ਤਾਂਬੇ ਦੇ ਭਾਂਡੇ ''ਚ ਪਾਣੀ ਪੀਣਾ ਹੈ ਬੇਹੱਦ ਗੁਣਕਾਰੀ, ਹੁੰਦੀਆਂ ਹਨ ਕਈ ਬੀਮਾਰੀਆਂ ਦੂਰ

ਜਲੰਧਰ: ਤਾਂਬਾ ਪੁਰਾਣੇ ਸਮੇਂ ਤੋਂ ਹੀ ਭਾਂਡੇ ਵਜੋਂ ਵਰਤੋਂ ਹੋਣ ਵਾਲੀਆਂ ਧਾਤਾਂ 'ਚ ਆਪਣਾ ਪ੍ਰਮੁੱਖ ਸਥਾਨ ਰੱਖਣ ਵਾਲੀ ਧਾਤ ਹੈ। ਪਹਿਲਾਂ ਇਸ ਧਾਤ ਦੀ ਵਰਤੋਂ ਵੱਧ ਤੋਂ ਵੱਧ ਲੋਕਾਂ ਦੁਆਰਾ ਕੀਤਾ ਜਾਂਦੀ ਸੀ ਜਦਕਿ ਅੱਜ ਦੇ ਸਮੇਂ 'ਚ ਵਿਕਲਪ ਵਜੋਂ ਹੋਰ ਧਾਤਾਂ ਦੇ ਆ ਜਾਣ ਕਾਰਨ ਲੋਕਾਂ 'ਚ ਇਸ ਧਾਤ ਦੀ ਵਰਤੋਂ 'ਚ ਦਿਲਚਸਪੀ ਪਹਿਲਾਂ ਨਾਲੋਂ ਬਹੁਤ ਘੱਟ ਗਈ ਹੈ। ਅੱਜ ਇਸ ਦੀ ਵਰਤੋਂ ਬਹੁਤ ਥੋੜ੍ਹੇ ਲੋਕਾਂ ਵਲੋਂ ਕੀਤੀ ਜਾਂਦੀ ਹੈ। ਅੱਜ ਇਸ ਦੀ ਵਰਤੋਂ ਦੀ  ਉਪਯੋਗਤਾ ਨੂੰ ਪੂਰੀ ਤਰ੍ਹਾਂ ਅੱਖੋਂ ਉਹਲੇ ਕੀਤਾ ਜਾਂਦਾ ਹੈ। ਜਿਸ ਕਰ ਕੇ ਅੱਜ ਦੇ ਸਮੇਂ 'ਚ ਵੱਧ ਚੁੱਕੀਆਂ ਬੀਮਾਰੀਆਂ ਦਾ ਕਾਰਨ ਲੋਕਾਂ ਦੁਆਰਾ ਇਹੋ ਜਿਹੀ ਉਪਯੋਗੀ ਧਾਤ ਨੂੰ ਅੱਖੋਂ ਉਹਲੇ ਕਰ ਦੇਣ ਨੂੰ ਹੀ ਕਿਹਾ ਜਾ ਸਕਦਾ ਹੈ ਜਦਕਿ ਜੇਕਰ ਅਸੀਂ ਦੇਖੀਏ ਤਾਂ ਪੁਰਾਣੇ ਸਮੇਂ 'ਚ ਮਨੁੱਖ ਤਾਂਬਾ ਧਾਤ ਦੀ ਵਰਤੋਂ ਖਾਣਾ ਪਕਾਉਣ, ਪਾਣੀ ਇਕੱਠਾ ਕਰ ਕੇ ਰੱਖਣ ਵਾਲੇ ਭਾਂਡੇ ਦੇ ਰੂਪ 'ਚ ਕਰਦਾ ਸੀ ਜਦਕਿ ਅੱਜ ਅਸੀਂ ਸਭ ਭੁਲਾ ਦਿੱਤਾ ਹੈ ਜਿਸ ਦਾ ਨਤੀਜਾ ਅੱਜ ਅਸੀਂ ਕਈ ਪ੍ਰਕਾਰ ਦੇ ਰੋਗਾਂ 'ਚ ਗ੍ਰਸਤ ਹੋ ਚੁੱਕੇ ਹਾਂ। ਇਸ ਦਾ ਕਾਰਨ ਮਨੁੱਖ ਆਪ ਹੈ। ਅੱਜ ਜਦੋਂ ਬੀਮਾਰੀਆਂ ਇੰਨੀਆਂ ਵੱਧ ਗਈਆਂ ਹਨ ਤਾਂ ਮਨੁੱਖ ਨੂੰ ਇਹ ਸਮਝਣ ਦੀ ਲੋੜ ਹੈ ਕਿ ਅਸੀਂ ਆਪਣੇ ਜੀਵਨ 'ਚ ਜੋ ਬਦਲਾਅ ਕੀਤੇ ਹਨ, ਉਨਾਂ 'ਚ ਪੁਰਾਣੇ ਸਮੇਂ ਦੇ ਉਪਯੋਗੀ ਨਿਯਮਾਂ ਨੂੰ ਮੁੜ ਤੋਂ ਸਵੀਕਾਰ ਕਰ ਕੇ ਆਪਣੇ ਜੀਵਨ 'ਚ ਅਪਣਾਈਏ ਅਤੇ ਜੀਵਨ ਨੂੰ ਰੋਗ ਮੁਕਤ ਬਣਾਉਣ ਵਲ ਵਧੀਏ।

ਤਾਂਬਾ ਧਾਤ ਦੇ ਲਾਭ:
ਤਾਂਬੇ ਦੇ ਭਾਂਡਿਆਂ ਦੀ ਵਰਤੋਂ ਜੀਵਨ 'ਚ ਨਿਸ਼ਚਤ ਰੂਪ 'ਚ ਕੀਤੀ ਜਾਵੇ ਤਾਂ ਜੀਵਨ ਰੋਗ 
ਮੁਕਤ ਹੋ ਸਕਦਾ ਹੈ। ਤਾਂਬੇ ਦੇ ਭਾਂਡੇ 'ਚ ਖਾਣਾ ਬਣਾਉਣ ਨਾਲ ਅਸੀਂ ਕਈ ਪ੍ਰਕਾਰ ਦੇ ਰੋਗਾਂ ਤੋਂ 
ਸੁਰੱਖਿਅਤ ਰਹਿੰਦੇ ਹਾਂ। ਇਹੀ ਕਾਰਨ ਹੈ ਕਿ ਪਹਿਲਾਂ ਮਨੁੱਖ ਨੂੰ ਇੰਨੀਆਂ ਬੀਮਾਰੀਆਂ ਨਹੀਂ ਸਨ ਜਿੰਨੀਆਂ ਅੱਜ ਹਨ। ਇਨਾਂ ਭਾਂਡਿਆਂ 'ਚ ਭੋਜਨ ਬਣਾਉਣਾ ਬਹੁਤ ਲਾਭਦਾਇਕ ਹੁੰਦਾ ਹੈ।
ਆਯੁਰਵੈਦ 'ਚ ਵੀ ਕਿਹਾ ਗਿਆ ਹੈ ਕਿ ਤਾਂਬੇ ਦੇ ਭਾਂਡੇ 'ਚ ਪਾਣੀ ਪੀਣਾ ਸਿਹਤ ਲਈ ਵਧੇਰੇ ਲਾਭਦਾਇਕ ਹੈ। ਤਾਂਬੇ ਦੇ ਭਾਂਡੇ 'ਚ ਪਾਣੀ ਪੀਣ ਨਾਲ ਸਰੀਰ ਦੇ ਜ਼ਹਿਰੀਲੇ ਪਦਾਰਥ ਬਾਹਰ ਨਿਕਲ ਜਾਂਦੇ ਹਨ ਅਤੇ ਕਈ ਬੀਮਾਰੀਆਂ ਆਸਾਨੀ ਨਾਲ ਸਰੀਰ ਤੋਂ ਬਾਹਰ ਨਿਕਲ ਜਾਂਦੀਆਂ ਹਨ।
