Beauty Tips: ਸਿੱਕਰੀ ਦੀ ਸਮੱਸਿਆ ਤੋਂ ਨਿਜ਼ਾਤ ਦਿਵਾਉਂਦੀ ਹੈ ''ਨਿੰਮ'', ਇੰਝ ਕਰੋ ਵਰਤੋਂ

ਨਵੀਂ ਦਿੱਲੀ- ਸਿੱਕਰੀ ਤੋਂ ਨਿਜ਼ਾਤ ਪਾਉਣ ਲਈ ਉਂਝ ਤਾਂ ਕਈ ਉਪਾਅ ਹਨ ਪਰ ਸਭ ਤੋਂ ਆਸਾਨ ਅਤੇ ਆਯੁਰਵੈਦਿਕ ਉਪਾਅ ਹੈ ਨਿੰਮ। ਅੱਜ ਅਸੀਂ ਤੁਹਾਨੂੰ ਦੱਸ ਰਹੇ ਹਾਂ ਕਿ ਸਿੱਕਰੀ ਨੂੰ ਦੂਰ ਕਰਨ ਲਈ ਤੁਸੀਂ ਨਿੰਮ ਦੀ ਕਿੰਝ ਵਰਤੋਂ ਕਰ ਸਕਦੇ ਹੋ। 

ਨਿੰਮ ਹੇਅਰ ਮਾਸਕ
ਸਿੱਕਰੀ ਤੋਂ ਵਾਲਾਂ ਨੂੰ ਬਚਾਉਣ ਲਈ ਤੁਸੀਂ ਘਰ 'ਚ ਹੀ ਨਿੰਮ ਦਾ ਹੇਅਰ ਮਾਸਕ ਬਣਾ ਸਕਦੇ ਹੋ। ਇਸ ਲਈ ਤੁਹਾਨੂੰ 40 ਤੋਂ 50 ਨਿੰਮ ਦੇ ਪੱਤੇ, ਇਕ ਬੋਤਲ ਪਾਣੀ ਅਤੇ ਸ਼ਹਿਦ ਦੀ ਲੋੜ ਪਵੇਗੀ। ਸਭ ਤੋਂ ਪਹਿਲਾਂ ਪਾਣੀ ਨੂੰ ਥੋੜ੍ਹਾ ਗਰਮ ਕਰ ਲਓ। ਇਸ ਤੋਂ ਬਾਅਦ ਪਾਣੀ 'ਚ ਨਿੰਮ ਦੀਆਂ ਪੱਤੀਆਂ ਪਾ ਕੇ ਰਾਤ ਭਰ ਛੱਡ ਦਿਓ। ਸਵੇਰੇ ਪੱਤਿਆਂ ਨੂੰ ਛਾਣ ਲਓ ਅਤੇ ਮਿਸਕੀ 'ਚ ਪੀਸ ਕੇ ਪੇਸਟ ਬਣਾ ਲਓ। ਇਸ ਪੇਸਟ 'ਚ ਇਕ ਚਮਚਾ ਸ਼ਹਿਦ ਮਿਲਾਓ ਅਤੇ ਫਿਰ ਉਸ ਨੂੰ ਆਪਣੇ ਵਾਲਾਂ ਦੀਆਂ ਜੜ੍ਹਾਂ ਅਤੇ ਵਾਲਾਂ 'ਤੇ ਚੰਗੀ ਤਰ੍ਹਾਂ ਲਗਾਓ। ਫਿਰ 20 ਤੋਂ 25 ਮਿੰਟ ਬਾਅਦ ਸਿਰ ਧੋ ਲਓ। ਹਰ ਹਫਤੇ 'ਚ ਇਸ ਮਾਸਕ ਦੀ ਵਰਤੋਂ ਜ਼ਰੂਰ ਕਰੋ। 

ਸਿੱਕਰੀ ਦੂਰ ਭਜਾਉਣ ਲਈ ਤੁਸੀਂ ਮਾਰਕਿਟ 'ਚ ਮਿਲਣ ਵਾਲੇ ਨਿੰਮ ਦੇ ਤੇਲ ਦੀ ਵਰਤੋਂ ਕਰ ਸਕਦੇ ਹੋ। ਇਕ ਕੌਲੀ 'ਚ ਨਿੰਮ ਦੇ ਤੇਲ 'ਚ 1 ਕਪੂਰ ਕੁੱਟ ਕੇ ਮਿਲਾ ਲਓ। ਇਸ ਨਾਲ ਹਫਤੇ 'ਚ ਦੋ ਵਾਰ ਵਾਲਾਂ ਦੀ ਮਾਲਿਸ਼ ਕਰੋ। ਦੋ ਹਫਤੇ ਦੇ ਅੰਦਰ ਤੁਹਾਨੂੰ ਸਿੱਕਰੀ ਖਤਮ ਹੁੰਦੀ ਨਜ਼ਰ ਆਵੇਗੀ।  ਅੱਧੇ ਕੱਪ ਨਾਰੀਅਲ ਤੇਲ ਨੂੰ ਗਰਮ ਕਰਨ ਤੋਂ ਬਾਅਦ ਉਸ 'ਚ 10 ਤੋਂ 12 ਨਿੰਮ ਦੇ ਪੱਤੇ ਪਾ ਦਿਓ ਅਤੇ ਹਲਕੀ ਅੱਗ 'ਚ 10 ਤੋਂ 15 ਤੱਕ ਪਕਣ ਦਿਓ। 

ਉਬਾਲਣ ਤੋਂ ਬਾਅਦ ਉਸ ਨੂੰ ਗੈਸ ਤੋਂ ਉਤਾਰ ਦਿਓ। ਇਸ ਤੇਲ ਨੂੰ ਠੰਡਾ ਹੋਣ ਤੋਂ ਬਾਅਦ ਇਸ 'ਚ ਦੋ ਟੇਬਲ ਸਪੂਨ ਕੈਸਟਰ ਆਇਲ ਅਤੇ ਅੱਧਾ ਟੀ ਸਪੂਨ ਨਿੰਬੂ ਦਾ ਰਸ ਮਿਲਾਓ। ਇਸ ਮਿਸ਼ਰਨ ਨੂੰ ਬੋਤਲ 'ਚ ਭਰ ਕੇ ਰੱਖ ਲਓ। ਹਫਤੇ 'ਚ ਘੱਟ ਤੋਂ ਘੱਟ ਦੋ ਵਾਰ ਇਸ ਨੂੰ ਵਾਲਾਂ ਅਤੇ ਜੜ੍ਹਾਂ 'ਤੇ ਲਗਾਓ। ਤੇਲ ਲਗਾਉਣ ਦੇ ਇਕ ਘੰਟੇ ਬਾਅਦ ਵਾਲਾਂ ਨੂੰ ਧੋ ਲਓ।