ ਵਿਕਾਸ ਲਈ ਇਹ ਕਿੰਨਾ ਮਹੱਤਵਪੂਰਣ ਹੈ।

ਕਦੋਂ ਮਹਿਸੂਸ ਹੁੰਦੀ ਹੈ ਬੇਬੀ ਕਿਕ?
ਗਰਭ ਅਵਸਥਾ ਦੀ ਸ਼ੁਰੂਆਤ ਵਿਚ ਹੀ ਮਾਂ ਨੂੰ ਲੱਗਦਾ ਹੈ ਕਿ ਕੁੱਖ ਵਿਚ ਬੱਚਾ ਕਿੱਕ ਕਰ ਰਿਹਾ ਹੈ ਜਦੋਂ ਕਿ ਉਹ ਗੈਸ ਹੁੰਦੀ ਹੈ। ਗਰਭ ਅਵਸਥਾ ਦੇ ਸ਼ੁਰੂਆਤੀ 3 ਮਹੀਨੀਆਂ ਵਿਚ ਗੈਸ ਬਨਣਾ ਆਮ ਗੱਲ ਹੈ, ਜਿਸ ਨੂੰ ਮਾਂ ਧੋਖੇ ਨਾਲ ਬੇਬੀ ਕਿਕ ਸੱਮਝ ਬੈਠਦੀ ਹੈ।

20 ਤੋਂ 30ਵੇਂ ਹਫਤੇ
9 ਮਹੀਨੇ ਦੀ ਗਰਭ ਅਵਸਥਾ ਵਿਚ ਕੁੱਲ 40 ਹਫਤੇ ਹੁੰਦੇ ਹਨ ਯਾਨੀ 20ਵੇਂ ਹਫਤੇ ਤੋਂ ਮਾਂ ਗਰਭ ਅਵਸਥਾ ਦਾ ਅੱਧਾ ਸਫਰ ਪੂਰਾ ਕਰ ਚੁੱਕੀ ਹੁੰਦੀ ਹੈ। ਇੱਥੋਂ ਬੇਬੀ ਕਿੱਕ ਦੀ ਵੀ ਸ਼ੁਰੂਆਤ ਹੁੰਦ ਹੈ। ਕੁੱਝ ਮਾਵਾਂ ਨੂੰ 16ਵੇਂ ਹਫਤੇ ਵਿਚ ਵੀ ਹੱਲਕੀ ਬੇਬੀ ਕਿੱਕ ਮਹਿਸੂਸ ਹੋ ਸਕਦੀ ਹੈ ਪਰ 20 ਤੋਂ 30ਵੇਂ ਹਫਤੇ ਦੌਰਾਨ ਬੇਬੀ ਕਿੱਕ ਕਾਫ਼ੀ ਸਟਰਾਂਗ ਹੋ ਜਾਂਦੀ ਹੈ।  ਮਾਂ ਇਸ ਨੂੰ ਸਾਫ਼ ਤੌਰ 'ਤੇ ਮਹਿਸੂਸ ਕਰ ਸਕਦੀ ਹੈ। ਕਈ ਵਾਰ ਭਰੂਣ ਦਾ ਵਿਕਾਸ ਇੰਨਾ ਸਟਰਾਂਗ ਹੁੰਦਾ ਹੈ ਕਿ ਇਸ ਹਲਚਲ ਨੂੰ ਕੁੱਖ ਦੇ ਉੱਤੋਂ ਵੀ ਵੇਖਿਆ ਜਾ ਸਕਦਾ ਹੈ।

35ਵੇਂ ਹਫਤੇ ਵਿਚ ਘਟਣ ਲੱਗਦੀ ਹੈ ਬੇਬੀ ਕਿੱਕ?
ਗਰਭ ਅਵਸਥਾ ਦੇ 35ਵੇਂ ਹਫਤੇ ਵਿਚ ਜਦੋਂ ਭਰੂਣ ਦਾ ਵਿਕਾਸ ਵਧਣ ਲੱਗਦਾ ਹੈ ਤਾਂ ਬੱਚੇ ਦੀ ਕਿੱਕ ਮਹਿਸੂਸ ਹੋਣੀ ਘੱਟ ਹੋ ਜਾਂਦੀ ਹੈ। ਅਜਿਹੇ ਵਿਚ ਤੁਹਾਨੂੰ ਪਰੇਸ਼ਾਨ ਹੋਣ ਦੀ ਜ਼ਰੂਰਤ ਨਹੀਂ ਹੈ ਪਰ ਜੇਕਰ ਬੇਬੀ ਬਿਲਕੁੱਲ ਵੀ ਕਿੱਕ ਨਹੀਂ ਕਰ ਰਿਹਾ ਤਾਂ ਡਾਕਟਰ ਨਾਲ ਸੰਪਰਕ ਕਰੋ।

