ਝੜਦੇ ਵਾਲ਼ਾਂ ਦੀ ਸਮੱਸਿਆ ਤੋਂ ਨਿਜ਼ਾਤ ਦਿਵਾਉਂਦੇ ਹਨ ਸ਼ਿਕਾਕਾਈ ਅਤੇ ਰੀਠੇ, ਇੰਝ ਕਰੋ ਵਰਤੋਂ
04/10/2021 3:38:45 PM
ਨਵੀਂ ਦਿੱਲੀ: ਅੱਜ ਕੱਲ ਵਾਲ਼ ਝੜਨ ਦੀ ਸਮੱਸਿਆ ਆਮ ਹੋ ਗਈ ਹੈ। ਇਸ ਦੇ ਪਿੱਛੇ ਕਈ ਕਾਰਨ ਹੁੰਦੇ ਹਨ ਜਿਵੇਂ ਪਾਣੀ ਦਾ ਸਾਫ਼ ਨਾ ਹੋਣਾ, ਗੰਦੀ ਕੰਘੀ ਦੀ ਵਰਤੋਂ, ਤਣਾਅ ਆਦਿ। ਭੱਜ-ਦੌੜ ਭਰੀ ਜ਼ਿੰਦਗੀ ’ਚ ਆਪਣਾ ਧਿਆਨ ਰੱਖਣ ਲਈ ਸਮਾਂ ਕੱਢਣਾ ਵੀ ਬੇਹੱਦ ਮੁਸ਼ਕਿਲ ਜਿਹਾ ਹੋ ਜਾਂਦਾ ਹੈ।
ਬਿਊਟੀ ਪ੍ਰਾਡੈਕਟਸ ਦੀ ਗੱਲ ਕਰੀਏ ਤਾਂ ਕਈ ਵਸਤੂਆਂ ਤੁਹਾਨੂੰ ਸੂਟ ਕਰਦੀਆਂ ਹਨ ਤਾਂ ਕਈ ਵਸਤੂਆਂ ਦੇ ਨੁਕਸਾਨ ਵੀ ਸਾਹਮਣੇ ਆ ਜਾਂਦੇ ਹਨ। ਅਜਿਹੇ ’ਚ ਜਾਣੋ ਇਕ ਅਜਿਹਾ ਨੁਕਤਾ ਜੋ ਤੁਹਾਨੂੰ ਵਾਲ਼ ਝੜਨ ਦੀ ਪਰੇਸ਼ਾਨੀ, ਚਿੱਟੇ ਵਾਲ਼, ਸਿੱਕਰੀ ਆਦਿ ਤੋਂ ਰਾਹਤ ਦਿਵਾਏਗਾ। ਇਸ ਨਕਤੇ ਨੂੰ ਤੁਸੀਂ ਬਹੁਤ ਹੀ ਆਸਾਨੀ ਨਾਲ ਅਪਣਾ ਸਕਦੇ ਹੋ।
ਇਹ ਵੀ ਪੜ੍ਹੋ-ਭਾਰ ਘਟਾਉਣ ਅਤੇ ਸਰੀਰ ਦੀ ਕਮਜ਼ੋਰੀ ਨੂੰ ਦੂਰ ਕਰਦੈ ਚੁਕੰਦਰ ਦਾ ਜੂਸ, ਜਾਣੋ ਹੋਰ ਵੀ ਬੇਮਿਸਾਲ ਫ਼ਾਇਦੇ
ਵਾਲ਼ਾਂ ਲਈ ਲਾਹੇਵੰਦ ਹੈ ਸ਼ਿਕਾਕਾਈ
ਵਾਲ਼ਾਂ ਲਈ ਵਧੀਆ ਹੈ ਸ਼ਿਕਾਕਾਈ। ਸ਼ਿਕਾਕਾਈ ਇਕ ਆਯੁਰਵੈਦਿਕ ਜੜ੍ਹੀ-ਬੂਟੀ ਹੈ। ਇਹ ਵਾਲ਼ਾਂ ਅਤੇ ਚਮੜੀ ਲਈ ਬਹੁਤ ਫ਼ਾਇਦੇਮੰਦ ਹੈ। ਇਸ ਦੇ ਨਾਲ ਔਲੇ, ਰੀਠਾ ਅਤੇ ਪਾਣੀ ਮਿਲਾ ਕੇ ਪੇਸਟ ਬਣਾ ਕੇ ਲਗਾਉਣਗੇ ਨਾਲ ਵਾਲ਼ਾਂ ਦਾ ਝੜਨਾ ਘੱਟ ਹੁੰਦਾ ਹੈ।
ਇਹ ਵੀ ਪੜ੍ਹੋ-Beauty Tips : ਇਸ ਕੁਦਰਤੀ ਤਰੀਕੇ ਨਾਲ ਹਟਾਓ ਚਿਹਰੇ ’ਤੋਂ ਅਣਚਾਹੇ ਵਾਲ਼
ਇੰਝ ਕਰੋ ਵਰਤੋਂ
ਸਾਰੀਆਂ ਵਸਤੂਆਂ ਨੂੰ ਰਾਤ ਭਰ ਨੂੰ ਭਿਓ ਕੇ ਰੱਖੋ ਅਤੇ ਅਗਲੀ ਸਵੇਰ ਪੇਸਟ ਬਣਾ ਕੇ ਵਾਲ਼ਾਂ ’ਚ 1-2 ਘੰਟੇ ਲਈ ਲਗਾ ਕੇ ਛੱਡ ਦਿਓ। ਫਿਰ ਪਾਣੀ ਨਾਲ ਧੋ ਲਓ। ਅਜਿਹਾ ਕਰਨ ਨਾਲ ਵਾਲ਼ ਚਮਕਦਾਰ ਅਤੇ ਮਜ਼ਬੂਤ ਬਣਦੇ ਹਨ।
ਜਾਣੋ ਸ਼ਿਕਾਕਾਈ ਦੇ ਹੋਰ ਵੀ ਫ਼ਾਇਦੇ
ਸ਼ਿਕਾਕਾਈ ਨਾਲ ਸਿਰਫ਼ ਵਾਲ਼ਾਂ ਦਾ ਝੜਨਾ ਹੀ ਨਹੀਂ ਸਗੋਂ ਇਸ ਦੇ ਕਈ ਹੋਰ ਫ਼ਾਇਦੇ ਵੀ ਮਿਲਦੇ ਹਨ। ਸ਼ਿਕਾਕਾਈ ਦੀ ਵਰਤੋਂ ਨਾਲ ਸਿੱਕਰੀ ਦੂਰ ਹੁੰਦੀ ਹੈ। ਸ਼ਿਕਾਕਾਈ ਦੀ ਵਰਤੋਂ ਵਾਲ਼ਾਂ ਨੂੰ ਸਮੇਂ ਤੋਂ ਪਹਿਲਾਂ ਚਿੱਟੇ ਹੋਣ ਦੀ ਸਮੱਸਿਆ ਤੋਂ ਨਿਜ਼ਾਤ ਦਿਵਾਉਂਦੀ ਹੈ। ਇਸ ਦੀ ਵਰਤੋਂ ਸਕੈਲਪ ਦੀ ਖਾਰਸ਼ ਨੂੰ ਵੀ ਦੂੁਰ ਕਰਦੀ ਹੈ ਅਤੇ ਵਾਲ਼ਾਂ ਦੀ ਗਰੋਥ ਵੀ ਤੇਜ਼ ਹੁੰਦੀ ਹੈ।
ਨੋਟ: ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਬਾਕਸ ’ਚ ਦਿਓ।