ਤਾਂਬਾ ਇਮਿਊਨ ਸਿਸਟਮ ਨੂੰ ਮਜ਼ਬੂਤ ਕਰਨ ਅਤੇ ਨਵੀਆਂ ਕੋਸ਼ਿਕਾਵਾਂ ਦੇ ਨਿਰਮਾਣ 'ਚ ਵੀ ਸਹਾਇਕ ਸਿੱਧ ਹੁੰਦਾ ਹੈ। ਤਾਂਬਾ ਧਾਤ ਨੂੰ ਐਂਟੀ ਵਾਇਰਲ ਅਤੇ ਐਂਟੀ ਬੈਕਟੀਰੀਅਲ ਲਈ ਵਿਸ਼ੇਸ਼ ਰੂਪ 'ਚ ਜਾਣਿਆ ਜਾਂਦਾ ਹੈ। ਤਾਂਬੇ ਦੇ ਭਾਂਡਿਆਂ 'ਚ ਭੋਜਨ ਖਾਣ ਨਾਲ ਸਾਡੇ ਸਰੀਰ ਦੇ ਜ਼ਹਿਰੀਲੇ ਪਦਾਰਥ ਬਾਹਰ ਨਿਕਲ ਜਾਂਦੇ ਹਨ ਜਿਸ ਸਦਕਾ ਕਿਡਨੀ ਅਤੇ ਲੀਵਰ ਨਿਰੋਗ ਰਹਿੰਦੇ ਹਨ। ਤਾਂਬਾ ਧਾਤ ਦੇ ਲਾਭ ਸਦਕਾ ਇਸ ਦਾ ਰਸੋਈ 'ਚ ਵੱਧ ਤੋਂ ਵੱਧ ਇਸਤੇਮਾਲ ਸਿਹਤਮੰਦ ਜੀਵਨ ਜਿਉਣ 'ਚ ਵਧੇਰੇ ਸਹਾਇਕ ਹੈ। ਤਾਂਬਾ ਸਰੀਰ 'ਤੇ ਵੱਜੀਆਂ ਸੱਟਾਂ ਨੂੰ ਭਰਨ 'ਚ ਵਧੇਰੇ ਸਹਾਇਕ ਹੈ। ਤਾਂਬਾ ਧਾਤ ਦੇ ਪੁਰਾਣੇ ਹੋਣ ਤੇ ਇਸ ਦੀ ਗੁਣਵੱਤਾ 'ਤੇ ਕੋਈ ਫ਼ਰਕ ਨਹੀਂ ਪੈਂਦਾ ਸਗੋਂ ਇਨਾਂ ਦੇ ਗੁਣ ਉਵੇਂ ਹੀ ਬਣੇ ਰਹਿੰਦੇ ਹਨ। 
ਤਾਂਬੇ ਦੇ ਭਾਂਡਿਆਂ 'ਚ ਭੋਜਨ ਪਕਾਉਣ ਨਾਲ ਤਾਂਬਾ ਧਾਤ ਵੀ ਸਾਡੇ ਸਰੀਰ 'ਚ ਜਾਂਦੀ ਹੈ ਜੋ ਕਿ ਭੋਜਨ ਨਾਲ ਮਿਲ ਕੇ ਸਰੀਰ ਨੂੰ ਕਾਫ਼ੀ ਲਾਭ ਪਹੁੰਚਾਉਂਦਾ ਹੈ।

ਕੁੱਝ ਧਿਆਨ ਰੱਖਣ ਯੋਗ ਗੱਲਾਂ :
-ਭੋਜਨ ਬਣਾਉਣ ਸਮੇਂ ਤਾਂਬੇ ਦੇ ਭਾਂਡੇ ਨੂੰ ਗੈਸ 'ਤੇ ਰੱਖਣ ਤੋਂ ਪਹਿਲਾਂ ਭਾਂਡੇ 'ਚ ਕੱਚੀ ਸਬਜ਼ੀ ਪਾਓ ਉਸ ਤੋਂ ਬਾਅਦ ਗੈਸ ਚਲਾਓ।
-ਭੋਜਨ ਨੂੰ ਸੜਨ ਤੋਂ ਬਚਾਉਣ ਲਈ ਹਮੇਸ਼ਾ ਗੈਸ ਨੂੰ ਹੌਲੀ ਚਲਾਓ।
-ਤਾਂਬੇ ਦੇ ਭਾਂਡੇ ਨੂੰ ਸਾਫ਼ ਕਰਨ ਲਈ ਸਾਬਣ ਜਾਂ ਬੇਕਿੰਗ ਸੋਡਾ ਅਤੇ ਪਾਣੀ ਦੀ ਵਰਤੋਂ ਕਰਨੀ ਹੀ ਸਹੀ ਹੈ।