ਕਿੰਨੀ ਵਾਰ ਮਹਿਸੂਸ ਹੁੰਦੀ ਹੈ ਬੇਬੀ ਕਿੱਕ?
ਗਾਇਨੋਕੋਲਾਜਿਸਟ ਅਕਸਰ ਗਰਭਵਤੀ ਔਰਤਾਂ ਨੂੰ ਬੇਬੀ ਕਿੱਕ ਕਾਊਂਟ ਕਰਨ ਲਈ ਕਹਿੰਦੀ ਹੈ। ਅਜਿਹਾ ਇਸ ਲਈ ਤਾਂ ਕਿ ਉਹ ਬੱਚੇ ਦੀ ਗਰੋਥ ਦਾ ਅੰਦਾਜਾ ਲਗਾ ਸਕੇ। ਡਾਕਟਰਾਂ ਅਨੁਸਾਰ ਭਰੂਣ ਕੁੱਖ ਵਿਚ ਦਿਨ ਵਿਚ 12 ਵਾਰ ਕਿੱਕ ਕਰਦਾ ਹੈ, ਜਿਸ ਨੂੰ 4-4 ਕਰਕੇ ਡਿਵਾਇਡ ਕੀਤਾ ਜਾਂਦਾ ਹੈ।

ਕਦੋਂ-ਕਦੋਂ ਮਹਿਸੂਸ ਹੁੰਦੀ ਹੈ ਬੇਬੀ ਕਿਕ?
ਆਮਤੌਰ 'ਤੇ ਬੇਬੀ 4 ਕਿੱਕ ਸਵੇਰ ਦੇ ਭੋਜਨ ਤੋਂ ਬਾਅਦ, 4 ਕਿੱਕ ਦੁਪਹਿਰ ਦੇ ਭੋਜਨ ਤੋਂ ਬਾਅਦ ਅਤੇ 4 ਕਿੱਕ ਰਾਤ ਦੇ ਭੋਜਨ ਤੋਂ ਬਾਅਦ ਕਰਦਾ ਹੈ। ਜੇਕਰ ਇਸ ਤੋਂ ਘੱਟ ਬੇਬੀ ਕਿੱਕ ਮਹਿਸੂਸ ਹੋ ਤਾਂ ਆਪਣੇ ਡਾਕਟਰ ਨਾਲ ਸੰਪਰਕ ਕਰੋ। ਇਸ ਦੇ ਇਲਾਵਾ ਕਰਵਟ ਲੈ ਕੇ ਸੋਣ ਅਤੇ ਖਾਣ ਦੇ ਇਲਾਵਾ ਬੇਬੀ ਤੇਜ਼ ਅਵਾਜ਼ ਹੋਣ, ਸੰਗੀਤ ਸੁਣਨ, ਡੂੰਘਾ ਸਾਹ ਲੈਣ ਅਤੇ ਉਸ ਨਾਲ ਗੱਲਾਂ ਕਰਨ 'ਤੇ ਵੀ ਕਿੱਕ ਕਰਦਾ ਹੈ ।

ਮਾਂ ਦੀ ਆਵਾਜ਼ 'ਤੇ ਕਿੱਕ ਕਰਦਾ ਹੈ ਬੱਚਾ?
ਭਰੂਣ ਵਿਚ ਪਲ ਰਹੇ ਬੱਚੇ ਨੂੰ ਆਪਣੀ ਮਾਂ ਦੀ ਆਵਾਜ਼ ਸਭ ਤੋਂ ਪਹਿਲਾਂ ਸਮਝ ਆਉਂਦੀ ਹੈ। ਇਸ ਲਈ ਉਹ ਮਾਂ ਦੀ ਆਵਾਜ਼ ਸੁਣਨ 'ਤੇ ਵੀ ਕਿੱਕ ਕਰਦਾ ਹੈ। ਇਕ ਮਾਂ ਲਈ ਇਹ ਬੇਹੱਦ ਖੁਸ਼ੀ ਦਾ ਪਲ ਹੁੰਦਾ ਹੈ, ਜਦੋਂ ਉਸ ਦਾ ਬੱਚਾ ਉਸ ਦੀ ਆਵਾਜ਼ ਸੁਣ ਕੇ ਪ੍ਰਤੀਕਿਰਿਆ ਦਿੰਦਾ ਹੈ।